News August 30, 2025
‘மனித GPS’ பாகு கானை போட்டுத் தள்ளிய ராணுவம்

பாகிஸ்தான் ஆக்கிரமிப்பு காஷ்மீரில் இருந்து ஊடுருவ முயன்ற பாகு கான் பாதுகாப்பு படையால் சுட்டுக் கொல்லப்பட்டான். ‘மனித GPS’ என அழைக்கப்படும் இவனுக்கு எல்லைக் கட்டுப்பாடு கோடு வழியாக இந்தியாவில் நுழைவதற்கு பல ரகசிய வழிகள் தெரியும். 100-க்கும் மேற்பட்ட தீவிரவாதிகள் இந்தியாவிற்குள் ஊடுருவ இவன் முக்கிய காரணமாக இருந்துள்ளான். இதனாலேயே தீவிரவாதிகளின் மத்தியில் மிகவும் பிரபலமடைந்துள்ளான்.
Similar News
News August 31, 2025
இன்றைய நல்ல நேரம்

▶ஆகஸ்ட் 31, ஆவணி 15 ▶கிழமை: ஞாயிறு ▶நல்ல நேரம்:7:45 AM – 8:45 AM & 3:15 PM – 4:15 PM ▶கெளரி நல்ல நேரம்: 10:45 AM – 11:45 AM &
1:30 PM – 2:30 PM ▶ராகு காலம்: 4:30 PM – 6:00 PM ▶எமகண்டம்: 12:00 PM – 1:30 PM ▶குளிகை: 3:00 PM – 4:30 PM ▶திதி: அஷ்டமி ▶சூலம்: மேற்கு ▶பரிகாரம்: வெல்லம் ▶பிறை: வளர்பிறை
News August 31, 2025
‘பைசன்’ ஃபர்ஸ்ட் சிங்கிள் ரிலீஸ் அறிவிப்பு

‘பைசன்: காளமாடன்’ படத்தின் முதல் பாடல் நாளை மறுநாள் வெளியாக உள்ளது. துருவ் விக்ரம் நடிப்பில் மாரி செல்வராஜ் இயக்கும் இப்படத்திற்கு நிவாஸ் கே பிரசன்னா இசையமைத்துள்ளார். இதுவரை மாரி செல்வராஜ் இயக்கும் படங்களுக்கு சந்தோஷ் நாராயணன் இசையமைத்த நிலையில், முதல்முறையாக நிவாஸ் கே பிரசன்னா இசையமைத்துள்ளார். அர்ஜுனா விருது பெற்ற கபடி வீரர் மணத்தி கணேசனின் வாழ்க்கையை மையமாகக் கொண்டு இப்படம் உருவாகியுள்ளது.
News August 31, 2025
ஒரு கவுன்சிலர் கூட ஆகல… விஜய்க்கு நயினார் பதிலடி

விஜய் விரைவில் மக்களை சந்தித்து பேச உள்ளதாக தகவல் வெளியாகியுள்ளது. இதனிடையே யாருடைய சுற்றுப் பயணமும் தேசிய ஜனநாயக கூட்டணியை பாதிக்காது என நயினார் நாகேந்திரன் தெரிவித்துள்ளார். ஒரு கவுன்சிலர், MLA கூட ஆகாத விஜயை எல்லோரையும் தோற்கடிப்பேன் என சொல்வது வேடிக்கையானது என்றும் கூறியுள்ளார். அதேபோல், எங்களது எதிரி விஜய் என கூறுவது பக்குவமில்லாத வார்த்தை எனவும் குறிப்பிட்டுள்ளார்.