India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 22, 2025
பாலிவுட் நடிகர் ராகேஷ் பாண்டே காலமானார்
மூத்த ஹிந்தி, போஜ்பூரி நடிகர் ராகேஷ் பாண்டே (77) காலமானார். மாரடைப்பு ஏற்பட்டு மும்பையின் ஜூஹூவில் உள்ள ஹாஸ்பிடலில் ICU-வில் அனுமதிக்கப்பட்டார். அங்கு சிகிச்சை பலனின்றி அவர் உயிரிழந்தார். 1969ம் ஆண்டு வெளியான சாரா ஆகாஸ் படம் மூலம் அவர் திரைத்துறையில் அறிமுகமானார். இப்படத்தில் நடித்ததற்காக குடியரசுத் தலைவர் விருதும் பெற்றார். ஹிந்தியில் தேவ்தாஸ், லட்சயா, பிளாக் படங்களிலும் நடித்துள்ளார்.
News March 22, 2025
உலகின் முதல் 6ஆம் தலைமுறை போர் விமானம்.. USA தயாரிப்பு
உலகிலேயே முதல் நாடாக 6ஆம் தலைமுறை போர் விமானத்தை அமெரிக்கா உருவாக்கியுள்ளது. அதன் பெயர் F47. இந்த விமானத்தை ரகசியமாக 5 ஆண்டுகளாக USA பறக்கவிட்டு சோதித்து வந்துள்ளது. இந்நிலையில், டிரம்ப் 6ஆம் தலைமுறை போர் தயாரிப்பு குறித்த தகவலை பகிர்ந்தார். போயிங் நிறுவனத்திடம் F47 விமானத் தயாரிப்பு ஒப்பந்தம் வழங்கப்பட்டு உள்ளது, உலகின் வேறு எந்த நாட்டிடமும் இதுபோன்ற விமானம் இல்லை எனவும் கூறினார்.
News March 22, 2025
18 மாவட்டங்களில் இரவு 7 மணி வரை மழை
இரவு 7 மணி வரை மழைக்கு வாய்ப்புள்ள மாவட்டங்கள் பட்டியலை IMD வெளியிட்டுள்ளது. அதில், சென்னை, திருவள்ளூர், காஞ்சிபுரம், செங்கல்பட்டு, ராணிப்பேட்டை, நீலகிரி, ஈரோடு, கோவை, திருப்பூர் மாவட்டங்களில் லேசான மழை பெய்யக்கூடும் என கூறியுள்ளது. அதேபோல், திண்டுக்கல், தேனி, மதுரை, தி.மலை, விருதுநகர், தென்காசி, தூத்துக்குடி, நெல்லை, குமரியிலும் மழைக்கு வாய்ப்பிருப்பதாகவும் கணித்துள்ளது.
News March 22, 2025
மகளிர் உரிமைத் தொகை: 50 லட்சம் பேர் விண்ணப்பிப்பு
மகளிர் உரிமைத் தொகை திட்டத்தின் மூலம் 1.10 கோடி பெண்களுக்கு மாதம் ரூ.1,000 மாநில அரசு வழங்கி வருகிறது. மேலும் தகுதியுடைய விடுபட்ட பெண்களும் விரைவில் அத்திட்டத்தில் சேர்க்கப்பட்டு ரூ.1,000 வழங்கப்படும் எனவும் அரசு அறிவித்துள்ளது. இதையடுத்து, மகளிர் உரிமைத் தொகை கோரி பெண்கள் விண்ணப்பித்து வருகின்றனர். இதுவரை 50 லட்சம் பேர் விண்ணப்பித்து இருப்பதாக தகவல் வெளியாகியுள்ளது.
News March 22, 2025
7 நாட்கள் மணப்பெண் நிர்வாணமாகும் பாரம்பரியம்
இமாச்சல் பிரதேச மாநிலத்தில் உள்ள பினி கிராமத்தில் திருமணமான புதுமண தம்பதிகள் தொடர்பாக வினோத வழக்கம் ஒன்று நீண்ட நாட்களாக பின்பற்றப்படுகிறது. திருமணமான பிறகு புதுமணப்பெண் 7 நாட்களுக்கு ஆடையின்றி நிர்வாணமாக இருக்க வேண்டும், அதேபோல், புது மாப்பிள்ளை மது அருந்தக் கூடாதென்பதே அந்த வழக்கம் ஆகும். இந்த வழக்கத்தை கடைபிடித்தால் 2 பேருக்கும் கடவுள் ஆசிர்வாதம் கிட்டும் என நம்பப்படுகிறது.
