News November 3, 2024
ரயில் கவிழ்க்க முயற்சி – 4 தனிப்படைகள் அமைப்பு
தென்காசி மாவட்டம் கடையநல்லூர் அருகே போகநல்லூரில் பொதிகை எக்ஸ்பிரஸ் ரயிலை கவிழ்ப்பதற்கு தண்டவாளத்தில் அடிக்கடி கற்கள் வைக்கும் சம்பவம் அரங்கேறி வந்தது. இந்த சம்பவத்தில் தொடர்புடைய மர்ம நபர்களை பிடிப்பதற்கு இன்று நான்கு தனிப்படைகள் அமைக்கப்பட்டன. தொடர்ந்து அவர்களை போலீசார் தீவிரமாக தேடி வருகின்றனர்.
Similar News
News November 20, 2024
தென்காசி: இரவு ரோந்து காவலர்கள் விவரம்
தென்காசி மாவட்ட எஸ்பி அலுவலகம் இன்று (நவ.19) இரவு ரோந்து பணியில் ஈடுபடும் காவல் அதிகாரிகளின் விபரங்களை வெளியிட்டுள்ளது. அதில் தென்காசி மாவட்ட பகுதிகளில் போலீசாரின் அவசர உதவிகள் தேவைப்படும் பொதுமக்கள், தங்கள் பகுதியை சேர்ந்த அதிகாரிகளை தொடர்பு கொண்டு, உரிய உதவிகளை பெற்றுக் கொள்ளலாம் அல்லது அவசர உதவி எண் 100 அழைக்கலாம் என தெரிவிக்கப்பட்டுள்ளது.
News November 19, 2024
தமிழ்நாடு ஹோட்டல் வைத்துள்ள விளம்பர பலகை – அதிர்ச்சி
தென்காசி மாவட்டம் குற்றாலத்தில் தமிழ்நாடு சுற்றுலா வளர்ச்சிக் கழகத்தின் சார்பில் ஹோட்டல் செயல்பட்டு வருகின்றது. இந்த உணவகத்தில் சபரிமலை செல்லும் ஐயப்ப பக்தர்களுக்கு 105 ரூபாயில் நல்லஉணவு வழங்கப்படுவதாக விளம்பரம் செய்யப்பட்டுள்ளது. அதே சமயம் அந்த விளம்பர போர்டுக்கு கீழே மதுபான விற்பனை கூடம் குறித்த விளம்பரம் இடம் பெற்றுள்ளது. இது ஆன்மீகவாதிகள் மத்தியில் அதிர்ச்சியை ஏற்படுத்தியுள்ளது.
News November 19, 2024
பொதிகை புத்தகத் திருவிழா – சிறப்பு விருந்தினர்கள்
தென்காசியில் நடைபெற்று வரும் மூன்றாவது பொதிகை புத்தகத் திருவிழாவிற்கு நவ.22 அன்று சிறப்பு விருந்தினர்களாக ஓய்வு பெற்ற ஐஏஎஸ் அதிகாரி வெ. இறையன்பு “புத்தகப் புழு” என்ற தலைப்பிலும், பட்டிமன்ற பேச்சாளர் பர்வீன் சுல்தானா “ஒளியுறும் அறிவு” தலைப்பிலும் சிறப்புரையாற்ற இருக்கிறார்கள். நாளை (நவ.20) “நவீன இலக்கிய வாசிப்பின் வசீகரங்கள்” என்ற தலைப்பில் எழுத்தாளர் பவா செல்லத்துரை சிறப்புரையாற்ற இருக்கிறார்.