News March 23, 2025
கோலி கணக்கில் இன்னொரு ரெக்கார்ட்
400 டி20 போட்டிகளில் விளையாடிய 3ஆவது இந்திய வீரராக கோலி உருவெடுத்துள்ளார். நேற்றைய KKR உடனான போட்டியின் போது, அவர் இந்த சாதனை படைத்துள்ளார். முன்னதாக ரோஹித் ஷர்மா 448, தினேஷ் கார்த்தி 412 போட்டிகளிலும் விளையாடியுள்ளனர். அதேபோல், டி20யில் அதிக ரன்கள் எடுத்த வீரர்களில் கோலி 12,945 ரன்களுடன் 5ஆவது இடத்தில் உள்ளார். இந்த பட்டியலில் 14,562 ரன்களுடன் கெயில் முதலிடத்தில் உள்ளார்.
Similar News
News March 24, 2025
எம்பிக்களின் சம்பளம் உயர்ந்தது
நாடாளுமன்ற உறுப்பினர்களின் ஊதியம், படிகளை உயர்த்தி மத்திய அரசு அறிவித்துள்ளது. எம்.பிக்கள் தங்களது தொகுதி மக்களுக்குச் சிறப்பாகப் பணியாற்ற அரசு சார்பில் பல சலுகைகள் வழங்கப்படுகின்றன. இந்நிலையில், எம்.பிக்களின் மாத சம்பளம் ₹1 லட்சத்தில் இருந்து ₹1.24 லட்சமாகவும், தினசரி படி ₹2000லிருந்து ₹2500ஆகவும், ஓய்வூதியம் ₹25,000லிருந்து ₹31,000ஆகவும் உயர்த்தப்பட்டுள்ளது.
News March 24, 2025
மாலை 6 மணிக்கு வருகிறான் ‘ஜனநாயகன்’
அரசியல் களத்திற்குள் அடியெடுத்து வைத்துள்ள நடிகர் விஜய்யின் கடைசிப் படம் ‘ஜனநாயகன்’. ஹெச்.வினோத் இயக்கத்தில் உருவாகிவரும் இந்த படத்தை ரசிகர்கள் பெரிதும் எதிர்பார்த்து காத்திருக்கின்றனர். இந்நிலையில், இன்று மாலை 6 மணிக்கு படத்தின் அப்டேட் வெளியாகும் என படக்குழு தெரிவித்துள்ளது. படத்தின் போஸ்டர்கள் ஏற்கனவே வெளியான நிலையில், தற்போது ரிலீஸ் தேதி அறிவிக்கப்படுமா என்ற எதிர்பார்ப்பு எழுந்துள்ளது.
News March 24, 2025
சுத்திகரிப்பு நீர்: அமைச்சர் நேரு விளக்கம்
சிங்கப்பூரில் கழிவுநீரை சுத்திகரித்து குடிநீராக பயன்படுத்துகின்றனர். ஆனால், நம் மக்கள் வேண்டாம் என்கின்றனர் என சட்டப்பேரவையில் அமைச்சர் நேரு விளக்கமளித்துள்ளார். கழிவுநீரை சுத்திகரித்தால் 100 லிட்டரில் 94 லிட்டர் நல்ல நீராக கிடைக்கும். ஆனால், நம் மக்கள் அதை வேண்டாம் என்கின்றனர். எனவே, அதை ஆற்றில் விடுவதா? விவசாயத்திற்கு வழங்குவதா என மக்களிடம் கருத்து கேட்டப் பின் முடிவெடுப்போம் என்றார்.