India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 13, 2025
ஊட்டி, கொடைக்கானல் செல்ல கட்டுப்பாடு…!
கோடைகாலத்தில் ஊட்டி, கொடைக்கானலில் கூட்ட நெரிசலைக் குறைக்க சென்னை ஐகோர்ட் புதிய உத்தரவை வெளியிட்டுள்ளது. கொடைக்கானலில் வார நாட்களில் நாளொன்றுக்கு 4,000 வாகனங்களும், வார இறுதி நாட்களில் நாளொன்றுக்கு 6,000 வாகனங்களும் மட்டுமே செல்ல அனுமதி அளிக்கப்படும். அதேபோல், ஊட்டிக்கு வார நாட்களில் 6,000 வாகனங்களும் வார இறுதியில் 8,000 வாகனங்களுக்கும் அனுமதி வழங்கப்படும். இது ஜூன் வரை அமலில் இருக்கும்.
News March 13, 2025
தமிழ்நாடுதான் நம்பர் 1. எதில் தெரியுமா?
தமிழக பட்ஜெட் நாளை தாக்கலாகவிருக்கும் நிலையில், இன்று பொருளாதார ஆய்வறிக்கை தாக்கல் செய்யப்பட்டது. அதில், கார், தோல், காலணி மற்றும் ஜவுளித்துறையில் நாட்டிலேயே தமிழ்நாடுதான் முதலிடத்தில் இருப்பதாக குறிப்பிடப்பட்டுள்ளது. மேலும், அனைவருக்குமான பொது விநியோகத்திட்டம் நமது மாநிலத்தில் மட்டும்தான் செயல்படுத்தப்படுவதாகவும் குறிப்பிடப்பட்டுள்ளது.
News March 13, 2025
ரூ.2,100 கட்டினால், ரூ.5 லட்சம் பெறலாம்… FACT CHECK
பிரதம மந்திரி முத்ரா யோஜனா கடன் திட்டம் பற்றி ஒரு தவறான தகவல் பரவி வருவதாக மத்திய அரசின் PIB Fact Check பிரிவு எச்சரித்துள்ளது. ரூ.2,100 முன்பணம் கட்டி இத்திட்டத்தின் கீழ் விண்ணப்பித்தால், ரூ.5 லட்சம் கடன் கொடுப்பதாக ஒரு போலி லோன் அப்ரூவல் கடிதம் சோஷியல் மீடியாவில் வைரலாகி வருகிறது. ரீ-பைனான்சிங் ஏஜென்சி மூலம், முத்ரா கடன்கள் யாருக்கும் கொடுக்கப்படுவதில்லை என PIB விளக்கம் அளித்துள்ளது.
News March 13, 2025
இந்தியாவில் அழியும் மொழிகள்
உலகில் அதிக மொழிகள் பேசப்படும் நாடுகளில் இந்தியாவும் ஒன்றாகும். ஆனால், கடந்த 50 ஆண்டுகளில், இங்கு பேசப்பட்டு வந்த மொழிகளில் 220 அழிந்துவிட்டதாக Central Institute of Indian Languages கூறுகிறது. மேலும், 197 மொழிகள் அழிந்து வருவதாக யுனெஸ்கோ தெரிவித்துள்ளது. இத்தனை மொழிகள் வேகமாக அழிவதற்கு ஹிந்தியின் ஆதிக்கமே காரணம் என்று விமர்சிக்கப்படுகிறது. நீங்கள் என்ன நினைக்கிறீர்கள்?
News March 13, 2025
ஹைப்ரிட் பைக்கை அறிமுகம் செய்தது யமஹா
இந்தியாவின் முதல் 150CC ஹைப்ரிட் பைக்கை யமஹா நிறுவனம் அறிமுகப்படுத்தியுள்ளது. இதிலிருக்கும் SMG மோட்டர், இஞ்சினுடன் இணைந்து செயல்பட்டு மைலேஜை அதிகப்படுத்தும். மேலும், சிக்னல்களில் தானாக இஞ்சினை ஆஃப் செய்யும் சிஸ்டம் உள்ளிட்ட நவீன அம்சங்கள் இந்த பைக்கில் இடம்பெற்றுள்ளன. Yamaha FZ-S Fi Hybrid என்று பெயரிடப்பட்டுள்ள இந்த பைக், ₹1,44,800க்கு அறிமுகம் ஆகியிருக்கிறது.
