India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 14, 2025
ராமேஸ்வரத்தில் புதிய விமானநிலையம்!
ராமேஸ்வரத்தில் புதிய விமான நிலையம் அமைக்கப்படும் என தங்கம் தென்னரசு அறிவித்துள்ளார். பாம்பன் பாலம் சீரமைக்கப்பட்டு வருவதால் ராமேஸ்வரம் தீவு பகுதிக்கு செல்வதில் ரயில் பயணிகளுக்கு சிரமம் ஏற்பட்டுள்ளது. இந்நிலையில், ராமேஸ்வரம் செல்ல வசதியாக, புதிய விமான நிலையம் அமைக்கப்படும் என பட்ஜெட்டில் அறிவிக்கப்பட்டுள்ளது. பரந்தூரில் புதிய விமான நிலையம் அமைப்பதற்கான பணிகளும் விரிவுபடுத்தப்பட்டுள்ளன.
News March 14, 2025
₹310 கோடியில் வேளச்சேரியில் புதிய மேம்பாலம்!
சென்னை வேளச்சேரியில் ₹310 கோடியில் புதிய மேம்பாலம் அமைக்கப்படும் என தங்கம் தென்னரசு அறிவித்துள்ளார். வேளச்சேரி பிரதான சாலையில் இருந்து குருநானக் கல்லூரி வரை 3 கி.மீ தொலைவுக்கு புதிய மேம்பாலம் அமையவுள்ளதாகவும், இதற்காக இந்த நிதி பயன்படுத்தப்படும் எனவும் அவர் தெரிவித்துள்ளார்.
News March 14, 2025
புதிய ஆசிரியர் பணியிடங்கள்
ஆசிரியர் தேர்வு வாரியம் மூலம் புதிய ஆசிரியர்கள் நியமனம் செய்யப்படுவார்கள் என்று தங்கம் தென்னரசு தெரிவித்துள்ளார். அரசுப்பள்ளிகளில் ரூ.160 கோடி மதிப்பீட்டில் கணினி ஆய்வகங்கள் அமைக்கப்படும். ஒவ்வொரு ஆண்டும் 2,000 அரசுப் பள்ளி மாணவர்கள் இந்திய அளவில் புகழ்பெற்ற கல்வி நிறுவனங்களில் படிக்க ஏற்பாடு செய்யப்படும். மாணவர்களின் கல்வித் திறனை ஊக்குவிக்க, நடவடிக்கை எடுக்கப்படும் எனவும் தெரிவித்துள்ளார்.
News March 14, 2025
மூத்த குடிமக்களுக்காக அன்புச்சோலை திட்டம்
மூத்த குடிமக்களுக்காக அன்புச்சோலை திட்டம் செயல்படுத்தப்படும் என பட்ஜெட்டில் தெரிவிக்கப்பட்டுள்ளது. இதற்காக ₹10 கோடி நிதி ஒதுக்கப்படும் என்றும் அறிவிக்கப்பட்டுள்ளது. இந்த அன்புச்சோலை திட்டம் மூலம் 25 இடங்களில் முதியோர் பகல் நேர பராமரிப்பு மையங்கள் அமைக்கப்படும் எனவும் பட்ஜெட்டில் கூறப்பட்டுள்ளது.
News March 14, 2025
மாணவிகளுக்கு மாதம் ₹1000 வழங்க ₹420 கோடி ஒதுக்கீடு
புதுமைப்பெண் திட்டத்தில் மாதம் ₹1000 உதவித்தொகை வழங்கப்படுவதால், உயர்க்கல்வியில் சேரும் மாணவிகளின் எண்ணிக்கை 19% உயர்ந்துள்ளதாக தங்கம் தென்னரசு தெரிவித்துள்ளார். அரசுப் பள்ளி மாணவிகள் உயர்கல்வி பெறும் நோக்கில், மாணவிகளுக்கான புதுமைப்பெண் திட்டத்திற்காக ₹420 கோடியும், மதுரை, கோவை, சென்னையில் மாணவியர் விடுதிகள் அமைக்க ₹225 கோடியும் ஒதுக்கீடு செய்யப்படுவதாகவும் அறிவித்துள்ளார்.
