India's largestHyperlocal short
news App
Get daily news updates that are tailored for you based on your preferred language & location.
download Way2News app now
News January 2, 2025
புத்தாண்டு வாழ்த்துக்காக தற்கொலையா!
ஆந்திராவைச் சேர்ந்த சின்னதிப்பம்மா (17) என்ற +2 மாணவி எடுத்த விபரீத முடிவு இதற்கெல்லாமா தற்கொலை செய்வார்கள் என்ற கேள்வியை எழுப்புகிறது. தனது நெருங்கிய தோழி, சில நாட்களாகவே தன்னிடம் இருந்து விலகியதாலும், நியூ இயர் அன்று தனக்கு வாழ்த்து தெரிவிக்கவில்லை என்பதாலும், தூக்கிட்டு தற்கொலை செய்துகொண்டார். இது இன்றைய மாணவர்களிடம் சகிப்பு தன்மை, ஏற்றுக்கொள்ளும் மனப்பான்மை குறைந்து விட்டதோ என தோன்ற வைக்கிறது
News January 2, 2025
123 ஆண்டுகளில் இல்லாத வெப்ப ஆண்டு!
இந்தியாவில், கடந்த 124 ஆண்டுகளில் இல்லாத வெப்பம், 2024இல் பதிவாகியுள்ளதாக IMD தெரிவித்துள்ளது. 1901 ஆம் ஆண்டு முதல் இதுவரையிலான பதிவுகளின் அடிப்படையில், கடந்த ஆண்டுதான் அதிகப்படியான வெப்பம் பதிவான ஆண்டாக உள்ளது. வெப்பநிலை, இயல்பை விட 0.54 டிகிரி செல்சியஸ் அதிகமாக இருந்ததாகவும், சராசரி குறைந்தபட்ச வெப்பநிலை, நீண்ட கால சராசரியை விட இது 0.90 டிகிரி செல்சியஸ் அதிகம் என்றும் கூறப்பட்டுள்ளது.
News January 2, 2025
5வது டெஸ்டில் ஆஸி.யில் மார்ஷுக்கு பதில் அறிமுக வீரர்
5வது BGT டெஸ்டிற்கு ஆஸி. அணியில் ஆல் – ரவுண்டர் மிட்செல் மார்ஷ் நீக்கப்பட்டுள்ளார். அவர் சில காலமாக டெஸ்டில் தடுமாறி வருகிறார். அவருக்கு பதிலாக, உள்நாட்டு போட்டிகளில் தொடர்ந்து சிறப்பாக விளையாடி வரும், வெப்ஸ்டர் அறிமுக இருக்கிறார். ஆஸி. அணி: கான்ஸ்டாஸ், கவாஜா, லபுஷேன், ஸ்மித், ஹெட், கம்மின்ஸ், பியூ வெப்ஸ்டர், கேர்ரி, ஸ்டார்க், லயன், போலந்து.
News January 2, 2025
நாளை முதல் பொங்கல் தொகுப்பு டோக்கன்
ரேஷன் கடைகளில் நாளை முதல் பொங்கள் பரிசுத் தொகுப்புக்கான டோக்கன்கள் வழங்கப்படும் என்று அரசு அறிவித்துள்ளது. தைப் பொங்கலுக்கு அரசு சார்பில் வழங்கப்படும் சிறப்புத் தொகுப்பு இந்தாண்டும் வழங்கப்படவுள்ளது. இதில், அரசி, சர்க்கரை, கரும்பு உள்ளிட்ட பொருட்கள் இடம்பெறும். இதனை முறையாக விநியோகம் செய்ய ரேஷன் அதிகாரிகள் நாளை முதல் வீடு வீடாக வந்து டோக்கன் விநியோகம் செய்யவுள்ளனர்.
News January 2, 2025
ஆனந்த் அம்பானி கையில் ரூ.22.5 கோடி வாட்ச்
கோடி ரூபாய்க்கு எத்தனை பூஜ்ஜியம் எனக் கூட தெரியாத சில மக்கள் வாழும் இந்தியாவில், ஆனந்த் அம்பானியின் வாட்ச் ₹22 கோடியா என நெட்டிசன்கள் வாயைப் பிளக்கின்றனர். நிகழ்ச்சி ஒன்றில் ஆனந்த் அம்பானி தனது மனைவி ராதிகா மெர்ச்சன்ட் உடன் இருக்கும் போட்டோ சோஷியல் மீடியாவில் டிரெண்டாகி வருகிறது. நீல நிறத்தில் கண்ணைப் பறிக்கும் வகையில் உள்ள இந்த Richard Mille RM 052 வாட்ச் உலகிலேயே 3 மட்டுமே உள்ளதாம்.
