News October 19, 2025
பிரபலம் காலமானார்! கண்ணீர் அஞ்சலி
நோபல் பரிசு வென்ற உலக புகழ் பெற்ற இயற்பியலாளர் சென் நிங் யாங்(103) காலமானார். சீனாவை சேர்ந்த இவர், தனது Particle physics ஆய்வுக்காக 1957-ல் நோபல் பரிசை வென்றிருந்தார். 1964-ல் அமெரிக்க குடியுரிமை பெற்ற போதிலும், சீன கலாச்சாரத்தின் மீது கொண்ட பற்றால், 2015-ல் அதனை துறந்து மீண்டும் சீனாவுக்கு குடிபெயர்ந்தார். இவரது மரணம் இயற்பியல் துறைக்கு பெரிய இழப்பு என விஞ்ஞானிகள் இரங்கல் தெரிவித்து வருகின்றனர்.
Similar News
News March 23, 2026
கூட்டணி அதிமுக தலைமையில் இல்லை: கனிமொழி
தொகுதி பங்கீடுக்காக அதிமுக டெல்லியில் காத்து கிடப்பதன் மூலம் பாஜக தலைமையில்தான் கூட்டணி செயல்படுவது தெளிவாகி உள்ளதாக கனிமொழி விமர்சித்துள்ளார். அதிமுக தலைமையில் தான் NDA கூட்டணி என்று தெரிவித்தாலும், கூட்டணி பாஜக கட்டுப்பாட்டில் இருப்பதாக திமுகவினர் விமர்சித்து வருகின்றனர். இந்நிலையில், NDA கூட்டணி கட்சிகளின் தொகுதி பங்கீடுக்காக EPS, TTV உள்ளிட்டோர் டெல்லி சென்று அமித்ஷாவை சந்தித்து வந்துள்ளனர்.
News March 23, 2026
தமிழகத்தில் வெப்பம் அதிகரிக்கும்!
தமிழகத்தில் இன்று முதல் மார்ச் 26-ம் தேதி வரை அதிகபட்ச வெப்பநிலை வழக்கத்தை விட 5 டிகிரி ஃபாரன்ஹீட் வரை உயர வாய்ப்புள்ளதாக சென்னை வானிலை ஆய்வு மையம் தெரிவித்துள்ளது. இன்றும் நாளையும் கோவை மற்றும் நீலகிரி மாவட்டங்களில் ஓரிரு இடங்களில் லேசான மழை பெய்யக்கூடும் என்று தெரிவிக்கப்பட்டுள்ளது. தேனி, தென்காசி, தூத்துக்குடி, அரியலூர் உள்ளிட்ட சில பகுதிகளில் நேற்று லேசான மழை பதிவானது.
News March 23, 2026
மாணவர்கள் தற்கொலையை தடுக்க புதிய கொள்கை
மாணவர்களின் மனநலம் பாதுகாப்பு, தற்கொலை தடுப்புக்கு TN அரசு புதிய கொள்கையை வெளியிட்டுள்ளது. பள்ளி, கல்லூரிகளில் மனநல ஆலோசகர்கள், ஆலோசனை மையங்கள் மூலம் மாணவர்களின் தனித் திறனை ஊக்குவிப்பதுடன், நண்பர்கள் இடையே ஒருவருக்கு ஒருவர் உதவி செய்துகொள்ளும் நல் ஆதரவு நடவடிக்கைகளை தொடங்க வலியுறுத்தியுள்ளது. மனநல ஆலோசனைகளுக்கு 14416, 14417, 104, 1098, 181 எண்களில் தொடர்பு கொள்ளலாம்.