India's largestHyperlocal short
news App
Get daily news updates that are tailored for you based on your preferred language & location.
download Way2News app now
News January 2, 2025
‘மஞ்சுமெல் பாய்ஸ்’ டைரக்டரின் அடுத்த படம் அறிவிப்பு
‘மஞ்சுமெல் பாய்ஸ்’ படத்தின் இயக்குநர் சிதம்பரத்தின் அடுத்தப்படம் குறித்த அறிவிப்பு வெளியாகியுள்ளது. இப்படத்தின் கதையை ‘ஆவேஷம்’ பட இயக்குநர் ஜீத்து மாதவன் எழுத, சிதம்பரம் இயக்க மட்டுமே உள்ளார். இப்படமும் மலையாளத்தில் உருவாக்கப்பட்டு, இதர மொழிகளில் டப்பிங் செய்யப்பட உள்ளது. இதில் நடிக்க உள்ள நடிகர்கள் குறித்து விரைவில் அறிவிப்பு வெளியாகும் என தெரிவிக்கப்பட்டுள்ளது.
News January 2, 2025
2 நாட்கள் டாஸ்மாக் விடுமுறை!
பொங்கல் பண்டிகை தொடர் விடுமுறையால் டாஸ்மாக் விற்பனை களைகட்டும் என எதிர்பார்க்கப்படுகிறது. அதே சமயத்தில், பொங்கல் பண்டிகைக்கு அடுத்த நாளான ஜன.15ஆம் தேதி திருவள்ளுவர் தினம் என்பதால் அனைத்து டாஸ்மாக் கடைகளுக்கும் விடுமுறை அறிவிக்கப்பட்டுள்ளது. அதேபோல, ஜன.26 குடியரசு தினம் கொண்டாடப்படுவதால் அன்றைய தினமும் டாஸ்மாக் கடைகள் இயங்காது. மதுப்பிரியர்களே தேதியை குறிச்சு வெச்சிக்கோங்க..
News January 2, 2025
ரூ.4.2 கோடி- இந்தியா நிதியுதவி
தெற்கு பசிபிக் நாடான வனுவாட்டில், 7.4 ரிக்டர் சக்தி வாய்ந்த நிலநடுக்கம் டிச.17 நிகழ்ந்தது. 14 பேர் பலியாகினர். 200 பேர் காயமுற்றனர். ஏராளமான கட்டடங்கள் சேதமாகின. இந்திய- பசிபிக் தீவுகள் கூட்டமைப்பில் உறுப்பினர் என்பதால் அந்நாட்டின் புனரமைப்பு மற்றும் நிவாரண பணிகளுக்காக ரூ.4.2 கோடி நிதியுதவி அறிவித்துள்ளது மத்திய அரசு. இயற்கை பேரிடர் காலங்களில் வனுவாட்டுக்கு இந்தியா அடிக்கடி உதவியுள்ளது.
News January 2, 2025
பூச்சி கடித்த பெண்ணுக்கு ₹1.1 லட்சம் இழப்பீடு
கர்நாடகாவில் தனியார் ஆம்னி பஸ்ஸில் பயணித்த போது பூச்சி கடித்த வழக்கில், பாதிக்கப்பட்ட பெண்ணுக்கு ₹1.1 லட்சம் இழப்பீடு வழங்க, பஸ் நிறுவனத்திற்கு தக்ஷின கன்னடா மாவட்ட நுகர்வோர் நீதிமன்றம் உத்தரவிட்டுள்ளது. கடந்த 2022ஆம் நடந்த சம்பவத்தால், தான் மன உளைச்சலுக்கு ஆளானதுடன், டிவி நிகழ்ச்சியிலும் பங்கேற்க முடியாமல் வருமான இழப்பையும் சந்தித்ததாக திவ்யா என்பவர் வழக்கு தொடர்ந்திருந்தார்.
News January 2, 2025
அர்ஜுனா விருது வென்ற 3 தமிழ் வீராங்கனைகள் யார்? (1/2)
2024ஆம் ஆண்டுக்கான அர்ஜுனா விருதுக்கு தேர்வாகியுள்ள பேட்மிண்டன் வீராங்கனை துளசி மணி முருகேசன், கால்நடை மருத்துவ மாணவர் ஆவார். அவரது இடது கை பிறவி குறைபாடு, அதன் விளைவாக கட்டைவிரல் இழப்பு மற்றும் பெரும் விபத்து ஆகியவை துளசியை முடக்கிவிடவில்லை. பாராலிம்பிக்ஸ் பேட்மிண்டனில் பதக்கம் வென்ற முதல் இந்திய வீராங்கனை என்ற பெயர் பெற, மேற்கூறிய தடைகளே அவருக்கு உந்துதலைக் கொடுத்தன.
