News June 9, 2024
இணையமைச்சர் பதவியை நிராகரித்தார் அஜித் பவார்
பாஜக வழங்க முன்வந்த இணையமைச்சர் பதவியை நிராகரிப்பதாக அஜித் பவார் அறிவித்துள்ளார். மகராஷ்டிர அரசியலில் அடுத்தடுத்து திருப்புமுனை ஏற்பட்டு வரும் நிலையில், தேசியவாத காங்கிரஸின் பிரபுல் படேல் ஏற்கெனவே இருந்த கேபினட் பொறுப்பை கேட்டிருந்த நிலையில், அதனை கொடுக்காமல் இணையமைச்சர் பதவியை பாஜக கொடுத்ததால், அதனை அஜித் பவார் புறக்கணித்துள்ளார். பாஜக ஆட்சியமைக்காத சூழலில் கூட்டணியில் குழப்பம் எழுந்துள்ளது.
Similar News
News September 2, 2025
இந்தியாவுக்கு எதிரான தொடர்: பேட் கம்மின்ஸ் விலகல்!
முதுகில் ஏற்பட்டுள்ள காயம் காரணமாக ஆஸி. கேப்டன் பேட் கம்மின்ஸ் நியூசிலாந்து & இந்தியாவுக்கு எதிரான தொடர்களில் விளையாட மாட்டார் என அறிவிக்கப்பட்டுள்ளது. அவருக்கு Lumbar bone stress பிரச்னை இருப்பதாக கண்டறியப்பட்டுள்ளதை தொடர்ந்து, அவர் நவம்பரில் தொடங்கும் ஆஷஸ் தொடரிலும் விளையாடுவது சந்தேகமாகி இருக்கிறது. இந்திய அணி வரும் அக்டோபர் மாதம் ஆஸி.க்கு எதிராக 3 T20, 5 ODI போட்டிகளில் விளையாடவுள்ளது.
News September 2, 2025
ஊழியர்களின் பக்கம் திமுக நிற்பதில்லை: அண்ணாமலை
தொடக்க பால் கூட்டுறவு சங்க ஓய்வு பெற்ற ஊழியர்களின் கோரிக்கைகளைத் திமுக அரசு தொடர்ந்து புறக்கணித்து வருவதாக அண்ணாமலை சாடியுள்ளார். சுமார் 2,000 தொடக்க பால் கூட்டுறவு சங்க ஓய்வு பெற்ற ஊழியர்களுக்கு ஓய்வூதியம் வழங்க, தமிழக அரசுக்கு பெரிய அளவில் நிதிச்சுமை ஏற்படப் போவதில்லை என தெரிவித்த அவர், எனினும் திமுகவுக்கு அதனை பரிசீலிக்க மனமில்லை என குற்றம்சாட்டியுள்ளார்.
News September 2, 2025
EPS மீது அதிருப்தி: அதிமுகவில் இருந்து MLA விலகல்?
EPS மீதான அதிருப்தியை அடுத்து, கோபிசெட்டிபாளையத்தில் தனது ஆதாரவாளர்களுடன் செங்கோட்டையன் தீவிர ஆலோசனை மேற்கொண்டு வருகிறார். இதில், பவானிசாகர் MLA பண்ணாரி பங்கேற்றது அரசியலில் புயலை கிளப்பியுள்ளது. செங்கோட்டையன் அதிமுகவில் இருந்து விலக வாய்ப்பு இருப்பதாக கூறப்படும் நிலையில், 5-ம் தேதி அவர் எடுக்கவுள்ள முடிவையே, பண்ணாரியும் எடுப்பார் எனக் கட்சி வட்டாரத்தில் கூறப்படுகிறது.