News August 31, 2025
ஆசிய கோப்பை : இந்திய அணி வெற்றி
பிஹாரில் நடக்கும் ஆசிய கோப்பை ஹாக்கியில் இந்திய அணி 2வது வெற்றியை பதிவு செய்துள்ளது. இன்றைய ஆட்டத்தில் இந்தியா-ஜப்பான் மோதின. 4வது நிமிடத்தில் மந்தீப் சிங், 5வது மற்றும் 46வது நிமிடங்களில் ஹர்மன்பிரீத் சிங் கோல் அடித்தனர். ஜப்பான் அணி 2 கோல் அடித்தது. பரபரப்பான இந்த ஆட்டத்தில் இந்தியா 3-2 என்ற கணக்கில் வெற்றி பெற்றது. குரூப் ஏ-வில் முதலிடத்தில் உள்ள இந்தியா அடுத்ததாக கஜகஸ்தானை எதிர்கொள்கிறது.
Similar News
News September 1, 2025
‘வா வாத்தியார்’ படத்தின் முக்கிய அறிவிப்பு
கார்த்தி நடிக்கும் ‘வா வாத்தியார்’ படத்தின் முக்கிய அறிவிப்பை நாளை முற்பகல் 11 மணிக்கு வெளியிட உள்ளதாக படக்குழு அறிவித்துள்ளது. இப்படத்தை நலன் குமாரசாமி இயக்கியுள்ளார். ஸ்டுடியோ கிரீன் நிறுவனம் சார்பில் ஞானவேல் ராஜா இப்படத்தை தயாரிக்கிறார். இப்படத்தின் படப்பிடிப்பு கடந்த ஆண்டே நிறைவடைந்த நிலையில், திரைக்கு வருவதில் பல்வேறு சிக்கல்களை சந்தித்த நிலையில், நாளை முக்கிய அறிவிப்பு வெளியாக உள்ளது.
News September 1, 2025
60% ஊழியர்களை நீக்கும் MPL
ஆன்லைன் கேமிங் நிறுவனமான மொபைல் பிரீமியர் லீக் (MPL), இந்தியாவில் தனது 60% ஊழியர்களை பணி நீக்கம் செய்ய முடிவு செய்துள்ளது. ஆன்லைனில் பணம் கட்டி விளையாடும் போட்டிகளுக்கு தடை விதிக்கப்பட்டதால், வருவாய் இழப்பை சமாளிக்க இந்த முடிவை எடுத்துள்ளது. <<17543188>>ஆன்லைன் கேமிங் தடை சட்ட மசோதா<<>> தற்போது சட்டமாகியுள்ளது. இதன்படி, ஆன்லைன் கேமிங் சேவைகளை வழங்கினால் 3 ஆண்டுகள் சிறை அல்லது ₹1 கோடி அபராதம் விதிக்கப்படும்.
News September 1, 2025
கிரிக்கெட்டில் அஸ்வினின் அடுத்த பயணம்
துபாயில் நடைபெறும் ILT20 போட்டிகளில் அஸ்வின் விளையாடவுள்ளார். சமீபத்தில் ஐபிஎல்-ல் இருந்து ஓய்வை அறிவித்த அவர் ILT20 தொடரில் விளையாட ஆர்வம் காட்டியுள்ளார். இதில் விளையாடுவதற்கான ஏலத்தில் பங்கேற்க அஸ்வினை பல அணிகள் அணுகியுள்ளன. அவரும் அதற்கு ஒப்புக்கொண்டுள்ளார். ILT20-ல் அம்பத்தி ராயுடு, ராபின் உத்தப்பா, யூசப் பதான் ஆகியோர் பங்கேற்றுள்ளனர். டிசம்பர் 2-ம் தேதி ILT20 தொடங்குகிறது.