News March 20, 2024
விருதுநகரில் விஜயபிரபாகரன் போட்டி
மக்களவைத் தேர்தல் ஏப்ரல் 19ஆம் தேதி நடைபெறவுள்ளது. இந்நிலையில் விருதுநகர், கள்ளக்குறிச்சி, கடலூர், மத்திய சென்னை, திருச்சி மக்களவை தொகுதிகளில் தேமுதிக போட்டியிட உள்ளதாக தகவல் வெளியாகியுள்ளது. இந்நிலையில், விருதுநகர் மக்களவை தொகுதியில் போட்டியிட விஜயபிரபாகரன் விருப்பம் தெரிவித்து விருப்ப மனு வழங்கியுள்ளார்.
Similar News
News November 30, 2025
விருதுநகர்: கை கழுவும் கேப்பில் கைதி தப்பி ஓட்டம்
வத்திராயிருப்பு கோட்டையூரை சேர்ந்தவர் செந்தமிழ் செல்வன். புகையிலைப் பொருட்கள் வைத்திருந்த காரணத்தினால் போலீசார் அவரை கைது செய்தனர். வத்திராயிருப்பு நீதிமன்றத்தில் ஆஜர் படுத்தி விட்டு மாலை விருதுநகர் சிறைக்கு, இரு போலீசார் அவரை அழைத்துச் சென்றனர். வழியில் அழகாபுரியில் ஒரு ஓட்டலில் சாப்பிட கை கழுவ செல்லும்போது செந்தமிழ்ச்செல்வன் தப்பி ஓடியதால் போலீஸ்காரர்கள் இருவரும் சஸ்பெண்ட் செய்யப்பட்டனர்.
News November 30, 2025
விருதுநகர்: சோதனையில் சிக்கிய உணவகம்
விருதுநகர் மாவட்டம் முழுவதும் உணவு பாதுகாப்பு துறையினர் அதிரடி சோதனை நடத்தினர். இதில் ஒரு உணவகத்தில் பழைய சிக்கன் – 5 கிலோ, மாவு – 37 கிலோ, சப்பாத்தி – 13 கிலோ பறிமுதல் செய்தனர். இது தவிர லேபிள் விபரங்கள் இல்லாத 3 கிலோ கிழங்கு மாவு, ஒரு கிலோ முந்திரி பருப்பு, 7 லிட்டர் வினிகர் ஆகியவற்றை பறிமுதல் செய்து உணவகத்தின் உரிமத்தை தற்காலிகமாக இடைநீக்கம் செய்தனர்.
News November 29, 2025
சிவகாசி: வருவாய் ஆய்வாளர் கைது
சிவகாசி அருகே நடையனேரியை சேர்ந்தவர் கோட்டைராஜ் (32). இவர் சிவகாசி தாலுகா அலுவலகத்தில் உள்ள வட்ட வழங்கல் பிரிவில் வருவாய் ஆய்வாளராக பணியாற்றி வந்தார். இவருக்கும் அதே பகுதியை சேர்ந்த மணிகண்டன் என்பவருக்கும் முன்விரோதம் இருந்துள்ளது. கடந்த மாதம் இரண்டு பேருக்கும் தகராறு ஏற்பட்டு ஒருவரை, ஒருவர் தாக்கி கொண்டனர். இதுகுறித்து வழக்கு பதிந்த போலீசார் சென்னையிலிருந்த கோட்டைராஜை கைது செய்தனர்.