News January 2, 2025
மீண்டும் உயிர்பெற்ற 1500 பேர்
2024ஆம் ஆண்டு மாநிலத்தில் உறுப்பு மாற்று சிகிச்சை மூலம் 1500 பேருக்கு மறுவாழ்வு அளிக்கப்பட்டுள்ளது. உடல் உறுப்பு தானத்தில் தமிழ்நாடு முதலிடத்தில் உள்ளது. உடல் உறுப்பு தானம் செய்வோருக்கு தமிழகத்தில் அரசு மரியாதையும் செய்யப்படுகிறது. இந்நிலையில், கடந்த ஆண்டு மூளைச்சாவு அடைந்த 268 பேரிடம் இருந்து உறுப்புகள் தானமாக பெறப்பட்டு 1500 பேருக்கு வாழ்க்கை அளிக்கப்பட்டுள்ளது.
News January 2, 2025
கடைசி டெஸ்டில் பண்ட்டிற்கு பதிலாக இளம் வீரர்
BGT கடைசி டெஸ்டில் இந்திய அணியில் அதிரடி மாற்றங்கள் இருக்கும் எனப்படுகிறது. டெஸ்ட் போட்டிகளில் சொதப்பும், பண்ட்டிற்கு பதிலாக ஜுரேல் இடம் பெறலாம் எனக் கூறப்படுகிறது. 4வது போட்டிக்கு பிறகு ரோஹித் பண்ட்டை விமர்சித்து பேசியதை தொடர்ந்து இம்மாற்றம் வரலாம் எனப்படுகிறது. எதிர்பார்க்கப்படும் அணி: ஜெய்ஸ்வால், ரோஹித், கே.எல்.ராகுல், கோலி, பண்ட்/ ஜூரேல், நிதிஷ், ஜடேஜா, சுந்தர், பும்ரா, சிராஜ், தீப்.
News January 2, 2025
சென்னையில் காய்கறி விலை சரிவு
சென்னையில் பூண்டு, வெங்காயம், முருங்கை விலை சரிவால் மக்கள் மகிழ்ச்சி அடைந்துள்ளனர். கடந்த வாரம் ₹400க்கு விற்பனை செய்யப்பட்ட ஒரு கிலோ பூண்டு இன்று ₹280க்கு விற்பனையாகிறது. அதேபோல், கடந்த வாரம் ₹70க்கு விற்ற கிலோ வெங்காயம் இன்று ரூ.40க்கும், கடந்த வாரம் ₹30க்கு விற்பனையான கிலோ தக்காளி இன்று ₹20க்கும் விற்பனையாகிறது. கோயம்பேடு மார்க்கெட்டிற்கு காய்கறி வரத்து அதிகரிப்பால் விலை சரிவைக் கண்டுள்ளது.
News January 2, 2025
ரிஜிஸ்டர் ஆபீஸ் செல்லாமலே இனி திருமணப் பதிவு
ஆன்லைனில் திருமணப் பதிவு திட்டத்தை விரைவில் அமலுக்கு கொண்டு வர TN அரசு திட்டமிட்டுள்ளது. தற்போதுள்ள நடைமுறையில் பதிவு கட்டணம் ₹100, கணினி கட்டணம் ₹100 என மொத்தம் ₹200 தான். ஆனால் சில இடங்களில் ₹10,000 வரை லஞ்சம் பெறப்படுவதாக கூறப்படுகிறது. நடைமுறை சிக்கல்களை களைந்து ‘ஸ்டார்-3’ மூலம் தம்பதிகள் ரிஜிஸ்டர் ஆபீஸ் செல்லாமல், தேவையான ஆவணங்களை ஆன்லைனில் அப்லோடு செய்து சான்று பெற வழிவகை செய்கிறது.
News January 2, 2025
ஒரு எருமை மாட்டினால் இவ்வளவு அக்கப்போரா…
இது எங்க மாடு, நாங்க பலிகொடுக்க நேர்ந்து விட்டது என எருமை மாட்டினால், கர்நாடக – ஆந்திர மாநில எல்லை கிராமத்தினர் மோதி வருகிறார்கள். பொம்மனஹல்லைச் (கர்நாடகா) சேர்ந்த விவசாயி மாட்டை காணவில்லை என தேடி, மெட்டஹல்லில் (ஆந்திரா) கண்டுபிடித்தார். இருகிராமத்தினரும் இது தங்கள் மாடு என முரண்டுபிடிக்க, பஞ்சாயத்து போலீசிடம் வந்தது. திணறி போனவர்கள், DNA டெஸ்ட் எடுத்து முடிவு செய்யலாம் என இறங்கி விட்டார்கள்.
Featured News
Sorry, no posts matched your criteria.