News May 17, 2024
நடிகர் கார்த்திக் குமார் ஆணையரிடம் புகார்
பட்டியலின சமுதாயத்தை தரக்குறைவாக பேசுவது போன்ற ஆடியோ வெளியானது தொடர்பாக, நடிகர் கார்த்திக் குமார் மயிலாப்பூர் துணை ஆணையரிடம் புகார் அளித்துள்ளார். தனது முன்னாள் மனைவி சுசித்ராவை கேள்வி கேட்கும் போது, தாழ்த்தப்பட்ட சமூகத்தை இழிவாகவும் குறிப்பிட்ட சமூகத்தை உயர்த்திப் பேசியதாகவும் ஆடியோ வெளியானது. ஆனால், அது தனது குரல் அல்ல என அவர் வீடியோ வெளியிட்டிருந்த நிலையில் தற்போது மனு அளித்துள்ளார்.
Similar News
News January 9, 2026
கனமழை வெளுக்கும்.. எப்போது கரையை கடக்கும்?
தென்மேற்கு வங்கக்கடலில் மையம் கொண்டுள்ள ஆழ்ந்த காற்றழுத்த தாழ்வு மண்டலம் நாளை நண்பகல் கரையைக் கடக்கும் என IMD தெரிவித்துள்ளது. மணிக்கு 10 கிமீ வேகத்தில் நகர்ந்து வரும் நிலையில், இலங்கையின் யாழ்ப்பாண – திரிகோணமலை இடையே கரைக்கும் கடக்கும் என்றும், தமிழகத்தில் மயிலாடுதுறை, நாகை, தஞ்சை, தஞ்சாவூர், திருவாரூர், ராமநாதபுரம், புதுக்கோட்டை ஆகிய மாவட்டங்களில் கனமழை பெய்யும் என்றும் தெரிவித்துள்ளது.
News January 9, 2026
தமிழக பிரபலம் காலமானார்
திண்டுக்கல்லைச் சேர்ந்த சிறந்த காந்தியவாதி மா.வன்னிக்காளை (92) உடல்நலக் குறைவால் காலமானார். சுதந்திர போராட்ட தியாகியான இவர், காந்தி சேவா சங்கத்துடன் இணைந்து ஆதரவற்றோர் இல்லங்களையும் நடத்திவந்து நன்மதிப்பை பெற்றுவந்தார். 1991-ல் ஜனாதிபதியின் தேசிய விருது, 2024-ல் தமிழக கவர்னரின் சிறந்த காந்தியவாதி விருதுகளையும் பெற்றுள்ளார். அவரது இறுதிச்சடங்கு இன்று மதியம் அவரது இல்லத்தில் நடைபெறுகிறது.
News January 9, 2026
ஈரான் சுப்ரீம் தலைவரை டிரம்ப் கொல்வார்: USA செனட்டர்
ஈரானில் போராடுபவர்களை ஒடுக்க, அரசு வன்முறையை கையாண்டால், அதன் உச்ச தலைவரைக் கொல்லவும் டிரம்ப் தயங்கமாட்டார் என USA செனட்டர் லிண்ட்சே எச்சரித்துள்ளார். தன் சொந்த மக்களையே கொன்று உலகை அச்சுறுத்தும் காமேனி அயதுல்லா ஒரு மதவாத நாஜி என குற்றஞ்சாட்டிய அவர், உங்கள் நாட்டை அவரிடம் இருந்து மீட்டெடுங்கள் என்று ஈரான் மக்களுக்கு அறிவுறுத்தியுள்ளார். முன்னதாக டிரம்பும் ஈரானுக்கு எச்சரிக்கை விடுத்திருந்தார்.