India's largestHyperlocal short
news App
Get daily news updates that are tailored for you based on your preferred language & location.
download Way2News app now
News March 13, 2025
நாளை திமுக எம்.எல்.ஏக்கள் கூட்டம்!
முதல்வர் மு.க.ஸ்டாலின் தலைமையில் நாளை(மார்ச் 14) திமுக எம்.எல்.ஏக்கள் கூட்டம் நடைபெறவுள்ளது. அண்ணா அறிவாலயத்தில் உள்ள கலைஞர் அரங்கில் மாலை 6.30 மணிக்கு இந்தக் கூட்டம் நடைபெறும் என அறிவிக்கப்பட்டுள்ளது. நாளை பட்ஜெட் தாக்கல் செய்யப்படவுள்ள நிலையில், பட்ஜெட் விளக்க பொதுக்கூட்டம், தொகுதியில் கள நிலவரம் குறித்தும் ஆலோசிக்கப்பட உள்ளதாகத் தகவல் வெளியாகியுள்ளது.
News March 13, 2025
சீமானின் உதவியாளர், பாதுகாவலருக்கு ஜாமின்!
சீமானின் உதவியாளர் சுபாகர், பாதுகாவலர் அமல்ராஜூக்கு சென்னை ஐகோர்ட் நிபந்தனை ஜாமின் வழங்கியுள்ளது. சீமான் வீட்டில் போலீசார் ஒட்டிய சம்மன் கிழிக்கப்பட்ட விவகாரத்தில் ஏற்பட்ட தள்ளுமுள்ளுவில், இருவர் மீதும் இருவேறு வழக்குகள் பதிவு செய்யப்பட்டன. மறு உத்தரவு வரும் வரை இருவரும் பூக்கடை காவல் நிலையத்தில் தினமும் ஆஜராகி கையெழுத்திட வேண்டும் என்ற நிபந்தனை விதிக்கப்பட்டுள்ளது.
News March 13, 2025
‘இந்தி’ டியூசன் டீச்சருடன் உல்லாசமாக இருந்தவர் கைது!
சென்னை அருகே இந்தி டியூசனுக்கு சென்ற நபர், டீச்சருடன் உல்லாசமாக இருந்துவிட்டு ஏமாற்றியதால் கைது செய்யப்பட்டுள்ளார். தும்பாக்கத்தை சேர்ந்த யோகேஸ்வரன் (33), 39 வயதான டீச்சரை திருமணம் செய்து கொள்வதாகக் கூறி, அவருடன் தனிமையிலிருந்துள்ளார். 6 வயது மூத்தவர் எனக் கூறி டீச்சரை விட்டுவிட்டு, வேறு பெண்ணை திருமணம் செய்யத் திட்டமிட்டதால், டீச்சர் போலீஸ் ஸ்டேஷனில் புகார் கொடுத்ததால் யோகேஸ்வரன் கைதாகியுள்ளார்.
News March 13, 2025
மாநில தனிநபர் வருமானம் அதிகரிப்பு
தமிழ்நாட்டிற்கான பொருளாதார ஆய்வறிக்கையை முதல் முறையாக முதல்வர் ஸ்டாலின் வெளியிட்டுள்ளார். அதில், நடப்பு நிதியாண்டில் தமிழ்நாட்டின் பொருளாதார வளர்ச்சி 8%ஆக இருக்கும் என கணிக்கப்பட்டுள்ளது. மேலும், தனிநபர் ஆண்டு வருமானம் ₹2.78 லட்சமாக அதிகரித்துள்ளது; இது தேசிய சராசரியைவிட 1.64 மடங்கு அதிகம் என்றும், சமூகத்தின் அனைத்து தரப்பினரும் பயன்பெறும் வகையில் பட்ஜெட் அமையவுள்ளதாகவும் தெரிவிக்கப்பட்டுள்ளது.
News March 13, 2025
இது நவீன இந்தித் திணிப்பு : அன்புமணி காட்டம்
சமையல் எரிவாயு விநியோகம் செய்யும் நிறுவனங்கள், வாடிக்கையாளர்களுக்கு <<15744608>>இந்தியில் <<>>மட்டும் பதிலளிப்பதற்கு அன்புமணி கண்டனம் தெரிவித்துள்ளார். இதுவும் ஒரு நவீன இந்தித் திணிப்பு தான். இதை அனுமதிக்க முடியாது. இதற்கு எரிவாயு நிறுவனங்கள் தமிழ்நாட்டு மக்களிடம் வருத்தம் தெரிவிக்க வேண்டும் என்றும் இந்தித் திணிப்பைக் கைவிட்டு, தமிழில் வாடிக்கையாளர் சேவை வழங்க வேண்டும் எனவும் வலியுறுத்தியுள்ளார்.