News January 2, 2025
அர்ஜுனா விருது வென்ற 3 தமிழ் வீராங்கனைகள் யார்? (2/2)
மணிஷா ராமதாஸ், தனது 11 வயதில் கெரியரை தொடங்கியவர். கடின உழைப்பால், 2022ல் ஜப்பானில் நடந்த உலக சாம்பியன்ஷிப் போட்டியில் பட்டம் வென்றார். அதேபோல், 36க்கும் அதிகமான சர்வதேச மெடல்களை வாங்கிக் குவித்த நித்யஸ்ரீ சிவனுக்கும் அர்ஜுனா விருது அறிவிக்கப்பட்டுள்ளது. தனது உயரத்தை பற்றி கேலி பேசியவர்கள் மத்தியில், தனது திறமையால் மிக உயரமான இடத்திற்கு சென்றவர் நித்யஸ்ரீ.
News January 2, 2025
#GameChangerTrailer கேட்டு ட்ரெண்டிங் செய்யும் ரசிகர்கள்
ஷங்கர் இயக்கத்தில் ராம்சரண் நடிப்பில் உருவாகியுள்ள “GameChanger” ட்ரெய்லர் மாலை 5:04-க்கு வெளியாகும் என அறிவிக்கப்பட்டது. ஆனால், தற்போதுவரை ட்ரெய்லர் வெளியாகவில்லை. இதனால், ஆத்திரமடைந்த ராம்சரண் ரசிகர்கள் #GameChangerTrailer என்ற ஹேஷ்டேக்கை ட்ரெண்டிங் செய்து வருகின்றனர். இதுவரை சுமார் 129K posts பதிவானதால், இந்த ஹேஷ்டேக் இந்திய அளவில் ட்ரெண்டிங்கில் நம்பர் 1 இடத்தில் உள்ளது.
News January 2, 2025
காலையில் உதவி.. மதியம் பிசினஸ்.. இரவில் கொள்ளை
அண்ணா பல்கலை., மாணவி பாலியல் வன்கொடுமை வழக்கில் கைதான ஞானசேகரன் தொடர் குற்றங்களில் ஈடுபட்டு வந்ததை காவல்துறை உறுதி செய்துள்ளது. காலையில் நலத் திட்ட உதவிகளை வழங்கும் ஞானசேகரன், பிற்பகலில் பிரியாணி பிசினஸ் செய்ததும், இரவில் பல்வேறு வீடுகளில் பூட்டை உடைத்து கொள்ளையடித்து வந்ததும் அம்பலமாகியுள்ளது. பள்ளிக்கரணை போலீசார் அவரை நெருங்கியபோது, மாணவி வன்கொடுமை விவகாரம் வெளிச்சத்துக்கு வந்துள்ளது.
News January 2, 2025
யார் யாருக்கு எவ்வளவு போனஸ்
➤C & D Group பணியாளர்கள், ஆசிரியர்களுக்கு<<15046427>> ₹3000 ➤தொகுப்பூதியம்<<>>, சிறப்புக் கால முறை ஊதியம் பெறும் பணியாளர்கள், 2023 -24ஆம் நிதியாண்டில் 240 நாட்கள் அல்லது அதற்கு மேல் பணிபுரிந்த, மாத அடிப்படையில் நிர்ணயிக்கப்பட்ட ஊதியம் பெறும் முழுநேர, பகுதி நேரப் பணியாளர்களுக்கு ₹1000, ➤C & D Group ஓய்வூதியதாரர்கள் மற்றும் குடும்ப ஓய்வூதியதாரர்கள், முன்னாள் VO, கிராம உதவியாளர்களுக்கு ₹500 போனஸ் வழங்கப்படும்.
News January 2, 2025
ஓப்பனிங்கில் களமிறங்கும் ராகுல்
டெஸ்ட் உலகக்கோப்பை இறுதிப்போட்டிக்கு இந்தியா செல்ல வேண்டும் என்றால், கடைசி டெஸ்ட்டில் வெற்றிபெறுவது மிக முக்கியம். இந்த சூழலில் மோசமான பார்ம் காரணமாக, ரோஹித் விலகியுள்ளார். இதனால், அவருக்கு பதில் ராகுல் மீண்டும் தொடக்க வீரராக களமிறங்குவார் என கூறப்படுகிறது. அதேபோல், காயத்தால் அவதியடைந்து வரும் வேகப்பந்து வீச்சாளர் ஆகாஷ் தீப்புக்கு பதில் பிரசித் கிருஷ்ணா அணியில் சேர்க்கப்பட்டுள்ளார்.
Featured News
Sorry, no posts matched your criteria.