India's largestHyperlocal short
news App
Get daily news updates that are tailored for you based on your preferred language & location.
download Way2News app now
News December 19, 2024
BREAKING: வலுப்பெறும் காற்றழுத்த தாழ்வுப் பகுதி
தென்மேற்கு வங்கக்கடல் மற்றும் அதனை ஒட்டிய மத்திய மேற்கு வங்கக்கடல் பகுதிகளில் நிலவி வரும் ஆழ்ந்த காற்றழுத்த தாழ்வுப் பகுதி வலுப்பெற வாய்ப்புள்ளதாக இந்திய வானிலை மையம் தெரிவித்துள்ளது. இது, வரும் 22ம் தேதி காற்றழுத்த தாழ்வு மண்டலமாக வலுப்பெறக்கூடும் என கணித்துள்ளது. ஏற்கெனவே, காற்றழுத்த தாழ்வுப் பகுதி காரணமாக தமிழகத்தில் அடுத்த 2 நாட்களுக்கு மிதமான மழை பெய்யக்கூடும் எனவும் முன்னறிவித்திருந்தது.
News December 19, 2024
₹1,500 கோடி வசூலைக் கடந்த ‘புஷ்பா 2’
அல்லு அர்ஜுன் நடித்து, கடந்த 5ஆம் தேதி வெளியான ‘புஷ்பா 2’ திரைப்படம், இதுவரை உலகம் முழுவதும் ₹1,508 வசூலித்துள்ளதாக படக்குழு அதிகாரப்பூர்வமாக அறிவித்துள்ளது. இந்தி வெர்ஷனில் மட்டும் இப்படம் ₹618 கோடி வசூலித்து, பாலிவுட்டில் 2ஆவது பெரிய வசூல் சாதனையை படைத்துள்ளது. ‘பாகுபலி 2’ படத்தின் மொத்த வசூலான ₹1,800 கோடி சாதனையை முறியடிக்குமா என ரசிகர்களிடையே எதிர்பார்ப்பு எழுந்துள்ளது.
News December 19, 2024
தமிழக பாஜக முன்னாள் பொறுப்பாளர் சி.டி.ரவி கைது
கர்நாடக பெண் அமைச்சர் லட்சுமி ஹெப்பால்கரை அவதூறாக பேசிய வழக்கில் பாஜக மூத்த தலைவரும், எம்.எல்.சியுமான சி.டி ரவி கைது செய்யப்பட்டார். தன்னை இழிவு செய்யும் வகையில் சட்டப்பேரவையில் மோசமான வார்த்தையை, சி.டி.ரவி பேசியதாக போலீசில் அமைச்சர் புகார் அளித்திருந்தார். சட்டமேலவை வளாகத்தில் வைத்து போலீசார், சிடி ரவியை கைது செய்து குண்டுக்கட்டாக தூக்கி சென்றனா்.
News December 19, 2024
கிறிஸ்டோபர் நோலனுக்கு ‘சர்’ பட்டம்
Oppenheimer, Interstellar உள்ளிட்ட கிளாசிக் படங்களை கொடுத்தவர் கிறிஸ்டோபர் நோலன். திரைத்துறையில் நோலனின் அளப்பரிய பங்களிப்பை கெளரவிக்கும்வகையில் பிரிட்டிஷ் மன்னர் 3-ஆம் சார்லஸ் ‘சர்’ பட்டம் கொடுத்துள்ளார். இந்த விழாவில் நோலனின் மனைவி எம்மா தாமஸுக்கு சர் பட்டத்துக்கு இணையான டேம் (சீமாட்டி) பட்டம் கொடுக்கப்பட்டது. நோலனின் பெயரிடப்படாத அடுத்த படம் 2026 ஜூலையில் வெளியாகவுள்ளது.
News December 19, 2024
நாட்டில் பரவி வரும் மர்ம நோய்.. உயிரிழக்கும் மக்கள்!
ஜம்மு & காஷ்மீரில் உள்ள ரஜௌரி மாவட்டத்தில் பரவி வரும் மர்ம நோயால் மக்கள் பீதியடைந்துள்ளனர். இந்த தொற்று நோயால், 14 வயதிற்குட்பட்ட 6 குழந்தைகள் உட்பட இதுவரை 8 பேர் உயிரிழந்திருப்பது, அச்சம் கொள்ளச் செய்கிறது. என்ன நோய்? எப்படி பரவுகிறது? என எதுவும் தெரியாமல் அதிகாரிகள் முழித்து வருகின்றனர். நிலைமையின் தீவிரத்தை உணர்ந்து மத்திய நிபுணர்கள் குழு அங்கு ஆய்வு செய்ய விரைந்துள்ளது.
