News June 1, 2024
ஜுன் 4இல் புதிய விடியல் பிறக்கும்: ராகுல் காந்தி
மக்களவை 7ஆவது கட்டத் தேர்தலையொட்டி, எக்ஸ் பக்கத்தில் ராகுல் பதிவிட்டுள்ளார். அதில், தேர்தலில் நிலவும் ட்ரெண்டுகள் அனைத்தும் INDIA கூட்டணி அரசமைக்கும் என்பதையே காட்டுகிறது. அதன்படி ஜுன் 4இல் அமையும் INDIA கூட்டணி அரசு நாட்டுக்கு புதிய விடியலை தரும் என்று தெரிவித்துள்ளார். வெயிலை பொருட்படுத்தாது, ஜனநாயகம், அரசியலமைப்பை காக்க மக்கள் வாக்களிக்க வேண்டுமெனவும் அவர் கேட்டு கொண்டுள்ளார்.
Similar News
News September 19, 2025
ரோபோ சங்கர் உடலுக்கு சினிமா பிரபலங்கள் அஞ்சலி
சென்னை வளசரவாக்கத்தில் உள்ள வீட்டில் வைக்கப்பட்டுள்ள நடிகர் ரோபோ சங்கர் உடலுக்கு சினிமா மற்றும் அரசியல் பிரபலங்கள் பலரும் நேரில் அஞ்சலி செலுத்தி வருகின்றனர். இயக்குநர் SA சந்திரசேகர், நடிகர்கள் சிவகார்த்திகேயன், MS பாஸ்கர், செந்தில், புகழ், நடிகைகள் நளினி, ஐஸ்வர்யா ராஜேஷ் உள்ளிட்ட பலரும் கண்ணீர் மல்க அஞ்சலி செலுத்தினர். இன்று மாலை 4 மணிக்கு வளசரவாக்கம் மின் மயானத்தில் உடல் தகனம் செய்யப்படவுள்ளது.
News September 19, 2025
திமுக கூட்டணியில் உருவான சலசலப்பு!
2026 தேர்தலில் கூடுதல் தொகுதிகளை கேட்டு வாங்குவதோடு, ஆட்சியிலும் பங்கெடுப்போம் என KS அழகிரி கூறிய கருத்து DMK கூட்டணிக்குள் சலசலப்பை ஏற்படுத்தியுள்ளது. திமுக தனித்து நின்றால் வெற்றி பெறாது என எதிரணியினர் கடுமையாக சாடி வருகின்றனர். முன்னதாக விசிக, கம்யூனிஸ்ட் கட்சிகளும் கூடுதல் தொகுதிகள் கேட்டு திமுக தலைமைக்கு அழுத்தம் கொடுத்து வருகின்றன. ஆனாலும், அறிவாலயம் அமைதி காத்து வருகிறது. உங்கள் கருத்து?
News September 19, 2025
MP-க்கள் நிதியை ₹10 கோடியாக உயர்த்துக: CM ஸ்டாலின்
சென்னை தலைமைச் செயலகத்தில் நடந்த ஆய்வுக்கூடத்தில் அரசு செயல்படுத்திய திட்டங்கள் குறித்து CM ஸ்டாலின் ஆலோசனை நடத்தினார். மகளிர் சுயஉதவி குழுக்களுக்கு இதுவரை ₹13,000 கோடி கடன் வழங்கப்பட்டுள்ளது எனவும், விவசாயிகளுக்கு நிதியுதவிகளை சேர்ப்பதில் இந்தியாவிலேயே தமிழகம் முதலிடத்தில் உள்ளது என்றும் தெரிவித்தார். மேலும், எம்.பி தொகுதி நிதியை ₹10 கோடியாக உயர்த்தவும் மத்திய அரசை வலியுறுத்தியுள்ளார்.