News November 20, 2024
சேலம் வழியாக செல்லும் சில ரயில்களில் மாற்றம்
பேசின் பிரிட்ஜ்- வியாசர்பாடி ரயில் நிலையங்களில் பராமரிப்பு காரணமாக, சேலம் வழியாக செல்லும் சில ரயில்கள் இன்று (நவ.20) மாற்றுப்பாதையில் இயக்கப்படும் என சேலம் ரயில்வே கோட்டம் அறிவித்துள்ளது. பாலக்காடு- சென்னை சென்ட்ரல் ரயில் (22652) சென்னை கடற்கரை வரையிலும், ஈரோடு- சென்னை சென்ட்ரல் ஏற்காடு எக்ஸ்பிரஸ் ரயில் (22650) பெரம்பூர் வரையிலும், ஆழப்புலா-சென்னை சென்ட்ரல் ரயில் (22640) ஆவடி வரை இயக்கப்படும்.
Similar News
News August 29, 2025
விறுவிறுப்பாக நடந்த நீச்சல் போட்டிகள்!
சேலம் அண்ணா பூங்கா அருகில் உள்ள மகாத்மா காந்தி விளையாட்டு மைதானத்தில் முதலமைச்சர் கோப்பைக்கான விளையாட்டு போட்டிகள் விறுவிறுப்பாக நடைபெற்று வருகின்றன. அந்த வகையில் முதன் முறையாக மகாத்மா காந்தி விளையாட்டு மைதானத்தில் நீச்சல் குளத்தில் இன்று (ஆக.29) பல்வேறு பிரிவுகளில் நீச்சல் போட்டிகள் விறுவிறுப்பாக நடைபெற்றன.
News August 29, 2025
சேலம் வந்த மின்னணு வாக்குப்பதிவு எந்திரங்கள்!
சென்னை தலைமை தேர்தல் அலுவலர் மற்றும் தலைமைச் செயலாளரின் உத்தரவின் படி, சேலம் மாவட்டத்திற்கு பெங்களூர் பெல் நிறுவனத்திலிருந்து 200 மின்னணு வாக்குப்பதிவு இயந்திரங்கள் மற்றும் 600 விவிபேட் இயந்திரங்கள் அனுப்பி வைக்கப்பட்டது. அவற்றை மாவட்ட ஆட்சித்தலைவரும் மாவட்ட தேர்தல் அலுவலருமான பிருந்தாதேவி அனைத்து கட்சியினர் முன்பு வாக்குப்பதிவு பாதுகாப்பு கட்டிடத்தில் பாதுகாப்பாக வைத்தார்.
News August 29, 2025
வளர்ச்சி, ஒருங்கிணைப்பு மற்றும் கண்காணிப்பு குழுக்கூட்டம்!
சேலம் மாவட்ட ஆட்சியர் அலுவலகத்தில் மாவட்ட வளர்ச்சி, ஒருங்கிணைப்பு மற்றும் கண்காணிப்பு குழுக்கூட்டம், குழுத்தலைவர் மற்றும் சேலம் எம்.பி டி.எம்.செல்வகணபதி தலைமையில், மாவட்ட ஆட்சித்தலைவர் டாக்டர் பிருந்தாதேவி முன்னிலையில் இன்று (ஆக-29) நடைபெற்றது. உடன் மாநிலங்களவை உறுப்பினர் எஸ்.ஆர்.சிவலிங்கம், சேலம் மாநகராட்சி மேயர் ராமச்சந்திரன், எம்.எல்.ஏ.க்கள் உள்ளிட்டோர் கலந்துகொண்டனர்.