News June 13, 2024
ஆதார் இலவச புதுப்பிப்பு காலக்கெடு நீட்டிப்பு!
ஆதார் அட்டையை இலவசமாக புதுப்பித்துக் கொள்வதற்கான காலக்கெடுவை செப்டம்பர் 14ஆம் தேதி வரை மத்திய அரசு நீட்டித்துள்ளது. முன்னதாக, ஆதார் அட்டையில் உள்ள முகவரி, தந்தை பெயர் உள்ளிட்ட விவரங்களை ஜூன் 14ஆம் தேதி வரை மட்டுமே இலவசமாக திருத்தம் செய்ய முடியும் என அறிவிக்கப்பட்டிருந்தது. ஆதார் உடன் பதிவு செய்யப்பட்ட செல்ஃபோன் எண்ணுக்கு கிடைக்கும் OTP மூலம் விவரங்களை திருத்தம் செய்ய முடியும்.
Similar News
News September 6, 2025
ஸ்பான்சர்ஷிப் விலையை நிர்ணயித்த BCCI
ஆன்லைன் கேமிங் ஒழுங்குமுறை மசோதா அமலான நிலையில், Dream 11 உள்ளிட்ட ஸ்பான்சர்ஷிப் நிறுவனங்கள் உடனான ஒப்பந்தத்தை BCCI முறித்தது. இதனையடுத்து, புதிய ஸ்பான்சர்ஷிப்களை கொண்டுவர முயற்சிகள் எடுக்கப்பட்டன. இந்நிலையில், Bilateral போட்டிகளுக்கு ₹3.5 கோடி, ICC, ACC உள்ளிட்ட போட்டிகளுக்கு ₹1.5 கோடி என ஸ்பான்சர்ஷிப் இருப்பு விலையை BCCI நிர்ணயித்துள்ளது. இதனிடையே, ஆசிய கோப்பை தொடர் செப்.9-ல் தொடங்குகிறது.
News September 6, 2025
சோனியா காந்தி மீது வழக்கு பதிய கோரி மனு
காங்.,ன் வாக்கு திருட்டு குற்றச்சாட்டு தேசிய அளவில் பேசுபொருளாக உள்ளது. இந்நிலையில், 1983-ல் இந்திய குடியுரிமை பெற்ற சோனியா காந்தியின் பெயர், 1980-லேயே வாக்காளர் பட்டியலில் இடம் பெற்றுள்ளதாக, விகாஸ் திரிபாதி என்பவர் டெல்லி கோர்ட்டில் மனுத்தாக்கல் செய்துள்ளார். எனவே, சோனியா காந்தி மீது வழக்கு பதிய உத்தரவிட வேண்டும் என அவர் கோரியுள்ளார். இதன் மீதான விசாரணை, செப்.10-க்கு தள்ளி வைக்கப்பட்டுள்ளது.
News September 6, 2025
அஜித் படத்துக்கு எதிராக இளையராஜா வழக்கு
அஜித்குமார் நடிப்பில் வெளியான ‘குட் பேட் அக்லி’ படத்தில், இளையராஜா இசையில் வெளியான பாடல் ரீமிக்ஸ் செய்யப்பட்டிருந்தது. இதை அனுமதி பெறாமல் பயன்படுத்தியதாக ₹5 கோடி இழப்பீடு கேட்டு இளையராஜா தரப்பில் நோட்டீஸ் அனுப்பப்பட்டது. பாடல் உரிமையாளரிடம் அனுமதி பெறப்பட்டதாக பட தயாரிப்பு நிறுவனம் பதிலளித்தது. இந்நிலையில், HC-ல் இளையராஜா வழக்கு தொடர்ந்துள்ளார். அந்த உரிமையாளர் யார் என்றும் அவர் கேட்டுள்ளார்.