News March 23, 2025
நடிகர் ராகேஷ் பாண்டே உடல் தகனம்
மாரடைப்பால் உயிரிழந்த பிரபல பாலிவுட் நடிகர் ராகேஷ் பாண்டேவின் உடல் மும்பையில் உள்ள சாஸ்திரி நகரில் தகனம் செய்யப்பட்டது. முன்னதாக, அவரது உடலுக்கு ஏராளமான திரைப்பிரபலங்கள், அரசியல் தலைவர்கள் நேரில் அஞ்சலி செலுத்தினர். 1969இல் சினிமாவில் கால் பதித்த ராகேஷ் பாண்டே 2023 வரை ஈஷ்வர், தேவ்தாஸ், தில் சாஹ்தா ஹை உள்ளிட்ட 200க்கும் மேற்பட்ட திரைப்படங்களில் நடித்துள்ளார்.
Similar News
News March 25, 2025
மேட்ரிமோனி தளங்களில் புதிய மோசடி.. உஷார் மக்களே!
மேட்ரிமோனி தளங்களில் புதிய பண மோசடி நடைபெறுவதால், உஷாராக இருக்கும்படி சைபர் கிரைம் போலீசார் எச்சரித்துள்ளனர். போலி கணக்கு மூலம் திருமண விருப்பம் தெரிவிக்கும் இக்கும்பல், மணப்பெண் (அ) மணமகனிடம் பேசி, ஆன்லைனில் முதலீடு செய்ய ஆசையை தூண்டுகின்றனர். பின் போலி இணையதளங்கள் மூலம் பெரும் தொகையைப் பெற்றுக்கொண்டு, தொடர்புகளை துண்டித்துவிட்டு தப்பிவிடுகின்றனர். TNல் இதுபோல் 379 மோசடி புகார்கள் பதிவாகியுள்ளன.
News March 25, 2025
‘சிந்து சமவெளி’ பட பாணியில் நடந்த பயங்கரம்!
அமலா பால் நடித்த ‘சிந்து சமவெளி’ படத்தில், எப்படி மாமனாருக்கும், மருமகளுக்கும் இடையே தகாத உறவு இருக்குமோ, அதேபோன்ற சம்பவம் உ.பி.யில் நடந்துள்ளது. அங்குள்ள பஹ்பத் மாவட்டத்தைச் சேர்ந்த வேத்பால் (34) என்பவர், தனது மனைவிக்கும், தந்தை ஈஸ்வருக்கும் இடையே தகாத உறவு இருப்பதை கண்டுபிடித்துள்ளார். அப்பாவே தனக்கு துரோகம் செய்ததை தாங்க முடியாமல், நேற்று ஈஸ்வரை கழுத்தை அறுத்து கொலை செய்துள்ளார் வேத்பால்.
News March 25, 2025
இமாலய இலக்கை எட்டி இறுதியில் மாஸ் காட்டிய டெல்லி
210 ரன்கள் எடுத்தால் வெற்றி என்ற இலக்குடன் களமிறங்கிய டெல்லி அணி வெற்றி பெற்றுள்ளது. முதலில் பேட்டிங் செய்த லக்னோ அணியில் மார்ஷ்(72), பூரன்(75) ஆகியோர் அதிரடி காட்டினர். டெல்லி அணி தரப்பில் ஸ்டார்க் 3 விக்கெட்டுகளை வீழ்த்தி அசத்தினார். கடினமான இலக்குடன் களமிறங்கிய அந்த அணி அடுத்தடுத்து விக்கெட்டுகளை இழந்து தடுமாறியது. இறுதியில் அஷுதோஸ் சர்மா, நிகம் அதிரடியில் டெல்லி அணி இலக்கை எட்டிப் பிடித்தது.