News January 17, 2025
கருண் நாயருக்கு மீண்டும் வாய்ப்பு?
சாம்பியன்ஸ் டிராபி அணியில் கருண் நாயருக்கு வாய்ப்பில்லை என தினேஷ் கார்த்திக் கணித்துள்ளார். IND ஒருநாள் அணி ஏற்கெனவே தயாராக உள்ளதால், அதில் மாற்றங்கள் இருக்காது எனவும் தெரிவித்துள்ளார். விஜய் ஹசாரே தொடரில் கருண் நாயர் 5 சதங்கள் அடித்து அசத்தி இருக்கிறார். இதனால், அவர் IND அணியில் இடம்பெறுவார் என தகவல் வெளியானது. டெஸ்டில் முச்சதம் அடித்த வீரர்களுள் கருண் நாயரும் ஒருவர் என்பது குறிப்பிடத்தக்கது.
Similar News
News August 24, 2025
காமெடி நடிகர் காலமானார்
பிரபல பஞ்சாபி காமெடி நடிகர் ஜஸ்விந்தர் பல்லா (65) வயதில் காலமானார். உடல் நலக்குறைவால் சிகிச்சை பெற்று வந்த நிலையில், நேற்று முன்தினம் அதிகாலை ஹாஸ்பிடலில் அவர் உயிர் பிரிந்தது. ஜஸ்விந்தர் பல்லா தனது தனித்துவமான நகைச்சுவை உணர்வு & மறக்கமுடியாத கதாபாத்திரங்களால் ரசிகர்களின் ஆதரவை பெற்ற நடிகராக திகழ்ந்தார். அவரது உடல் நேற்று அடக்கம் செய்யப்பட்டுள்ளது. அவரது மறைவுக்கு பலரும் இரங்கல் தெரிவித்துள்ளனர்.
News August 24, 2025
சுனில் கவாஸ்கருக்கு மும்பை கிரவுண்டில் ஆளுயர சிலை!
மும்பை வான்கடே மைதானத்தில், இந்திய கிரிக்கெட் அணியின் Ex ஜாம்பவான் சுனில் கவாஸ்கருக்கு சிலை வைக்கப்பட்டுள்ளது. 1972- 1987 வரை இந்திய அணிக்காக விளையாடிய சுனில் கவாஸ்கர், டெஸ்ட் கிரிக்கெட்டில் 10,000 ஆயிரம் அடித்த முதல் வீரர், அதிக டெஸ்ட் சதங்களை(34) அடித்தது என தனது காலக்கட்டத்தில் பல சாதனைகளுக்கு சொந்தக்காரராக இருந்துள்ளார் என்பது குறிப்பிடத்தக்கது.
News August 24, 2025
விஜய்யை பற்றி சீமான் கூறியது உண்மை: பிரேமலதா
விஜய்யை நாங்கள் தம்பி என அழைப்பதாலேயே அவருடன் கூட்டணி வைப்போம் என்று அர்த்தமில்லை என பிரேமலதா தெரிவித்துள்ளார். செய்தியாளர்களிடம் பேசிய அவர், விஜயகாந்த் கட்சி தொடங்கியபோதும், உடல்நலக் குறைவுடன் இருந்தபோதும் தெரியாத விஜயகாந்த், மறைந்த பிறகே விஜய்க்கு அண்ணனாக தெரிவதாக சீமான் கூறியது உலகறிந்த உண்மை என கூறியுள்ளார். தவெகவுடன் தேமுதிக கூட்டணி அமைக்கும் என கூறப்பட்ட நிலையில், இவ்வாறு பேசியுள்ளார்.