News April 29, 2024
கைதி பட பாணியில் விஜய் தேவரகொண்டா படம்
கௌதம் தினனுரி இயக்கும் புதிய படத்தில், நடிகர் விஜய் தேவரகொண்டா நடித்து வருகிறார். சித்தாரா என்டர்டெயின்மெண்ட் நிறுவனம் இந்தப் படத்தை தயாரிக்க, அனிருத் இதற்கு இசை அமைக்கிறார். இதில் விஜய் தேவரகொண்டா போலீஸ் அதிகாரியாக நடிக்கிறார். இந்தப் படம் ‘கைதி’ படத்தை போல, பாடல்களே இல்லாத படமாக உருவாகி வருகிறது. விறுவிறுப்பான கதைக்கு பாடல்கள் தேவைப் படாததால், இந்த முடிவை படக்குழு எடுத்துள்ளதாக கூறப்படுகிறது.
Similar News
News February 17, 2026
வேணுகோபால் வருகையால் சமரசம் ஏற்படுமா?
தொகுதி பங்கீடு தொடர்பான பேச்சுவார்த்தைக்காக காங்., தேசிய பொதுச்செயலாளர் KC வேணுகோபால் இன்று சென்னை வந்தடைந்தார். அவருக்கு செல்வப்பெருந்தகை உள்ளிட்ட நிர்வாகிகள் வரவேற்பு அளித்தனர். தொகுதி பங்கீடு தொடர்பாக இதுவரை கிரிஷ் ஷோடங்கர் பேசிவந்த நிலையில், வேணுகோபாலின் தமிழக வருகை முக்கியத்துவம் பெற்றுள்ளது. மேலும் ஸ்டாலின் உடனான சந்திப்பில் தொகுதி பங்கீடு இறுதி செய்யப்படும் எனவும் எதிர்பார்க்கப்படுகிறது.
News February 17, 2026
பட்ஜெட்டில் எந்தெந்த துறைக்கு எவ்வளவு நிதி ஒதுக்கீடு?
*பள்ளிக்கல்வித் துறை – ₹48,534 கோடி. *ஊரக வளர்ச்சித் துறை – ₹28,687 கோடி. *மருத்துவத் துறை – ₹22,090 கோடி. *போக்குவரத்துத் துறை – ₹13,062 கோடி. *உயர்கல்வித் துறை – ₹8,505 கோடி. *மாற்றுத் திறனாளிகள் நலத்துறை – ₹1,471 கோடி. *சிறப்பு திட்ட செயலாக்கத்துறை – ₹17,088 கோடி. *தொழிலாளர் நலத்துறை – ₹1,996 கோடி. *இளைஞர் நலன் மேம்பாட்டுத் துறை – ₹718 கோடி ( அமைச்சர் தங்கம் தென்னரசு வெளியிட்ட தரவுகளின்படி)
News February 17, 2026
மாற்றுத் திறனாளிகளின் உதவித் தொகை உயர்வு
இடைக்கால பட்ஜெட்டில் மாற்றுத் திறனாளிகள் நலத்துறைக்கு ₹1,471 கோடி ஒதுக்கீடு செய்யப்பட்டுள்ளதாக தங்கம் தென்னரசு தெரிவித்துள்ளார். மாற்றுத் திறனாளிகளின் மாதாந்திர உதவித் தொகை ₹1,500-ஆக உயர்த்தப்பட்டிருப்பதாகவும் அவர் குறிப்பிட்டார். மேலும், இதுவரை இல்லாத வகையில் உள்ளாட்சி அமைப்புகளில் முதல்முறையாக 3,632 மாற்றுத் திறனாளிகள் நியமன உறுப்பினர்களாக நியமிக்கப்பட்டுள்ளதாகவும் அவர் குறிப்பிட்டார்.