India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 12, 2024
அடேங்கப்பா.. இது எனக்கே தெரியாதே! மறுக்கும் மாதவன்
ராகவா லாரன்ஸ் நடிக்கும் ‘பென்ஸ்’ படத்தில், தான் வில்லனாக நடிப்பதாக வெளியான தகவலுக்கு மாதவன் மறுப்பு தெரிவித்துள்ளார். இந்த தகவல் தனக்கே தெரியாது என கலாய்த்துள்ள அவர், LCU-வில் இணைந்தால் மகிழ்ச்சியே எனவும் தனது விருப்பத்தை கூறியுள்ளார். ‘பென்ஸ்’ படத்திற்கு லோகேஷ் கனகராஜ் கதை எழுத, பாக்யராஜ் கண்ணன் இயக்குகிறார். கைதி, விக்ரம் ஆகிய படங்களின் வரிசையில் இந்த படமும் LCU-வில் இணைந்துள்ளது.
News December 12, 2024
பள்ளி மாணவர்களுக்கு முக்கிய அறிவிப்பு
தமிழ்நாடு ஊரகப்பகுதி மாணவர்களுக்கான திறனாய்வுத் தேர்வு டிச.14இல் நடைபெறவுள்ளது. கிராமப்புற பஞ்சாயத்து, நகர பஞ்சாயத்துகளில் அரசு அங்கீகாரம் பெற்ற பள்ளிகளில் 9ஆம் வகுப்பு பயிலும் மாணவர்கள் இத்தேர்வு எழுதுவதற்கு தகுதியானவர்கள். ஒவ்வொரு வருவாய் மாவட்டத்திலும் தேர்ந்தெடுக்கப்படும் 100 தேர்வர்களுக்கு (50 மாணவியர் + 50 மாணவர்) 9-12ஆம் வகுப்பு வரை ஆண்டு தோறும் உதவித்தொகை ₹1000 வழங்கப்படும்.
News December 12, 2024
கே.எல் ராகுல் மீதான அன்பு குறையாது: சஞ்சீவ் கோயங்கா
LSG இருந்து கே.எல் ராகுல் பிரிந்து சென்றாலும், அவர் மீதான அன்பும், மரியாதையும் குறையாது என அணியின் உரிமையாளர் சஞ்சீவ் கோயங்கா கூறியுள்ளார். கடந்த ஐபிஎல் சீசனில் கே.எல்.ராகுலிடம் கடுமையாக நடந்து கொண்டதற்கு, அந்த நேரத்தில் உணர்வுப்பூர்வமாக இருந்தே காரணம் எனவும், அவர் எப்போதும் தன் குடும்பத்தில் ஒருவர்தான் என்றும் தெரிவித்துள்ளார். கே.எல்.ராகுல் வரும் சீசனில் டெல்லி அணிக்காக விளையாடவுள்ளார்.
News December 12, 2024
வானிலையை கணிப்பதில் தவறு ஏற்படுவது ஏன்?
கடந்த காலங்களில் மழையை கணிக்கும் போது வானிலை ஆய்வு மையம் சில சறுக்கல்களை சந்தித்தது விவாதப்பொருளானது. இந்நிலையில், இதுகுறித்து வானிலை மைய தென்மண்டல இயக்குநர் பாலச்சந்திரன் கூறும் போது, வானிலை பல அம்சங்களை கொண்டிருப்பதால், சில நேரங்களில் தவறு ஏற்படுவதாக தெரிவித்துள்ளார். மேலும், உள்முகம், வெளிமுகம் கொண்ட வானிலையை கணிக்கும் போது சில நேரங்களில் தவறு ஏற்படலாம் எனவும் கூறியுள்ளார்.
News December 12, 2024
மணிப்பூரா, கரீனா கபூரா? மோடிக்கு காங்கிரஸ் கேள்வி
எதிர்க்கட்சிகள் மணிப்பூர் குறித்து விவாதிக்க சொன்னால், அதை கரீனா கபூர் என பிரதமர் மோடி புரிந்து கொண்டதாக காங்கிரஸ் விமர்சனம் செய்துள்ளது. ராஜ் கபூர் திரைப்பட விழாவில் கலந்துகொள்ள வேண்டி, PM மோடியை கபூர் குடும்பம் நேரில் சந்தித்து அழைத்ததை சுட்டிக்காட்டிய காங்., மணிப்பூரில் வன்முறையால் பாதிக்கப்பட்ட மக்களை பார்க்கக் கூட செல்லாமல், சினிமா நிகழ்ச்சியில் பிரதமர் பங்கேற்க உள்ளதாக சாடியுள்ளது.
