India's largestHyperlocal short
news App
Get daily news updates that are tailored for you based on your preferred language & location.
download Way2News app now
News August 10, 2025
அஜித்துடன் மோதுகிறாரா இயக்குநர் மிஷ்கின்?
‘குட் பேட் அக்லி’ படத்துக்கு பிறகு அஜித் மீண்டும் ஆதிக் ரவிச்சந்திரன் இயக்கத்தில் நடிக்கப்போவதாக தெரிகிறது. இதில் ஸ்ரீலீலா, சுவாசிகா என 2 கதாநாயகிகள் நடிக்க இருப்பதாக தகவல்கள் வருகின்றன. இதனிடையே படத்தின் வில்லனாக மிஷ்கின் நடக்க இருப்பதாகவும் கூறப்படுகிறது. முன்னணி இயக்குனரான மிஷ்கின், சமீபகாலமாக நடிகராக அசத்தி வருகிறார். ‘லியோ’ படத்தில் விஜய்க்கு வில்லனாக மிஷ்கின் நடித்தது குறிப்பிடத்தக்கது.
News August 10, 2025
பூரண மதுவிலக்கு.. பாமக மகளிர் மாநாட்டில் தீர்மானம்
பாமக நிறுவனர் ராமதாஸ் தலைமையில் பூம்புகாரில் நடைபெற்ற பாமக மகளிர் மாநாட்டில் 14 தீர்மானங்கள் நிறைவேற்றப்பட்டது. மதுவினால் பெண்கள், குழந்தைகள் பாதிக்கப்படுவதால் முழு மதுவிலக்கை அமல்படுத்த வேண்டும், சாதிவாரி கணக்கெடுப்பை நடத்த வேண்டும், நீட் தேர்வில் சோதனை என்ற பெயரில் மாணவிகளை வேதனைக்கு ஆளாக்குவதை தடுக்க வேண்டும் என்பன உள்ளிட்ட தீர்மானங்கள் அதில் அடங்கும்.
News August 10, 2025
பும்ராவை எதிர்ப்பது நியாயமற்றது: பாரத் அருண்
பும்ராவுக்கு எதிராக <<17357241>> முன்னாள் வீரர்கள் <<>>வைக்கும் குற்றச்சாட்டு நியாயமற்றது என முன்னாள் பந்துவீச்சு பயிற்சியாளர் பாரத் அருண் தெரிவித்துள்ளார். பும்ராவுக்கு முதுகில் பெரிய அறுவை சிகிச்சை செய்யப்பட்டுள்ளதாகவும், அதனை மற்றவர்கள் புரிந்து கொள்ள வேண்டும் எனவும் கேட்டுக்கொண்டுள்ளார். ஆஸ்திரேலியாவில் மிகச்சிறந்த பவுலராக புகழப்பட்ட பும்ரா, இப்போது விமர்சிக்கப்படுவது ஏன் எனவும் கேள்வி எழுப்பியுள்ளார்.
News August 10, 2025
ஒரே படத்தில் 30 முத்தக் காட்சிகளா!
திரைப்படங்களில், குறிப்பாக பாலிவுட் படங்களில் 2000-க்கு பிறகுதான் முத்தக் காட்சிகள் அதிகம் இடம்பெறத் தொடங்கின. 2013-ல் வெளியான 3G படத்தில் 30 lip lock காட்சிகள் இருந்தன. ஆனால், அந்த படம் பெரிய ஃபிளாப் ஆனது. அதன்பின் வெளியான Murder-ல் 20 முத்தக்காட்சிகள், Shuddh Desi Romance-ல் 27 காட்சிகளும், Befikre படத்தில் 25 முத்தக்காட்சிகளும் இடம்பெற்றன. ஆனாலும், இப்படங்கள் பெரிதாக வெற்றி பெறவில்லை.
News August 10, 2025
ஆக.15 முதல் ₹3,000 பாஸ் அமல்.. ரெடியா இருங்க!
ஆண்டுக்கு ₹3,000 செலுத்தி நாடு முழுதும் பயணிக்கும் புதிய, ‘FASTAG’ நடைமுறை வரும் 15-ம் தேதி முதல் அமலுக்கு வருகிறது. இந்த பாஸ், ஆக்டிவேட் செய்யப்பட்ட நாளில் இருந்து ஓராண்டு (அ) 200 முறை பயணிக்கலாம். வணிக நோக்கமற்ற தனியார் வாகனங்களுக்கான இத்திட்டத்தில் கார்கள், ஜீப்கள், வேன்கள் போன்ற வாகனங்கள் இந்த பாஸை பயன்படுத்தலாம். வாகன ஓட்டிகள் இந்த வருடாந்திர பாஸை ‘ராஜ்மார்க் யாத்ரா’வில் பெறலாம். SHARE IT.
