News September 24, 2025
H-1B விசா கட்டணத்தில் டாக்டர்களுக்கு விதிவிலக்கா?
அதிபர் டிரம்ப்பின் விசா கட்டண உயர்வில் சில விலக்குகள் அளிக்கப்பட உள்ளதாக வெள்ளை மாளிகை தரப்பில் தெரிவிக்கப்பட்டுள்ளது. குறிப்பாக டாக்டர்கள் மற்றும் மருத்துவப் பணியாளர்களுக்கு இந்த சலுகை அளிக்கப்படலாம் என கூறப்படுகிறது. விசா கட்டண உயர்வால் அமெரிக்காவின் மருத்துவத்துறை கடுமையான பாதிப்பை சந்திக்கும் என்று கருத்துக்கள் எழுந்த நிலையில், இது குறித்து பரிசீலிக்கப்பட்டு வருகிறதாம்.
Similar News
News September 24, 2025
இதுதான் சமூகநீதியா? EPS
மதுரை, செக்கானூரணியில் உள்ள ஐடிஐ விடுதியில் மாணவர் ராகிங் செய்யப்பட்டதற்கு EPS கடும் கண்டனம் தெரிவித்துள்ளார். அரசு விடுதியில் ஒரு மாணவனை நிர்வாணப்படுத்தி, செருப்பால் அடித்து தாக்குவதை நியாயப்படுத்த முடியுமா என்று கேள்வி எழுப்பிய அவர், ’சமூகநீதி விடுதிகள்’ என்று பெயர் வைத்தால் மட்டும் போதாது; விடுதிகளின் நிர்வாகத்திலும், செயல்பாட்டிலும் சமூகநீதி இருக்க வேண்டும் என TN அரசை சாடியுள்ளார்.
News September 24, 2025
நடிகர் பார்த்திபன் இறந்துவிட்டாரா? CLARITY
நடிகர் பார்த்திபன் உயிரிழந்ததாக யூடியூப் சேனல் ஒன்றில் வீடியோ வெளியானது. இதை பார்த்து அதிர்ச்சியடைந்த அவர், மற்றவர்களின் மனதை பிணமாக்கி, அதை கொத்தித் தின்னும் கேவலப் பிறவியாக வாழ வேண்டுமா என்பதை சம்பந்தப்பட்டவர்கள் யோசிக்க வேண்டும் என காட்டமாக பதிவிட்டுள்ளார். மேலும், இப்படி செய்பவர்கள், அவர்களாகவே திருந்த அந்த சுடுகாட்டு சுடலை சாமியோ, ஆறாவது அறிவோ உதவ வேண்டும் என்றும் தெரிவித்துள்ளார்.
News September 24, 2025
அக்டோபர் 1-ம் தேதி முதல் ஆதார் சேவை கட்டணம் உயர்வு!
வரும் அக்டோபர் 1-ம் தேதி முதல் ஆதாரில் மாற்றம் (பெயர், முகவரி) செய்ய வசூலிக்கப்படும் கட்டணம் ₹50-ல் இருந்து ₹75-ஆக உயர்த்தப்படுகிறது. அதே போல, Biometric மாற்றம் செய்ய, கட்டணம் ₹100-ல் இருந்து ₹125-க்கு உயர்த்தப்படுகிறது. ஆனால், புது ஆதார் பெற விண்ணப்பிப்போருக்கு கட்டணம் இல்லை. இது முதல்கட்ட விலை ஏற்றம் என்றும், செப்டம்பர் 30, 2038 வரை இது அமலில் இருக்கும் என்றும் தெரிவிக்கப்பட்டுள்ளது.