News December 19, 2024
கோவா மக்களின் வீரத்தை போற்றிய PM மோடி
போர்த்துகீசிய ஆட்சியில் இருந்த கோவா, 1961-ம் ஆண்டு இதே நாளில் (டிச.19) தான் இந்தியாவுடன் இணைக்கப்பட்டது. இதை நினைவுகூர்ந்த PM மோடி, “கோவாவின் சுதந்திரத்துக்காக போராடிய ஆண்கள், பெண்களின் வீரத்தையும் உறுதியையும் இந்நாளில் நினைவு கூருவோம். கோவா மக்களுக்கும் அம்மாநில வளர்ச்சிக்கும் நாம் உழைக்க இவர்களின் வீரம் ஊக்கமளிக்கட்டும்” என்று X-ல் வாழ்த்தி பதிவிட்டுள்ளார்.
News December 19, 2024
நம்பிக்கையில்லா தீர்மானம் நிராகரிப்பு
ஜக்தீப் தன்கருக்கு எதிரான நம்பிக்கையில்லா தீர்மானம் நிராகரிக்கப்படுவதாக மாநிலங்களவை துணைத் தலைவர் ஹரிவன்ஷ் அறிவித்துள்ளார். எதிர்க்கட்சிகள் கொண்டு வந்த தீர்மானம், அவரது (தன்கர்) பெயருக்கு களங்கம் ஏற்படுத்தும் வகையில் உள்ளதாகவும், நம்பிக்கையில்லா தீர்மான நோட்டீஸ் 14 நாட்களுக்கு முன்பே கொண்டு வரப்பட்டிருக்க வேண்டும் என்ற தேவையை இத்தீர்மானம் பூர்த்தி செய்யவில்லை என்றும் விளக்கமளித்துள்ளார்.
News December 19, 2024
மேட்டூர் அனல்மின் நிலையத்தில் விபத்து: 3 பேர் பலி
மேட்டூர் அனல் மின்நிலையத்தில் நிலக்கரி சேமிப்பு தொட்டி உடைந்து விழுந்த விபத்தில், 3 தொழிலாளர்கள் உயிரிழந்துள்ளனர். மேலும், 2 பேர் படுகாயங்களுடன் மேட்டூர் அரசு மருத்துவமனையில் தீவிர சிகிச்சை பெற்று வருகின்றனர். விபத்து தொடர்பாக போலீசார் விசாரணை நடத்தி வருகிறார்கள்.
News December 19, 2024
டேய் தகப்பா.. தந்தையை கலாய்த்த அஸ்வின்!
அஸ்வினின் ஓய்வு அறிவிப்பு குறித்து பேசிய அவரது தந்தை ரவிச்சந்திரன், தனது மகனுக்கு வாய்ப்பு தராமல் அவமானப்படுத்தியதாக கூறினார். இந்நிலையில், இதுகுறித்து அஸ்வின் வெளியிட்ட பதிவில், “நீயும் இந்த அப்பாக்களின் பாரம்பரிய வார்த்தைகளை ஃபாலோ பண்ணுவனு நினைக்கலையே” என்று தன் அப்பாவை கலாய்த்துவிட்டு, “எனது தந்தை மீடியாவில் பேசிப் பழகியவர் அல்ல. அவர் சொன்னதை மன்னியுங்கள்” என ஜாலியாக விளக்கம் அளித்துள்ளார்.
News December 19, 2024
என் படம் பார்த்து பாலா கேட்ட கேள்வி: மிஷ்கின்
பாலா இயக்கத்தில் உருவாகியுள்ள ‘வணங்கான்’ திரைப்பட இசை வெளியீட்டு விழாவில் மிஷ்கின் பேசினார். அவர் கூறுகையில், “ஓநாயும் ஆட்டுக்குட்டியும் படம் பாத்துட்டு பாலா என்னை கூப்பிட்டார். அந்த படம் சரியாக ஓடவில்லை. பாலா அழுது நான் பார்த்ததில்லை. அன்றைக்கு அழுதார். மது அருந்தலாமா எனக் கேட்டார். பிறகு, அவரது தயாரிப்பில் படம் இயக்க தயாரா என்றும் கேட்டார். எனக்கு வாழ்க்கை கொடுத்தவர் பாலா” என்றார்.
Featured News
Sorry, no posts matched your criteria.