News August 25, 2025
சிங்கம் தூங்கக்கூடாது: விஜய்யை சாடிய சரத்குமார்
கள அரசியலில் ஈடுபடவில்லை என்ற குற்றச்சாட்டுக்கு, சிங்கம் வேட்டைக்கு மட்டுமே வெளியில் செல்லும் என்று விஜய் பதிலளித்திருந்தார். இந்நிலையில், இதுகுறித்து பேசிய சரத்குமார், இந்த சிங்கம் வேட்டைக்கு மட்டும்தான் போகுமாம், பின்பு படுத்து தூங்கி விடுமாம் என்று விமர்சித்துள்ளார். சிங்கம் சிங்கமாக இருக்க வேண்டும், தூங்கக்கூடாது என்றும் அவர் சாடியுள்ளார். விஜய்யின் அரசியல் பற்றி உங்கள் கருத்து என்ன?
Similar News
News August 25, 2025
RECIPE: உடல் எடையை ஈசியாக குறைக்கும் வரகரிசி இட்லி!
◆செரிமானத்தை மேம்படுத்தவும், உடல் எடையை குறைக்கவும் வரகரிசி பெருமளவில் உதவுகிறது.
➥வரகரிசியையும், உளுந்தையும் தனித்தனியாக 4 மணி நேரம் ஊறவைத்து அரைத்து பிறகு உப்பு சேர்த்து கொள்ளவும்
➥கண்டிப்பாக மாவை குறைந்தது 6 மணி நேரமாவது புளிக்க வைக்க வேண்டும்
➥புளித்த மாவில் இட்லி ஊற்றி சாப்பிடலாம். ரத்த சர்க்கரை அளவை கட்டுப்படுத்த உதவுவதால், இது நீரிழிவு நோயாளிகளுக்கு நல்லது.
News August 25, 2025
BREAKING: விடுமுறை அறிவித்தது தமிழக அரசு
தமிழ்நாட்டில் நேற்று பிறை தெரிந்ததால், வரும் செப்.5-ம் தேதி இஸ்லாமியர்களின் மிக முக்கியமான பண்டிகையான ‘மிலாடி நபி’ கொண்டாடப்படும் என்று தமிழ்நாடு அரசின் தலைமை காஜி சற்றுமுன் அறிவித்துள்ளார். இதனால், அன்று பள்ளி, கல்லூரிகள், அரசு அலுவலகங்களுக்கு அரசு பொதுவிடுமுறை அளிக்கப்படுகிறது. முகமது நபியின் பிறந்த நாளான (மிலாடி நபி) அன்று இஸ்லாமியர்கள், ஏழை மக்களுக்கு உணவு, உடைகளை தானமாக வழங்குவார்கள்.
News August 25, 2025
திமுகவில் இணைகிறேனா? செல்லூர் ராஜு ஓபன் டாக்
தென்மாவட்ட சுற்றுப்பயணத்தின்போது செல்லூர் ராஜுவை, EPS தனது காரில் ஏற்க மறுத்த வீடியோ வைரலாகி கட்சியில் குழப்பத்தை ஏற்படுத்தியது. இதனால் அவர் திமுகவில் இணையவுள்ளதாகவும் தகவல்கள் வெளியாகின. இந்நிலையில், இதற்கு விளக்கமளித்துள்ள செல்லூர் ராஜு, பாதுகாவலர்களின் கட்டுப்பாட்டின் படியே தான் EPS காரில் ஏறவில்லை என்றார். மேலும், திமுகவில் தான் இணையவுள்ளதாக வெளியான தகவலில் கடுகளவும் உண்மையில்லை என்றார்.