News March 22, 2025
மநீம புதிய மாநில, மண்டல நிர்வாகிகள் நியமனம்
மநீம-க்கு புதிய மாநில, மண்டல, மாவட்ட நிர்வாகிகளை கமல் நியமித்துள்ளார். ஆதிதிராவிடர் அணி மாநில செயலாளராக சிவா, மகளிர் அணி மாநிலச் செயலாளர்களாக முகாம்பிகா ரத்தினம், சினேகா மோகன், பத்மாவதி, கலையரசி நியமிக்கப்பட்டுள்ளனர். மாவட்டச் செயலாளர்களாக தனபாலன் (அம்பத்தூர்), பாலமுருகன் (வேளச்சேரி), பாஸ்கர் (கும்மிடிபூண்டி), சீனுவாசன் (எழும்பூர்), அப்துல் முசாபர் (தி.கேணி) நியமிக்கப்பட்டுள்ளனர்.
News March 22, 2025
ராக்கெட் வேகத்தில் இந்திய பொருளாதார வளர்ச்சி
பணவீக்கம், உக்ரைன் போர் உள்ளிட்ட காரணிகளால் உலக பொருளாதாரம் பாதிக்கப்பட்ட போதும், இவை அனைத்தையும் இந்தியா தவிடுபாெடியாக்கி உள்ளது. 2015-2025 வரை இந்திய பொருளாதார வளர்ச்சி 2.4 டிரில்லியன் டாலரில் இருந்து 4.3 டிரில்லியன் டாலராக அதிகரித்து உள்ளது. இது 105% வளர்ச்சி. இதே வேகத்தில் சென்றால் இந்தாண்டில் ஜப்பானையும், 2027இல் ஜெர்மனியையும் இந்தியா முந்திவிடும் என IMF கணித்துள்ளது.
News March 22, 2025
நமீபியாவின் முதல் பெண் அதிபர்.. யார் இந்த நெடும்போ?
நமீபியாவின் முதல் பெண் அதிபராக நெடும்போ நந்தி நதைத்வா பதவியேற்றுக்கொண்டார். இந்த பதவியேற்பு நிகழ்ச்சியில் தென்னாப்பிரிக்கா, சாம்பியா, காங்கோ, கென்யா போன்ற ஆப்பிரிக்கா நாட்டு தலைவர்கள் பங்கேற்றனர். 25 ஆண்டுகளுக்கு மேல் அந்நாட்டின் உயரிய பதவிகளில் இருந்த அவர் மக்களின் நன்மதிப்பை பெற்றவராக திகழ்கிறார். முன்னாள் துணை அதிபராகவும் நெடும்போ பணியாற்றியுள்ளார் என்பது குறிப்பிடத்தக்கது.
News March 22, 2025
ஐபிஎல் போட்டிகளை இலவசமாக பார்க்க முடியுமா?
ஜியோ ஹாட் ஸ்டாரில் மட்டுமே ஐபிஎல் போட்டிகள் ஒளிபரப்பாக உள்ளன. இந்நிலையில், ஜியோ சிம் வைத்திருப்பவர்கள் போட்டிகளை இலவசமாக பார்க்க முடியும். ரூ.299-க்கு மேல் இருக்கும் பிளான்களில் ரீசார்ஜ் செய்திருந்தால் ஹாட் ஸ்டாரில் ஃப்ரீயாக ஐபிஎல் போட்டிகளை காணலாம். ஜியோ சினிமா தளத்தில் ஐபிஎல் போட்டிகள் இலவசமாக ஒளிபரப்பட்ட நிலையில், தற்போது ஹாட் ஸ்டாரும், ஜியோ சினிமாவும் இணைந்திருப்பது குறிப்பிடத்தக்கது.
News March 22, 2025
ஷாருக்கானுடன் இணைந்து நடிக்க உள்ள பிராவோ
CSKவின் நட்சத்திர வீரராக இருந்த டுவைன் பிராவோ மைதானத்தில் ரசிகர்களை குஷிப்படுத்துவதில் வல்லவர். மேற்கிந்திய தீவுகளை சேர்ந்த பிராவோ பவுலிங், பேட்டிங், பீல்டிங் என அனைத்திலும் கலக்கியதால் இந்திய ரசிகர்களுக்கு அவரை மிகவும் பிடிக்கும். சமீபத்தில் அவர் அளித்த பேட்டி ஒன்றில் திரைப்படத்தில் நடிக்க ஆசை உள்ளதாகவும், பாலிவுட் நடிகர் ஷாருக்கானுடன் இணைந்து ஒரு படம் நடிக்க இருப்பதாகவும் தெரிவித்துள்ளார்.
Featured News
Sorry, no posts matched your criteria.