News March 28, 2024
தமிழ்நாட்டின் அரசியல் காமெடியன் அண்ணாமலை
தமிழ்நாட்டின் அரசியல் காமெடியனாக பாஜக தலைவர் அண்ணாமலை உள்ளதாக திருமாவளவன் விமர்சித்துள்ளார். விழுப்புரம் விசிக வேட்பாளர் ரவிக்குமாரை ஆதரித்து பேசிய அவர், “பாஜகவை ஆதரிப்பவர்களுக்கு ஒருநிலைபாட்டையும், எதிர்ப்பவர்களுக்கு ஒரு நிலையையும் தேர்தல் ஆணையம் எடுத்துள்ளது. இதற்கு எல்லாம் விசிக பயப்படாது. நமக்கு பானை சின்னம் நிச்சயம் கிடைக்கும். இந்த தேர்தலுடன் பாஜகவை வீட்டுக்கு அனுப்புவோம்” எனக் கூறினார்.
Similar News
News January 5, 2026
டைரக்ஷன் – பாஜக, நடிப்பு – விஜய்: தனியரசு
விஜய் பாஜகவின் செல்லப்பிள்ளையாக செயல்படுவதாக Ex. MLA தனியரசு விமர்சித்துள்ளார். விஜய் ஒரு நடிகர் மட்டும்தான் என்ற அவர், விஜய்யின் அரசியல் செயல்பாடுகளுக்கான கதை, திரைக்கதை, இயக்கத்தை பாஜகவே கவனித்து வருவதாகவும் தெரிவித்துள்ளார். மேலும், அதிமுகவின் இடத்தை பிடிக்க விஜய்யை முன்னிறுத்தும் வேலைகளை பாஜக செய்து வருவதாகவும், அதற்காகவே செங்கோட்டையனை அங்கு அனுப்பி வைத்துள்ளதாகவும் குற்றஞ்சாட்டியுள்ளார்.
News January 5, 2026
பொங்கல் பரிசு தொகுப்பு.. CM ரங்கசாமி வழங்கினார்
புதுச்சேரியில் பொங்கல் தொகுப்பு விநியோகம் இன்று முதல் தொடங்கியுள்ளது. 4 கிலோ பச்சரிசி, 1 கிலோ நாட்டு சர்க்கரை, 1 கிலோ பருப்பு உள்பட தலா ₹750 மதிப்புள்ள பொருள்களை மக்களுக்கு வழங்கி, CM ரங்கசாமி திட்டத்தை தொடங்கி வைத்தார். அங்கு ரொக்கப் பணம் வழங்கப்படவில்லை. TN-ல் ₹3,000 ரொக்கத்துடன் பச்சரிசி உள்ளிட்டவை அடங்கிய பொங்கல் தொகுப்பு விநியோகத்தை ஜன.8-ல் CM ஸ்டாலின் தொடங்கி வைக்க உள்ளார்.
News January 5, 2026
தவாகவில் இருந்து தவெகவுக்கு தாவுகிறார்!
தமிழக வாழ்வுரிமை கட்சியில் இருந்து வெளியேறிய ஜெகதீச பாண்டியன் தவெகவில் இணையவுள்ளார். நாதகவில் இருந்து வெளியேறி தவாகவில் இணைந்த இவர், சீமானை கடுமையாக விமர்சித்து வந்தார். ஆனால் தமிழ் தேசியம் பேசுவதால் சீமானை நண்பனாக கருதும் வேல்முருகனுக்கு இது பிடிக்காததால், விமர்சிக்க வேண்டாம் என ஜெகதீசனுக்கு அறிவுறுத்தப்பட்டிருக்கிறது. ஆனால், அதற்கு அவர் உடன்பட மறுத்து இந்த முடிவை எடுத்துள்ளார்.