News March 19, 2024
பாஜக எம்.பி., தேஜஸ்வி சூர்யா கைது
மதக்கலவரத்தை தூண்டியதாக பாஜக MP தேஜஸ்வி சூர்யாவை பெங்களூரு போலீசார் கைது செய்தனர். நாகர்ட்பேட் பகுதியில், இஸ்லாமியர்கள் நமாஸ் செய்தபோது, மொபைல் கடைக்காரர் முகேஷ் என்பவர் அனுமன் பாடலை இசைத்ததால் தகராறு ஏற்பட்டுள்ளது. இதனால் முகேஷ் தாக்கப்பட்ட நிலையில், அதனை கண்டித்து தேஜஸ்வி உள்ளிட்டோர் பேரணி சென்றனர். அப்போது தேர்தல் விதிகளை மீறி மத வெறுப்புப் பேச்சுகளை பேசியதாக போலீசார் அவரை கைது செய்தனர்.
Similar News
News December 28, 2025
விஜயகாந்த் நினைவிடத்தில் பாஜக தலைவர்கள் மரியாதை
கருப்பு MGR என அழைக்கப்படும் விஜயகாந்தின் 2-ம் ஆண்டு நினைவு நாள் இன்று. இந்நிலையில், கோயம்பேடு தேமுதிக தலைமை அலுவலகத்தில் உள்ள அவரது நினைவிடத்தில் மத்திய அமைச்சர் எல்.முருகன், நயினார் நாகேந்திரன், பொன்.ராதாகிருஷ்ணன், தமிழிசை சௌந்தரராஜன், நடிகை கஸ்தூரி உள்ளிட்டோர் அஞ்சலி செலுத்தியுள்ளனர். மேலும் பல அரசியல் கட்சி தலைவர்கள் மரியாதை செலுத்த உள்ளனர். அது முடிந்த பிறகு பேரணி நடைபெறவுள்ளது.
News December 28, 2025
BREAKING: பாரதிராஜா மருத்துவமனையில் அனுமதி
இயக்குநர் பாரதிராஜா சென்னையில் உள்ள பிரபல தனியார் ஹாஸ்பிடலில் அனுமதிக்கப்பட்டுள்ளார். மகன் மனோஜ் மறைவுக்கு பிறகு கடும் மன உளைச்சலில் இருந்த அவர், மலேசியாவில் உள்ள தனது மகள் வீட்டில் ஓய்வில் இருந்தார். அண்மையில் சென்னை திரும்பிய அவர் நீலாங்கரையில் உள்ள வீட்டில் இருந்தார். இந்நிலையில், வழக்கமான பரிசோதனைக்காக பாரதிராஜா ஹாஸ்பிடலில் அனுமதிக்கப்பட்டுள்ளதாக அவரது தரப்பில் தெரிவிக்கப்பட்டுள்ளது.
News December 28, 2025
திமுகவை சீட் கேட்டு நெருக்கும் மற்றொரு கட்சி
TN-ல் முஸ்லிம்கள் 7% உள்ளதால், திமுக கூட்டணியில் முஸ்லிம்களுக்கு 16 தொகுதிகளை ஒதுக்கவேண்டும் என IUML பொதுச்செயலாளர் முகம்மது அபூபக்கர் தெரிவித்துள்ளார். குறிப்பாக IUML-க்கு 5 தொகுதிகளை கொடுக்க வேண்டும் என்ற அவர், கடையநல்லூர் தொகுதியை மீண்டும் கேட்டுப்பெற உள்ளதாகவும் பேசியுள்ளார். ஆனால் திமுகவோ முஸ்லிம் கட்சிகளுக்கு மொத்தமாகவே 4 சீட்கள்தான் ஒதுக்கவேண்டும் என்ற முடிவில் இருப்பதாக கூறப்படுகிறது.