News October 31, 2024
கம்பத்தில் அலைமோதும் பயணிகள் கூட்டம்!
கம்பம் பேருந்து நிலையத்தில் வெளியூர் செல்லக்கூடிய தேனி, திண்டுக்கல், மதுரை, கோவை போன்ற இடங்களுக்கு செல்லக்கூடிய பேருந்துகள் பகல் 12.15 மணியிலிருந்து இல்லாத நிலையில் பயணிகள் மற்றும் வெளியூர் பயணிகள் குறிப்பிட்ட பகுதிக்கு செல்ல முடியாத நிலையில் மிகுந்த சிரமத்திற்கு ஆளானார்கள். பின் ஓரிரு பஸ் வர வர கூட்டம் அலைமோதியது. பண்டிகை கால நேரத்தில் கூடுதல் பஸ் இயக்கினால் என்ன? பயணிகள் கேட்க தொடங்கினர்.
Similar News
News November 20, 2024
மதுரை மாவட்டத்திற்கு இன்று தண்ணீர் திறப்பு – தகவல்
ஆண்டிபட்டி அருகே உள்ள வைகை அணையில் இருந்து கடந்த 9 நாட்களாக வைகை பூர்வீக பாசனப் பகுதிகளான ராமநாதபுரம் மாவட்டத்திற்கு தண்ணீர் திறந்து விடப்பட்டது. இந்த தண்ணீர் நேற்று நிறுத்தப்பட்டது. இன்று (நவ.20) பூர்வீக பாசன பகுதி – 2 மதுரை மாவட்டத்திற்கு தண்ணீர் காலை 11 மணி முதல் வினாடிக்கு 500 கன அடி தண்ணீர் ஆற்றில் திறந்து விடப்பட உள்ளது என்று பொதுப்பணித்துறை அதிகாரிகள் தெரிவித்துள்ளனர்.
News November 20, 2024
தேனி: இரவு நேர ரோந்து காவலர்கள் விவரம்
தேனி மாவட்டத்தில் இன்று (நவ.19) இரவு 10 மணி முதல் காலை 6 மணி வரை இரவு ரோந்து பணிக்கு நியமிக்கப்பட்ட காவல் அதிகாரிகள் மற்றும் தொடர்பு கொள்ள வேண்டிய உதவி எண்களை மாவட்ட காவல்துறை நிர்வாகம் தெரிவித்துள்ளது. தேவையுள்ளவர்கள் அந்த அந்த உட்கோட்ட காவல் அதிகாரிகளை தொடர்பு கொள்ளலாம் எனவும் தெரிவித்துள்ளது.
News November 19, 2024
மத்திய அரசுக்கு ஓபிஎஸ் கோரிக்கை
இந்திய ஆயுள் காப்பீட்டுக் கழகத்தின் இணையதள முகப்பில் இந்தி மொழி உள்ளதால் அதனை உடனடியாக ஆங்கில மொழிக்கு மாற்றவும், தமிழ் இணையதளத்தை உருவாக்கவும் மத்திய அரசு மற்றும் இந்திய ஆயுள் காப்பீட்டுக் கழகம் நடவடிக்கை எடுக்க வேண்டுமென தமிழ்நாடு முன்னாள் முதல்வரும் போடிநாயக்கனூர் சட்டமன்றத் தொகுதி உறுப்பினருமான O.பன்னீர் செல்வம் இன்று (நவ.19) கோரிக்கை விடுத்துள்ளார்.