India's largestHyperlocal short
news App
Get daily news updates that are tailored for you based on your preferred language & location.
download Way2News app now
News April 24, 2025
11 பேரின் உயிர்களை காத்த உப்பு சாப்பாடு
கொச்சியை சேர்ந்த ஆல்பி ஜார்ஜ் உள்ளிட்ட 11 பேர் ஸ்ரீநகர் சென்றிருந்தனர். பின்னர் அங்கிருந்து செவ்வாய்க்கிழமை பஹல்காம் செல்கையில், சாலையோர கடையில் பிரைட் ரைஸ் சாப்பிட்டனர். அதில் உப்பு அதிகம் இருந்ததால், புதிய உணவு தயாரிக்க 1 மணி நேரம் காத்திருந்தனர். அந்த நேரத்தில்தான் பஹல்காமில் தீவிரவாதிகள் தாக்குதல் நடத்தினர். கடையில் நேரம் தாமதப்படாமல் பஹல்காம் சென்றிருந்தால், அவர்களும் உயிரிழந்திருப்பர்.
News April 24, 2025
பணத்தை மிச்சமாக்கும் 18 கேரட் தங்கம்.. பின்னணி என்ன?
பணத்தை மிச்சம் செய்ய 18 கேரட் நகைகளை வாங்க நுகர்வோர் ஆர்வம் காட்டி வருவதாக MJDTA தலைவர் ஜெயந்திலால் சலானி கூறியுள்ளார். 22 கேரட் நகைகளுடன் ஒப்பிடுகையில் 18 கேரட் நகைகள் சவரனுக்கு ₹14,000 வரை குறைவாகக் கிடைக்கின்றன. இதில், சேதாரம் குறைவு, பளபளப்பு, உறுதித்தன்மை அதிகம். ஆனாலும், இந்த நகைகளில் 75% மட்டுமே தங்கம், மீதி அலாய்(உலோக கலவை) என்பதால் மறுவிற்பனை மதிப்பு குறையும் என வல்லுநர்கள் கூறுகின்றனர்.
News April 24, 2025
பஹல்காம் தாக்குதலில் மற்றொரு சோகக்கதை!
பஹல்காமில் மற்றொரு சோகக்கதையும் நிகழ்ந்துள்ளது. UAE-ல் வசிக்கும் ராஜஸ்தானை சேர்ந்த நீரஜ் உத்வானியும் (33) இந்த பயங்கரவாத தாக்குதலில் கொல்லப்பட்டுள்ளார். இவருக்கு 2 ஆண்டுகள் முன்னர் தான் திருமணம் நடந்துள்ளது. மனைவியுடன் இந்தியா வந்தவர், காஷ்மீரில் கொல்லப்பட்டுள்ளார். இவரின் தந்தை 10 ஆண்டுகளுக்கு முன்பே இறந்துவிட, தற்போது நீரஜ்ஜின் தாயார் மற்றும் மனைவி மீளா துக்கத்தில் மூழ்கியுள்ளனர்.
News April 24, 2025
ஏ.சி.யில் இருக்கும் ‘Ton’ எதை குறிக்கிறது தெரியுமா?
புதிதாக ஏ.சி வாங்க போனால், முதலில் அது எத்தனை Ton என்ற கேள்வியே பெரிதாக எழும். 1 Ton என்றால், 1000 கிலோ எடை கொண்டதா? என்ற கேள்வி எழும். ஆனால், இந்த Ton ஏ.சி.யின் எடையை குறிப்பதில்லை. ஏ.சி.யின் Ton என்ற சொல் அதன் குளிரூட்டும் திறனைக் குறிக்கிறது. ஏ.சி மாட்டப்படும் இடத்தை வைத்து இந்த Ton வகையை வாங்கலாம். பெரிய இடம் என்றால், 2 Ton ஏ.சி. சிறிய இடம் என்றால் 1 Ton ஏ.சி.யே போதும்.
News April 24, 2025
பிரபல நடிகர் டேமியன் ஸ்டோன் காலமானார்
பிரபல ஹாலிவுட் நடிகரும், பாடி பில்டருமான டேமியன் ஸ்டோன் (32) உயிரிழந்ததாக அறிவிக்கப்பட்டுள்ளது. மால்டோவில் பிறந்த இவர், தனது நேர்த்தியான நடிப்பு, உடலமைப்பால் பலரையும் கவர்ந்தார். தன்பாலின ஈர்ப்பாளராக அறியப்பட்ட இவர், சில ஆபாச படங்களிலும் நடித்துள்ளார். USA-வின் பென்சில்வேனியாவில் வசித்து வந்த இவர் 3 முறை பாடி பில்டிங் சாம்பியன்ஷிப் பட்டத்தைப் பெற்றுள்ளது குறிப்பிடத்தக்கது. #RIPDamienStone
News April 24, 2025
ஓபிஎஸ்சுடன் சீமான் திடீர் சந்திப்பு.. கூட்டணியா?
