News March 7, 2025
போலீஸ் கஸ்டடியில் நடிகை
தங்கம் கடத்திய கன்னட நடிகை ரன்யா ராவ் போலீஸ் கஸ்டடியில் இருக்கும் புகைப்படம் வெளியாகியுள்ளது. அவரது ஜாமின் மனு மீதான விசாரணை, பொருளாதார குற்றவியல் நீதிமன்றத்தில் இன்று விசாரணைக்கு வர உள்ளது. துபாயில் இருந்து ₹12 கோடி மதிப்பிலான 14.8 கி.கி தங்கம் கடத்தி வந்த போது, அவர் கையும் களவுமாக பிடிபட்டார். இந்த ஆண்டு மட்டும் அவர் 27 முறை துபாய் சென்று தங்கம் கடத்தி வந்தது தெரியவந்துள்ளது.
Similar News
News March 7, 2025
பெண்கள் CM ஆனால் மட்டும் ஏன் இப்படி? கனிமொழி
நாட்டில் 90% ஆண்கள் தான் முதல்வராக உள்ளதாக கனிமொழி தெரிவித்துள்ளார். பிரதமர் கூட ஆண் தான் எனவும், டெல்லியில் ஒரு பெண் முதல்வராக தேர்ந்தெடுக்கப்பட்ட போது, அவர் பெண் என்பதால் முதல்வராக்கப்பட்டதாக நாடாளுமன்றத்திலேயே சிலர் கூறியதாகவும் அவர் வருத்தத்துடன் பதிவு செய்துள்ளார். ஒரு பெண் தலைமை பொறுப்புக்கு வரும் போது மட்டும் ஏன் இத்தனை கேள்விகள் எழுப்பப்படுகிறது எனவும் அவர் வினவியுள்ளார்.
News March 7, 2025
தொப்பை குறையவே மாட்டேங்குதா?
பலர் உடல் எடையை குறைச்சாலும் தொப்பை குறையலனு கவலைப்பட்டுக்கிட்டே இருப்பாங்க. அதுக்கு முக்கியமான காரணம் இருக்கு. நம்ம உடம்புல கொழுப்பு சேரத் தொடங்கும்போது எல்லா இடத்துலயும் ஒரே மாதிரியாதான் சேரும். ஆனா, ஒரு கட்டத்துக்கு மேல, வயித்துல நிறைய இடம் இருக்கனால மேலும் மேலும் சேர்ந்துக்கிட்டே இருக்கும். அதனால, கொழுப்பு கரையும் போது, அதிக கொழுப்பு இருக்கற வயிற்றுப் பகுதியில கடைசியாத்தான் குறையும்.
News March 7, 2025
சினிமாவில் வார்னரின் சம்பளம் எவ்வளவு?
கிரிக்கெட் வீரர் வார்னர் ‘ராபின் ஹூட்’ என்ற தெலுங்கு படத்தின் மூலம் சினிமாவில் அறிமுகமாகிறார். இந்த படத்தில் நடிக்க அவர் சம்பளம் எதுவும் கேட்கவில்லையாம். ஆனால், தயாரிப்பாளர் தான் அவருக்கு ₹50 லட்சம் சம்பளமாக வழங்கியுள்ளதாக தகவல் வெளியாகியுள்ளது. வெங்கி குடுமலா இயக்கியுள்ள இப்படத்தில் நிதின், ஸ்ரீலீலா முன்னணி கதாபாத்திரத்தில் நடித்துள்ளனர். ஜிவி இசையமைத்துள்ளார்.