News March 13, 2025
அதிமுக முன்னாள் எம்எல்ஏ காலமானார்.. இபிஎஸ் இரங்கல்
வந்தவாசி தொகுதி முன்னாள் எம்எல்ஏ குணசீலன் உடல்நலக்குறைவால் காலமானார். வந்தவாசி திமுக கோட்டையாக இருந்தது. அந்த கோட்டையை 2011இல் உடைத்து, அதிமுக சார்பில் போட்டியிட்டு குணசீலன் அபார வெற்றி பெற்றார். அதிமுகவில் பல்வேறு பொறுப்புகளில் இருந்த அவர், மக்களுக்காக தொடர்ந்து குரல் கொடுத்தவர். மக்களின் அன்பை பெற்ற அவரது மறைவிற்கு இபிஎஸ் உருக்கமாக இரங்கல் தெரிவித்துள்ளார்.
News March 13, 2025
லைவ் ஸ்ட்ரீமிங்கில் கொலை! Influencerக்கு நேர்ந்த கொடூரம்!
வாங்கிய கடனுக்காக இளம்பெண் ஒருவர், கொலை செய்யப்பட்டுள்ளார். டோக்கியோவில் ஐரி (22), லைவ் ஸ்ட்ரீமிங்கில் இருந்தபோது, கடன் கொடுத்த டக்கனோ (42), அவரை கத்தியால் குத்தி இருக்கிறார். ‘ஹெல்ப்’ என ஐரியின் அலறல் சத்தம் மட்டுமே கடைசியாக கேட்டுள்ளது. அத்துடன் அவரது உயிர் பிரிந்து விட்டது. இப்போது, கடனுக்காக கொலை செய்த டக்கனோவால் தண்டனையில் இருந்து தப்பிக்க முடியுமா? பணம் தான் திரும்ப கிடைக்குமா?
News March 13, 2025
பெரியாரை வைத்தே திமுகவை வீழ்த்த பார்க்கிறதா பாஜக? (2/2)
TNல் 1967ல் ஆட்சியைப் பிடித்த திராவிட சித்தாந்தம் இன்று ஆலமரமாக பரவியிருக்கிறது. புதிதாக எந்த கட்சி உதயமானாலும், திராவிடம் என்ற கருப்பொருள் நிச்சயம் இருக்கும். அதற்கு விஜய்யும் விதிவிலக்கல்ல. ஆனால், மாற்றுக் கருத்தியல் கட்சியான பாஜக, அந்த கட்டமைப்பை உடைக்கும் அரசியலை தொடங்கியிருக்கிறது. பெரியாரை வைத்தே திமுகவை மடக்க, தமிழை கையில் எடுத்திருக்கிறது பாஜக என்பது அரசியல் நோக்கர்களின் கருத்து (2/2)
News March 13, 2025
இந்தியில் வாடிக்கையாளர் சேவையா?
இண்டேன், பாரத் கேஸ், ஹிந்துஸ்தான் பெட்ரோலிய நிறுவனங்கள் சமையல் எரிவாயு விற்பனை செய்து வருகின்றன. இந்த நிறுவனங்களின் வாடிக்கையாளர் சேவை மையத்திற்கான இலவச தொலைபேசி அழைப்பில் (1800 2333 555) தொடர்பு கொண்டு, வாடிக்கையாளர்கள் தாங்கள் சந்திக்கும் பிரச்னை குறித்து புகார் அளித்தால், இந்தியில் பதிலளிக்கப்படுகிறதாம். இதனால் அதிர்ச்சியடைந்த வாடிக்கையாளர்கள், உடனே தமிழில் சேவை வழங்க வலியுறுத்தியுள்ளனர்.
News March 13, 2025
ரிஷப் பண்ட் வீட்டில் விசேஷம்.. வைரல் போட்டோஸ்
இந்திய கிரிக்கெட் வீரர் ரிஷப் பண்டின் தங்கை திருமணத்தின் போது, எடுக்கப்பட்ட போட்டோக்கள் இணையத்தில் வைரலாகி வருகின்றன. சாக்ஷி பண்டிற்கு லண்டன் தொழிலதிபர் அங்கித் சவுத்ரி என்பவருடன் திருமணம் நடைபெற்றுள்ளது. டேராடூனில் ஒரு சொகுசு ஹோட்டலில் இத்திருமணம் நடைபெற்றது. இதில் கலந்துக் கொண்டு தோனி, ரெய்னா, பண்ட் ஆகியோர் டான்ஸ் ஆடிய வீடியோ தான் நேற்று இணையத்தில் வைரலானது.
Featured News
Sorry, no posts matched your criteria.