முன்னாள் முதல்வர் ஓபிஎஸ்-சை நாதக தலைமை ஒருங்கிணைப்பாளர் சீமான் திடீரென சந்தித்து பேசியிருப்பது அரசியல் வட்டாரத்தில் பேசு பொருளாக மாறியுள்ளது. சென்னையில் உள்ள தனியார் ஓட்டலில் ஓபிஎஸ், அவரின் 2 மகன்களை நேற்று சீமான் சந்தித்துப் பேசினார். எதற்காக 3 பேரையும் அவர் திடீரென சந்தித்தார் என்றத் தகவல் இல்லை. இதுகுறித்து பேட்டியளித்துள்ள சீமான், கூட்டணி குறித்து எதுவும் பேசவில்லை என்று கூறியுள்ளார்.
News April 24, 2025
நயன்தாராவுடன் மோதலா?.. சுந்தர்.சி ஓபன் டாக்!
‘மூக்குத்தி அம்மன் 2’ படப்பிடிப்பின்போது நயன்தாராவுடன் மோதல் என பரவிய செய்திக்கு படத்தின் இயக்குநர் சுந்தர்.சி பதிலளித்துள்ளார். நயன்தாரா மிகவும் அர்ப்பணிப்புடன் பணியாற்றும் நடிகை எனக் குறிப்பிட்ட சுந்தர்.சி, தனக்கும் அவருக்கும் எந்த பிரச்னையும் இல்லை என விளக்கமளித்துள்ளார். இதுபோன்று வெளியாகும் கிசுகிசுகளுக்கெல்லாம் பதில் அளித்துக் கொண்டிருக்க முடியாது என்றும் சுந்தர்.சி தெரிவித்துள்ளார்.
News April 24, 2025
T20 கிரிக்கெட்டில் ஹிட்மேனின் அசாத்திய சாதனை!
T20 கிரிக்கெட்டில் 12,000 ரன்களை அடித்த 2-வது இந்திய வீரர் என்ற சாதனையை ரோஹித் ஷர்மா படைத்துள்ளார். அவர், 456 மேட்சுகளில் இந்த சரித்திர சாதனையை எட்டியுள்ளார். இதற்கு முன்னர், விராட் கோலியும் T20-ல் 12,000 ரன்களை அடித்து இருக்கிறார். சர்வதேச அளவில் ஒட்டுமொத்தமாக, 12,000 ரன்களை அடித்த 8-வது வீரர் என்ற பெருமையையும் ரோஹித்தை சாரும். உங்களுக்கு பிடிச்ச ரோஹித் இன்னிங்ஸ் எது?
News April 24, 2025
கருப்பு நிற செய்தி.. காஷ்மீர் செய்தித்தாள்கள் எதிர்ப்பு
பஹல்காம் தாக்குதலுக்கு கண்டனம் தெரிவிக்கும் வகையில், காஷ்மீரில் முக்கிய செய்தித்தாள்கள் முதல் பக்கத்தில் கருப்பு நிறத்துடன் செய்திகளை பிரசுரித்திருந்தன. பஹல்காம் தாக்குதல் சம்பவத்திற்கு அந்த செய்தித்தாள்களில் வன்மையாக எதிர்ப்பு தெரிவித்து கடும் வார்த்தைகளில் தலைப்புகள் வெளியாகி இருந்தன. தாக்குதலுக்கு கடும் கண்டனம் தெரிவிக்கும் காஷ்மீர் மக்களின் பேட்டிகளும் அதிகம் இடம் பெற்றிருந்தன.
News April 24, 2025
மயோனைஸ் விற்பனைக்கு தடை: அரசு அதிரடி முடிவு
பச்சை முட்டையில் தயாரிக்கப்படும் மயோனைஸுக்கு மாநில உணவு பாதுகாப்புத்துறை திடீர் தடை விதித்துள்ளது. ஓராண்டுக்கு உற்பத்தி, சேமிப்பு, விற்பனை கூடாது என அதிரடி உத்தரவு பிறப்பிக்கப்பட்டுள்ளது. மையோனைஸ் செய்ய பயன்படுத்தப்படும் பச்சை முட்டையால், உடல்நல பாதிப்புகள் அதிகம் வர வாய்ப்புள்ளதாகவும், சால்மோனெல்லா பாக்டீரியா காரணமாக இந்த உணவு விஷமாக மாறலாம் என்றும் தெரிவிக்கப்பட்டுள்ளது.
Featured News
Sorry, no posts matched your criteria.