News March 10, 2025
பத்திரப்பதிவு அலுவலகங்களில் கூடுதல் டோக்கன் விநியோகம்
மாசி மாத சுபமுகூர்த்த நாளான இன்று, பத்திரப்பதிவு மேற்கொள்ள, கூடுதல் டோக்கன் வழங்க பதிவுத்துறை உத்தரவிட்டுள்ளது. அதன்படி, வழக்கமாக, 100 டோக்கன் வழங்கப்படும் சார்-பதிவாளர் அலுவலகங்களில் 150 டோக்கன்களும், 200 டோக்கன் வழங்கப்படும் அலுவலகங்களில் 300 டோக்கன்களும் வழங்கப்படும் என பதிவுத்துறை அறிவித்துள்ளது. கடந்த மாதம் 10ஆம் தேதி ஒரே நாளில் ₹237 கோடி அரசு வருவாய் ஈட்டியது கவனிக்கத்தக்கது.
Similar News
News August 15, 2025
இல. கணேசன் மறைவுக்கு தலைவர்கள் இரங்கல்
நாகாலாந்து கவர்னர் <<17417276>>இல. கணேசன்(80)<<>> மறைவுக்கு அரசியல் தலைவர்கள் இரங்கல் தெரிவித்து வருகின்றனர். பாஜகவில் மாநிலத் தலைவர், தேசிய செயலாளர் உள்ளிட்ட பொறுப்புகளை வகித்த அவருக்கு, 2021-ல் கவர்னர் பதவி வழங்கி மத்திய அரசு சிறப்பித்திருந்தது. அவரது மறைவுக்கு இபிஎஸ், தமிழிசை, அண்ணாமலை, எல்.முருகன், செல்வப்பெருந்தகை, TR பாலு உள்ளிட்ட தலைவர்கள் இரங்கல் தெரிவித்து வருகின்றனர். RIP
News August 15, 2025
ALERT: இவற்றால் உங்களுக்கு கிட்னி ஸ்டோன் வரலாம்
கீழ்க்கண்ட காரணங்களால் சிறுநீரக கற்கள் ஏற்படலாம்: *போதுமான அளவு தண்ணீர் குடிக்காமல் இருப்பது *அதிக உடல்பருமன் *சிறுநீர்ப்பாதை தொற்று, நீண்டகாலம் நோய்வாய்ப்பட்டு இருத்தல் *புரதம், சோடியம் மற்றும் ஆக்சலேட் நிறைந்த உணவுகள் *அதிக வெப்பமும் ஈரப்பதமும் நிறைந்த இடங்களில் வசிப்பது *சிறுநீர் கழிக்கும் உணர்வு வந்தாலும், அதைத் தள்ளிப் போடுவது *சில வகை மருந்துகள். இவற்றை தவிர்த்தாலே கற்களை தடுக்கலாம்.
News August 15, 2025
திமுகவில் இணைகிறாரா அதிமுகவின் தம்பிதுரை?
அன்வர் ராஜா, கார்த்திக் தொண்டைமான், மைத்ரேயன் என அடுத்தடுத்த அதிமுக தலைவர்கள் திமுகவில் இணைந்து வருகின்றனர். இந்த வரிசையில் தம்பிதுரையும் திமுகவில் சேரப் போவதாக, புகழேந்தி குண்டை தூக்கி போட்டுள்ளார். மேலும், பாஜகவுடன் இபிஎஸ் கூட்டணி வைத்திருப்பதால் அதிமுக நிர்வாகிகள் அதிருப்தியில் இருப்பதாகவும் அவர் குறிப்பிட்டுள்ளார். ஏற்கெனவே தங்கமணி திமுகவில் இணைவதாக செய்தி பரவிய நிலையில், அதனை அவர் மறுத்தார்.