News November 5, 2024
பைக் மீது அரசு பேருந்து மோதி ஒருவர் உயிரிழப்பு
செங்கல்பட்டைச் சேர்ந்த பிரதீப் (25) மற்றும் பிரகாஷ் (23) ஆகியோர் இன்று மாலை வேலையை முடித்துவிட்டு சென்னையில் இருந்து இருவரும் பைக்கில் வீட்டிற்கு சென்றனர். தாம்பரம் டி.பி மருத்துவமனை அருகே குரோம்பேட்டையில் இருந்து தாம்பரம் நோக்கி சென்ற அரசு பேருந்து, பைக் மீது மோதியதில் இருவரும் கீழே விழுந்தனர். இதில் பிரதீப் மீது பேருந்தின் பின் சக்கரம் ஏறியதில் அவர் தலை நசுங்கி உயிரிழந்தார்.
Similar News
News November 19, 2024
பினாங்கிற்கு சென்னையில் இருந்து விமான சேவை
பினாங்கிற்கு, சென்னையில் இருந்து நேரடி தினசரி விமான சேவை, வரும் டிசம்பர் மாதம் 21ஆம் தேதியில் இருந்து தொடங்குகிறது. தமிழர்கள் பெருமளவு வசிக்கும் பினாங்கிற்கு, விமான சேவை தொடங்க வேண்டும் என்று பல்வேறு தமிழ் அமைப்புகள் தொடர்ந்து வலியுறுத்தி வந்த நிலையில், இந்த விமான சேவை தொடங்கப்படுகிறது.
News November 19, 2024
16ஆவது மத்திய நிதிக்குழுவினை வரவேற்ற மாவட்ட ஆட்சியர்
திருப்போரூர் வட்டத்திற்கு உட்பட்ட வடநெம்மேலியில் உள்ள கடல்நீரை குடிநீராக்கும் திட்டப் பகுதியினை பார்வையிட வருகை புரிந்த 16ஆவது மத்திய நிதி குழுவினர் (நவ-19) செங்கல்பட்டு வந்தடைந்தனர். அவர்களை செங்கல்பட்டு மாவட்ட ஆட்சியர் அருண்ராஜ், பூங்கொத்து கொடுத்து வரவேற்றார். அப்போது அரசு அலுவலர்கள் உடன் இருந்தனர்.
News November 19, 2024
எக்ஸ்பிரஸ் ரயில்கள் தாம்பரத்தில் இருந்து இயக்கம்
சென்னை எழும்பூர் ரயில் நிலையத்தில் மேம்பாட்டு பணிகள் நடைபெற இருப்பதால், வரும் நவ.20ஆம் தேதி சென்னை எழும்பூர் – செங்கோட்டை எக்ஸ்பிரஸ் ரயில் (20681) இரவு 8.55 மணிக்கும், 21ஆம் தேதி சென்னை எழும்பூர் – நாகர்கோவில் எக்ஸ்பிரஸ் ரயில் (12667) இரவு 7.30 மணிக்கும், 23ஆம் தேதி சென்னை எழும்பூர் – ஜோத்பூர் எக்ஸ்பிரஸ் ரயில் (22663) பகல் 2.50 மணிக்கும் தாம்பரம் ரயில் நிலையத்தில் இருந்து இயக்கப்படும்.