News April 28, 2025
திமுக ஆட்சி குறித்து பேச அதிமுகவிற்கு தகுதியில்லை: CM
தமிழ்நாட்டில் சட்டம் – ஒழுங்கு சரியில்லை என பேசிய இபிஎஸ்-க்கு CM ஸ்டாலின் பதிலடி கொடுத்துள்ளார். துயரமான ஆட்சிக்கு தூத்துக்குடி சாட்சி, அவமான ஆட்சிக்கு அதிமுக ஆட்சியே சாட்சி என்று விமர்சித்த அவர், சட்டம் ஒழுங்கு குறித்து பேசவும், திமுக ஆட்சி மீது குற்றம் சாட்டவும் அதிமுகவிற்கு எந்த தகுதியும் கிடையாது; ஊழல் வழக்குகளில் இருந்து தப்பிக்க தமிழ்நாட்டின் உரிமைகளை அதிமுக அடகு வைத்தாக விமர்சித்தார்.
Similar News
News December 15, 2025
இன்று முதல் அதிமுக விருப்ப மனு
2026 சட்டப்பேரவைத் தேர்தலில் அதிமுக சார்பில் போட்டியிட விரும்புவோருக்கு இன்று முதல் 23-ம் தேதி வரை விருப்ப மனுக்கள் விநியோகம் செய்யப்படுகின்றன. முதல் நாளான இன்று மட்டும் பிற்பகல் 12 மணிக்கு விருப்ப மனுவை பெற்றுக் கொள்ளலாம். மற்ற நாள்களில் தினமும் காலை 10 மணி முதல் மாலை 5 மணி வரை விருப்ப மனு படிவங்களை அதிமுக அலுவலகத்தில் பெற்றுக் கொள்ளலாம் என்று EPS அறிவித்துள்ளார்.
News December 15, 2025
உச்சம் தொட்ட முட்டை விலை
முட்டை விலை வரலாறு காணாத வகையில் உயர்ந்ததால் மக்கள் அதிர்ச்சி அடைந்துள்ளனர். நேற்று இரவு நாமக்கல்லில் நடைபெற்ற தேசிய முட்டை ஒருங்கிணைப்பு குழு கூட்டத்தில், முட்டை விலையை 5 காசுகள் உயர்த்த முடிவு செய்யப்பட்டது. எனவே முட்டை கொள்முதல் விலை ₹6.25-ஆக உயர்ந்துள்ளது. கொள்முதல் விலை அதிகரித்ததால் , சென்னை உள்ளிட்ட மாவட்டங்களில் சில்லறை வணிகத்தில் ஒரு முட்டை ₹7 வரை விற்பனை செய்யப்படுகிறது.
News December 15, 2025
சிட்னி துப்பாக்கிச்சூட்டை நடத்தியது யார்?
<<18561882>>ஆஸ்திரேலிய<<>> துப்பாக்கிச்சூட்டில், 10 வயது சிறுமி உள்பட பலியானோரின் எண்ணிக்கை 15 ஆக உயர்ந்துள்ளது. இந்நிலையில், துப்பாக்கிச்சூடு நடத்தியவர்கள் பழக்கடை வியாபாரியான சஜித் அக்ரம் மற்றும் அவரது 24 வயது மகன் நவீத் அக்ரம் என தெரிய வந்துள்ளது. இது பயங்கரவாத தாக்குதல் என தெரிவித்துள்ள போலீசார், தாக்குதலின் போதே போலீஸார் சுட்டதில் சஜித் உயிரிழந்ததாக கூறினர். நவீத் காயங்களுடன் சிகிச்சை பெற்று வருகிறார்.