News August 10, 2025
வெற்றி கூட்டணி அமைப்பேன்: ராமதாஸ் உறுதி
10.5% உள் ஒதுக்கீடு விவகாரத்தில் தாங்கள் போராட்டம் நடத்தினால், தமிழ்நாடு தாங்காது என ராமதாஸ் எச்சரித்துள்ளார். பாமக மகளிர் மாநாட்டில் பேசிய அவர், சாதிவாரி கணக்கெடுப்பை நடத்துவதில் முதல்வருக்கு என்ன தயக்கம் என்றும் கேள்வி எழுப்பினார். 2026 தேர்தலுக்கு வெற்றி கூட்டணி அமைக்கப் போவதாக தெரிவித்த ராமதாஸ், தான் சொல்வது நடக்கும் எனவும் உறுதிபட கூறினார்.
News August 10, 2025
இனி Gpay, PhonePe கிடையாது.. கையில காசு கொடு!
இந்தியாவின் ஐடி தலைநகரமாக பார்க்கப்படும் பெங்களூருவில் தங்கி, ஏராளமான தமிழக இளைஞர்களும் பணிபுரிந்து வருகின்றனர். இந்நிலையில், அங்குள்ள தங்கும் விடுதிகளில் UPI மூலம் வாடகை செலுத்துவதை பெரும்பாலான உரிமையாளர்கள் நிறுத்தியுள்ளனர். UPI மூலம் பணம் செலுத்தினால் 12% ஜிஎஸ்டி செலுத்த வேண்டுமாம். அரசுக்கு வரி செலுத்துவதை தவிர்க்கவே இப்படி செய்வதாக குற்றஞ்சாட்டப்படுகிறது. இதுபற்றி நீங்க என்ன நினைக்கிறீங்க?
News August 10, 2025
நடிகர் விஜய்யின் சொத்து எவ்வளவு தெரியுமா?
நடிகரும், TVK தலைவருமான விஜய்யின் சொத்து மதிப்பு சுமார் ₹600 கோடி என TOI தெரிவித்துள்ளது. நீலாங்கரை சொகுசு பங்களா, 10 நிறுவனங்களின் விளம்பர தூதர், ரோல்ஸ் ராய்ஸ், BMW X5 & X6, Audi A8 L, Mercedes Benz GLA உள்ளிட்ட 10-க்கும் மேற்பட்ட சொகுசு கார்களும் இதில் அடங்கும். குறிப்பாக ஆண்டுக்கு சராசரியாக ₹100 முதல் ₹120 கோடி வரை அவர் சினிமா மூலம் வருமானம் ஈட்டுவதாகவும் TOI செய்தி கூறுகிறது. அடேங்கப்பா..!
News August 10, 2025
ஆண்களுக்கும் ஜீவனாம்சம் பெற உரிமையுண்டு
விவாகரத்து ஆனபின், மனைவிக்கு ஜீவனாம்ச உதவி பெற உரிமையுண்டு என்பது அனைவருக்கும் தெரிந்திருக்கும். ஆனால், விவாகரத்து சட்டப்படி, நிபந்தனைக்கு உட்பட்டு கணவனுக்கும் ஜீவனாம்ச உரிமை உள்ளது தெரியுமா? உடல் ரீதியாகவோ, நிதி ரீதியாகவோ மனைவியை சார்ந்திருக்கும் நிலையில் உள்ள கணவன், விவாகரத்துக்கு பின் மனைவியிடம் ஜீவனாம்சம் கோர சட்டத்தில் இடமுண்டு என்கின்றனர் வழக்கறிஞர்கள். SHARE IT!
News August 10, 2025
ராகுல் காந்திக்கு கர்நாடகா EC நோட்டீஸ்
வாக்கு திருட்டு நடந்திருப்பதாக ராகுல் காந்தி குற்றம்சாட்டிய நிலையில், அவருக்கு கர்நாடகா தேர்தல் ஆணையர் நோட்டீஸ் அனுப்பியுள்ளார். செய்தியாளர் சந்திப்பில் ராகுல் காந்தி காண்பித்த ஆவணம் தேர்தல் அலுவலர் வழங்கியது இல்லை என கர்நாடக தேர்தல் ஆணையர் தெரிவித்துள்ளார். மேலும், ஒருவர் இருமுறை வாக்களித்ததாக கூறும் ராகுல், ஆவணங்களை சமர்ப்பிக்கவும் தேர்தல் ஆணையர் நோட்டீஸ் கொடுத்துள்ளார்.
Featured News
Sorry, no posts matched your criteria.