News May 17, 2024
வனவிலங்குகளின் நடமாட்டத்தை கண்டறியும் AI
யானை உள்ளிட்ட வன விலங்குகள் கிராமங்களுக்குள் புகுந்து அட்டகாசம் செய்து வருகின்றன. இதனைத் தடுக்கும் வகையில், அவற்றின் நடமாட்டத்தை முன்கூட்டியே கண்டறிந்து நடவடிக்கை எடுக்க மேற்கொள்ளப்பட்ட AI சோதனை கேரளாவில் வெற்றி பெற்றுள்ளது. நிலத்தில் புதைக்கப்பட்ட கருவி, நில அதிர்வு மூலம் விலங்குகளின் நடமாட்டத்தை கண்டறியும் முதல்கட்ட சோதனை பாலக்காட்டில் வெற்றிகரமாக நடத்தி முடிக்கப்பட்டுள்ளது.
Similar News
News December 12, 2025
மக்கள் நாயகன் காலமானார்
‘பறவை மனிதர்’ என அன்போடு அழைக்கப்பட்ட ஜோசப் சேகர் காலமானார். சென்னை ராயப்பேட்டையில் உள்ள தனது வீட்டின் மொட்டை மாடியில் இவர் அளிக்கும் உணவுக்காகவே தினந்தோறும் ஆயிரக்கணக்கான பறவைகள் குறிப்பாக கிளிகள் தேடி வரத்தொடங்கின. 20 ஆண்டுகளாக இந்த உன்னத பணியை செய்து வந்த அவர், கொரோனா காலத்தில் ஏழை எளிய மக்களுக்கும் உணவு அளித்து மக்களின் நாயகன் ஆனார். ஜோசப் மறைவுக்கு பலரும் இரங்கல் தெரிவித்து வருகின்றனர். #RIP
News December 12, 2025
தாயின் சாதி அடிப்படையில் சாதி சான்றிதழ்: SC
இந்தியாவில் தந்தையின் சாதியை பொறுத்தே குழந்தைகளுக்கு சாதி சான்றிதழ் வழங்கப்படுகிறது. இந்நிலையில், வழக்கு ஒன்றில் சிறுமியின் எதிர்காலத்தை பாதுகாக்கும் விதமாக தாயின் சாதி அடிப்படையில் சான்றிதழ் வழங்க SC உத்தரவிட்டுள்ளது. இந்த உத்தரவு, இந்த குறிப்பிட்ட வழக்கிற்கு மட்டுமே பொருந்தும் என நீதிபதி கூறினாலும், எதிர்காலத்தில் விதிகளில் மாற்றத்தை ஏற்படுத்த முன்னுதாரணமாக அமையும் என எதிர்பார்க்கப்படுகிறது.
News December 12, 2025
ரஜினிக்கு பிறந்தநாள்: கமல், EPS வாழ்த்து!
75 ஆண்டுகால தனிச்சிறப்பான வாழ்வும், 50 ஆண்டுகால லெஜண்டரி சினிமா கரீயரும் கொண்ட நண்பரே, ஹேப்பி பர்த்டே என கமல் ரஜினியை வாழ்த்தியுள்ளார். அதேபோல, அசைக்க முடியாத பேராளுமையாக 50 ஆண்டுகளாக கோலோச்சி வரும் சூப்பர்ஸ்டாருக்கு பிறந்தநாள் நல்வாழ்த்துகள் என EPS வாழ்த்தியுள்ளார். திரையரங்குகளை திருவிழாக் கூடங்களாக மாற்றவல்ல தங்களின் Style Magic ரசிகர்களை மகிழ்விக்கட்டும் பல்லாண்டு எனவும் குறிப்பிட்டுள்ளார்.