News December 12, 2024
கஜகேசரி யோகம்: உச்சத்துக்கு போகும் 4 ராசிகள்!
2025இல் சந்திரனும், வியாழனும் மிதுன ராசியில் இணைவதால் கஜகேசரி யோகம் உருவாகப் போகிறது. இதனால், மிதுனம், கன்னி, தனுசு, மீனம் ஆகிய 4 ராசிக்காரர்கள் பலனடைய போகின்றனர். இவர்களுக்கு வரப் போகும் புத்தாண்டில் வீடு, நிலம், தங்கம் போன்ற சொத்துகளை வாங்கிக் குவிக்கும் ராஜயோகம் உள்ளது. மேலும், மகிழ்ச்சி, மன வலிமை, அதிர்ஷ்டம், ஆளுமைத் திறன் ஆகியவையும் பல மடங்கு அதிகரிக்கும். நினைத்த காரியங்கள் நிறைவேறும்.
News December 12, 2024
வரலாறு காணாத சரிவில் இந்திய ரூபாய் மதிப்பு
வரலாற்றில் இதுவரை இல்லாத அளவில் இந்திய ரூபாயின் மதிப்பு கடுமையாக சரிந்துள்ளது. இந்திய ரூபாயின் மதிப்பு கடந்த சில மாதங்களாக கடும் அழுத்தத்தை சந்தித்து வருகிறது. அந்த வகையில், இன்றைய வர்த்தகத்தில் அமெரிக்க டாலருக்கு நிகரான இந்திய ரூபாயின் மதிப்பு 84.88 என்ற வரலாறு காணாத அளவில் சரிந்தது. டாலரின் மதிப்பு உயர்வு மற்றும் இறக்குமதி அதிகரிப்பு ஆகியவை இதற்கு முக்கிய காரணங்களாக கூறப்படுகிறது.
News December 12, 2024
முறையான எச்சரிக்கை விடுங்கள்: TTV தினகரன்
முறையான எச்சரிக்கை விடுத்த பிறகே அணைகளில் இருந்து தண்ணீர் திறக்க வேண்டும் என தமிழக அரசை TTV தினகரன் வலியுறுத்தியுள்ளார். இதுதொடர்பான X பதிவில், மழை பாதிப்புக்கு பின்பு, வரலாறு காணாத மழை, கணித்ததைவிட அதிக மழை என காரணத்தை தேடாமல், உரிய நேரத்தில் முன்னெச்சரிக்கை நடவடிக்கைகளை தீவிரப்படுத்துவதே, கனமழை பாதிப்பிலிருந்து மக்கள் பாதுகாக்க ஒரே வழி எனவும் குறிப்பிட்டுள்ளார்.
News December 12, 2024
BREAKING: புதிய காற்றழுத்த தாழ்வுப்பகுதி
வங்கக்கடலில் அந்தமான் அருகே டிச.15 புதிய காற்றழுத்த தாழ்வுப்பகுதி உருவாகும் என சென்னை வானிலை மையம் தெரிவித்துள்ளது. மேலும், இன்று நெல்லை, தென்காசி, தூத்துக்குடிக்கு அதிகனமழைக்கான Red Alert, திருவள்ளூர், காஞ்சி, செங்கல்பட்டு, விழுப்புரம், கடலூர், மயிலாடுதுறை, திருவாரூர், தஞ்சை, புதுக்கோட்டை, சிவகங்கை, ராமநாதபுரம், மதுரை, தேனி, விருதுநகர் மாவட்டங்களுக்கு கனமழைக்கான Orange Alert விடுக்கப்பட்டுள்ளது.
News December 12, 2024
அரசு ஹோட்டலை விலைக்கு கேட்டாரா விக்னேஷ் சிவன்?
புதுச்சேரி அரசின் ஹோட்டலை விக்னேஷ் சிவன் விலைக்குக் கேட்டதாக வெளியான தகவலை, மினிஸ்டர் லட்சுமி நாராயணன் மறுத்துள்ளார். பீச் ரோட்டில் இருக்கும் சீகல்ஸ் ஹோட்டலை விக்னேஷ் சிவன் விலைக்கு கேட்டதாகத் தகவல் பரவியது. வெளிநாட்டில் நடத்துவதைப் போல் இசை நிகழ்ச்சி ஒன்றை நடத்த, பீச் அருகே வாடகைக்கு இடம் கேட்டதாகவும், இது வழக்கமாகத் தனியார் நிறுவனங்கள் அணுகும் நடைமுறைதான் என்றும் மினிஸ்டர் விளக்கமளித்துள்ளார்.
Featured News
Sorry, no posts matched your criteria.