News March 13, 2025
தமிழகத்துக்கு தெலங்கானா, கர்நாடகா ஆதரவு
சென்னையில் தமிழக அரசு சார்பில் நடைபெறவிருக்கும், தொகுதி மறு சீரமைப்புக்கு எதிரான கூட்டத்திற்கு தெலங்கானா & கர்நாடக அரசுகள் சம்மதித்துள்ளன. தெலங்கானா முதல்வர் ரேவந்த் ரெட்டியும், கர்நாடக துணை முதல்வர் டி.கே.சிவகுமாரும் இக்கூட்டத்தில் கலந்து கொள்ளவுள்ளனர். ஒடிஷாவின் முன்னாள் முதல்வர் நவீன் பட்நாயக்கும் இக்கூட்டத்தில் பங்கேற்கவுள்ளார். கேரளா, பஞ்சாப் & மேற்கு வங்க அரசுகள் இதுவரை பதிலளிக்கவில்லை.
News March 13, 2025
பாஜகவில் இணைந்த சதீஷ் சிவலிங்கம்
பிரபல பளுதூக்குதல் வீரர் சதீஷ் சிவலிங்கம், அண்ணாமலை முன்னிலையில் பாஜகவில் இணைந்தார். காமன்வெல்த் போட்டிகள் & காமன்வெல்த் சாம்பியன்ஷிப் போட்டிகளில் 6 தங்கப் பதக்கங்கள் வென்று சாதனை படைத்த இவர், அர்ஜுனா விருதையும் பெற்றவர். வேலூர் மாவட்டத்தில் மிகவும் பிரபலமான இவரை, வரும் சட்டமன்றத் தேர்தலில் களமிறக்க திட்டமிட்டுள்ளதாக கூறப்படுகிறது. மேலும், அவருக்கு முக்கிய பதவி வழங்கப்படும் என தெரிகிறது.
News March 13, 2025
சிம்பு பட இயக்குநருக்கு க்ரீன் சிக்னல் காட்டுவாரா தனுஷ்?
ஓ மை கடவுளே, டிராகன் ஆகிய படங்களைத் தொடர்ந்து சிம்புவின் 51வது படத்தை இயக்க கமிட் ஆகியுள்ளார் அஸ்வத் மாரிமுத்து. நேர்காணல் ஒன்றில் பேசிய அவர், சிம்பு ரசிகரான தனக்கு தனுஷையும் பிடிக்கும் எனத் தெரிவித்துள்ளார். காதல், ஆக்ஷன், த்ரில்லர் கலந்த கதை ஒன்றை தனுஷிடம் கூறி இருப்பதாகவும் இயக்குநர் அஸ்வத் கூறியுள்ளார். சிம்பு பட இயக்குநருக்கு தனுஷ் க்ரீன் சிக்னல் காட்டுவாரா என பொறுத்திருந்து பார்க்கலாம்…!
News March 13, 2025
இதுதான் எனது அடுத்த டார்கெட் – ஹர்திக் பாண்டியா
சாம்பியன்ஸ் டிராபி முடிஞ்சுபோச்சு, அடுத்ததா ஐபிஎல் பாக்கலாம்னு ஃபேன்ஸ் ரெடியாகிட்டாங்க. ஆனால், நட்சத்திர ஆட்டக்காரராக திகழும் ஹர்திக் பாண்டியா, அதற்கு ஒருபடி மேலாக டார்கெட் ஃபிக்ஸ் செய்துள்ளார். இந்தியாவுக்காக மேலும் பல ஐசிசி கோப்பைகளை வெல்ல விரும்புவதாக அவர் தெரிவித்துள்ளார். 2026ம் ஆண்டு இந்தியாவில் நடைபெறும் டி20 உலகக் கோப்பையை தூக்குவதுதான் தனது அடுத்த இலக்கு என்று அவர் குறிப்பிட்டுள்ளார்.
News March 13, 2025
விஜய் காரை மறித்த தவெகவினர்
சென்னை பனையூரில் விஜய்யின் காரை தவெகவினர் மறித்ததால் பரபரப்பு ஏற்பட்டது. திருவள்ளூர் கிழக்கு மாவட்டத்திற்கு மாவட்டச் செயலாளராக ஆர்.கே.மணியை நியமிக்க எதிர்ப்பு தெரிவித்த தொண்டர்கள் காரை மறித்து விஜய்யிடம் மனு அளித்தனர். திருவொற்றியூர் பகுதியை தனி மாவட்டமாக பிரித்து அதற்கு செயலாளரை நியமிக்கவும் அவர்கள் கோரிக்கை விடுத்தனர். நடு ரோட்டில் காரை நிறுத்திய விஜய், அவர்களிடம் மனுவைப் பெற்றுக்கொண்டார்.
Featured News
Sorry, no posts matched your criteria.