News October 30, 2024
மாநகராட்சிக்கு ரூ.1 கோடியில் ஜேசிபி இயந்திரம்
தாம்பரம் மாநகராட்சிப் பகுதிகளில் தூய்மைப் பணியில் ஈடுபட, ரூ.1.17 கோடி மதிப்பீட்டில் ஸ்கிட் ஸ்டீர் லோடேர் (skid steer loaders) எனும் வாகனத்தை மாநகராட்சி அலுவலக வளாகத்தில் இன்று பயன்பாட்டிற்கு தொடங்கி வைக்கப்பட்டது. இந்நிகழ்வில், மாநகராட்சி ஆணையாளர் சீ.பாலச்சந்தர், துணை மேயர் கோ.காமராஜ் மண்டல குழு தலைவர்களான ஜோசப் அண்ணாதுரை, வே.கருணாநிதி, இந்திரன், காமராஜ், ஜெயா பிரதீப் சந்திரன் ஆகியோர் பங்கேற்றனர்.
Similar News
News November 20, 2024
சிட்கோ தொழிற்பேட்டையில் ஊழியர்கள் போராட்டம்
ஆலத்தூரில் சிட்கோ தொழிற்பேட்டையில் 30க்கும் மேற்பட்ட உயிர் காக்கும் மருந்துகள், மாத்திரைகள், ஊசிகள், குளுக்கோஸ் போன்றவை தயாரிக்கும் தொழிற்சாலைகள் உள்ளன. இங்கு பணிபுரியும் தொழிலாளர்கள் ஊதிய உயர்வு கேட்டு பலமுறை நிர்வாகத் திட்டம் கோரிக்கை வைத்தும் அவர்கள் ஏற்கவில்லை. இதனால், நேற்று காலை முதல் 40க்கும் மேற்பட்டோர் பணியை புறக்கணித்து தொழிற்சாலை வளாகத்தில் போராட்டத்தில் ஈடுபட்டனர்.
News November 20, 2024
கடலோர பாதுகாப்பு ஒத்திகை விழிப்புணர்வு பயிற்சி
கடலோர பாதுகாப்பு ஒத்திகை விழிப்புணர்வு பயிற்சி 20.11.2024 மற்றும் 21.11.2024 ஆகிய தேதிகளில் 2 நாட்கள் கல்பாக்கம் அணுமின் நிலையம் (IGCAR) வளாகத்தில் நடைபெற உள்ளது. எனவே, மேற்படி பகுதியில் வசித்துவரும் பொதுமக்கள் இது ஒத்திகை பயிற்சி என்பதால் இதுகுறித்து எவரும் பதற்றம் அடையவோ மற்றும் அச்சம் கொள்ளவோ வேண்டாம் என்று ஆட்சியர் அருண்ராஜ் கேட்டுக்கொண்டுள்ளார்.
News November 19, 2024
பினாங்கிற்கு சென்னையில் இருந்து விமான சேவை
பினாங்கிற்கு, சென்னையில் இருந்து நேரடி தினசரி விமான சேவை, வரும் டிசம்பர் மாதம் 21ஆம் தேதியில் இருந்து தொடங்குகிறது. தமிழர்கள் பெருமளவு வசிக்கும் பினாங்கிற்கு, விமான சேவை தொடங்க வேண்டும் என்று பல்வேறு தமிழ் அமைப்புகள் தொடர்ந்து வலியுறுத்தி வந்த நிலையில், இந்த விமான சேவை தொடங்கப்படுகிறது.