News August 15, 2024
பாண்டியாவை பார்த்து உத்வேகம் அடைந்த வீரர்
ஹர்திக் பாண்டியாவின் செயல்பாடுகளை பார்த்து உத்வேகம் அடைந்ததாக இந்திய ஹாக்கி அணியின் துணை கேப்டன் ஹர்திக் சிங் தெரிவித்துள்ளார். முக்கியமான போட்டிகளில் பாண்டியாவின் சிறப்பான செயல்பாடு தனக்கு ஊக்கம் அளிப்பதாகவும், கடந்த 4-5 ஆண்டுகளாக சிறப்பாக விளையாடி வருவதாகவும் அவர் கூறியுள்ளார். பாரிஸ் ஒலிம்பிக்ஸில் இந்தியா வெண்கலம் வெல்ல ஹர்திக் சிங்கின் பங்களிப்பு முக்கியமானது என்பது குறிப்பிடத்தக்கது.
Similar News
News December 28, 2025
இருமுடி கட்டு கோயம்பேட்டுக்கு..
மறைந்த தேமுதிக நிறுவனர் <<18691386>>விஜயகாந்தின் <<>>2-ம் ஆண்டு நினைவு தினம் இன்று. காலை முதலே தொண்டர்கள் கூட்டம் கூட்டமாக கண்ணீர் மல்க நினைவஞ்சலி செலுத்தி வருகின்றனர். இன்று விஜயகாந்தின் குருபூஜை என தேமுதிகவினர் அறிவித்துள்ள நிலையில், பலரும் அஞ்சலி செலுத்த தலையில் இருமுடி கட்டுடன் சென்றனர். 48 நாள்கள் விரதமிருந்து தலையில் சுமந்து வந்த இருமுடியை நினைவிடத்தில் வைத்து பக்தியுடன் அஞ்சலி செலுத்தி சென்றனர்.
News December 28, 2025
மகளிர் உரிமைத் தொகை உயர்வு… மகிழ்ச்சியான அப்டேட்
மகளிர் உரிமைத் தொகை உயர்த்தி வழங்கப்படும் என CM ஸ்டாலின் அண்மையில் அறிவித்தார். தொகை எவ்வளவு அதிகரிக்கப்படும் என்ற தகவலை, தேர்தலுக்கு முன்பாக அடுத்தாண்டு மார்ச்சில் அறிவிக்க வாய்ப்பிருப்பதாக தகவல்கள் வெளியாகியுள்ளன. அதன்படி, ₹1,000 ஆக இருக்கும் உரிமைத் தொகை ₹1,500 ஆக உயர்த்தப்படலாம் என கூறப்படுகிறது. தற்போது, 1.3 கோடி பேருக்கு மகளிர் உரிமைத் தொகை வழங்கப்பட்டு வருவது குறிப்பிடத்தக்கது.
News December 28, 2025
குளிர் காலத்தில் தயிர் சாப்பிடலாமா?
குளிர் காலத்தில் தயிர் சாப்பிடுவது நல்லதல்ல என்று பலர் நினைக்கிறார்கள். உண்மையில் அப்படியல்ல. தயிரை அப்படியே பிரிட்ஜில் இருந்து எடுத்து சாப்பிடாமல், வெளியே எடுத்து அரை மணி நேரம் கழித்து உட்கொள்வது நல்லது. மேலும், நமக்கு குளிர்காலத்தில் இயல்பாகவே வழக்கத்தை விட அதிகமாக பசி எடுக்கும். அப்போது கனமான உணவுகளுடன் தயிரை சேர்த்து சாப்பிடுவது எளிதில் ஜீரணிக்க உதவும். அஜீரணத்தையும் குறைக்கும்.