News March 14, 2025
பள்ளிகள் மேம்பாட்டுக்கு ₹1,000 கோடி!
பள்ளிகள் மேம்பாட்டுக்கு ₹1,000 கோடி பட்ஜெட்டில் ஒதுக்கப்பட்டுள்ளது. பள்ளிகளில் புதிய வகுப்பறை, அறிவியல் ஆய்வகங்கள் அமைப்பதற்காக இந்த நிதி செலவிடப்படும் என அமைச்சர் தங்கம் தென்னரசு கூறியுள்ளார். மூன்றாம் பாலினத்தவருக்கும் புதுமைப் பெண், தவப்புதல்வன் திட்டம் விரிவுபடுத்தப்படும் என அவர் கூறியுள்ளார். இதற்காக புதுமைப்பெண் திட்டத்துக்கு ₹420 கோடி நிதி ஒதுக்கப்படும் என்றும் அவர் அறிவித்துள்ளார்.
News March 14, 2025
பட்ஜெட்டில் பெண்களுக்கு முக்கிய அறிவிப்புகள்
பணிபுரியும் <<15755163>>பெண்கள்<<>> வசதிக்காக ₹87 கோடியில் மேலும் 10 இடங்களில் தோழி விடுதிகள் கட்டப்படும் என பட்ஜெட்டில் அமைச்சர் தங்கம் தென்னரசு அறிவித்துள்ளார். பெண்களின் வளர்ச்சிக்காகத் தொடங்கப்பட்ட விடியல் பயணம் திட்டத்தால் பெண்களுக்கு மாதந்தோறும் சராசரியாக ₹888 மிச்சமாவது ஆய்வில் தெரியவந்துள்ளதாகவும் அமைச்சர் கூறியுள்ளார்.
News March 14, 2025
சென்னை அருகே 2,000 ஏக்கரில் புதிய நகரம்!
சென்னையில் அதிகரித்து வரும் மக்கள் தொகைக்கு தீர்வு காணும் வகையில், பட்ஜெட்டில் சிறப்பான அறிவிப்பு வெளியாகியுள்ளது. அதன்படி, சென்னை அருகே 2,000 ஏக்கரில் ஒருங்கிணைந்த புதிய ஒருங்கிணைந்த நகரம் உருவாக்கப்படும் என தமிழக பட்ஜெட் உரையில் தெரிவிக்கப்பட்டுள்ளது. இந்நகரத்தில் சர்வதேச தரத்தில் அனைத்துக் கட்டமைப்புகளும் மேற்கொள்ளப்படும் எனவும் அறிவிக்கப்பட்டுள்ளது.
News March 14, 2025
சுய உதவிக் குழுக்களுக்கு ₹37,000 கோடி வங்கிக்கடன்!
TNல் 10,000 புதிய மகளிர் சுய உதவிக்குழுக்கள் உருவாக்கப்படும் என தங்கம் தென்னரசு அறிவித்துள்ளார். மேலும் சுய உதவிக் குழுக்களுக்கு ₹37,000 கோடி வங்கிக்கடன் வழங்கப்படும் எனவும் கூறியுள்ளார். சென்னை, கோவை, மதுரையில் ₹875 கோடியில் மாணவியர் விடுதிகள் அமைக்கப்படும் என்றும் தெரிவித்துள்ளார்.
News March 14, 2025
கிராமச் சாலைகளை மேம்படுத்த ₹2,200 கோடி
₹675 கோடி மதிப்பில் 102 கூட்டுக் குடிநீர் திட்டங்கள் மறுசீரமைக்கப்படும் என்று பட்ஜெட்டில் அறிவிக்கப்பட்டுள்ளது. மதுரை, திருச்சி, ஈரோடு, கோவையில் ஆற்றில் கழிவுநீர் கலப்பதை தடுக்க, ₹400 கோடியில் புதிய திட்டம் உருவாக்கப்படும். கிராமச் சாலைகளை மேம்பாட்டுக்காக ₹2,200 கோடியும், சென்னையில் சீராக குடிநீர் விநியோகித்திட சுற்றுக்குழாய் திட்டத்திற்கு ₹2,423 கோடியும் ஒதுக்கப்படுவதாகவும் அறிவித்துள்ளார்.
Featured News
Sorry, no posts matched your criteria.