News October 28, 2024
ஊழல் தடுப்பு விழிப்புணர்வு வார உறுதிமொழி
காஞ்சிபுரம் மாவட்ட ஆட்சியர் அலுவலக வளாக மக்கள் நல்லுறவு மைய கூட்டரங்கில், ஊழல் தடுப்பு விழிப்புணர்வு வார உறுதிமொழி இன்று (அக்.28) எடுக்கப்பட்டது. மாவட்ட ஆட்சியர் கலைச்செல்வி மோகன் தலைமையில் அரசு அலுவலர்கள் அனைவரும் எடுத்துக்கொண்டனர். இதில், காஞ்சிபுரம் மாவட்ட ஊரக வளர்ச்சி முகமை திட்ட இயக்குநர் க.ஆர்த்தி, தனித்துணை ஆட்சியர் (சமூக பாதுகாப்பு திட்டம்) மா.சத்யா உள்ளிட்ட பலர் பங்கேற்றனர்.
Similar News
News November 20, 2024
வீட்டிலேயே பிரசவம் பார்த்த கணவன்: போலீஸ் விசாரணை
குன்றத்தூர், நந்தம்பாக்கத்தைச் சேர்ந்த மனோகரன், கடந்த 17ஆம் தேதி தன்னுடைய மனைவிக்கு வீட்டிலேயே பிரசவம் பார்த்துள்ளார். இந்த அனுபவத்தை தன்னுடைய வாட்ஸ் அப் குழுவில் பகிர்ந்துள்ளார். இதுகுறித்து, எழுச்சூர் வட்டார மருத்துவ அலுவலர் அப்துல் ஜலீல் குன்றத்தூர் காவல் நிலையத்தில் புகார் அளித்துள்ளார். வீட்டில் குழந்தை பெற்றவர்களின் அனுபவம் என்ற வாட்ஸ் ஆப் குழுவில் மொத்தம் 1024 பேர் உள்ளது குறிப்பிடத்தக்கது.
News November 20, 2024
கஞ்சா கடத்திய A+ ரவுடி கைது
கஞ்சா கடத்திய வழக்கில், A+ ரவுடி உட்பட 3 பேரை தனிப்படை போலீசார் கைது செய்தனர். செங்கழுநீரோடை பகுதியைச் சேர்ந்த வசா என்கிற வசந்த் A+ ரவுடி ஆவார். இவர் மீது 5 கொலை வழக்குகள் உட்பட 20 குற்ற வழக்குகள் நிலுவையில் உள்ளன. இவர் தனது கூட்டாளிகளுடன் சென்னையில் இருந்து கஞ்சாவை கடத்தி வந்தபோது காஞ்சிபுரம் தனிப்படை போலீசாரால் கைது செய்யப்பட்டு நீதிமன்றத்தில் ஆஜர்படுத்தி புழல் சிறையில் அடைத்தனர்.
News November 20, 2024
விவசாயிகளுக்கு குட்டை ரக தென்னங்கன்றுகள்
பிச்சவாக்கதில் தமிழ்நாடு அரசு தோட்டக்கலையின் கீழ் இயங்கி வரும் மாநில தென்னை கன்று பண்ணையில் குட்டை ரக தென்னங்கன்றுகள் ரூ.125 க்கு கிடைக்கும் என்றும், தேவைப்படும் விவசாயிகள் மற்றும் பொதுமக்கள் தோட்டக்கலை அதிகாரிகள் செல்வி நந்தினி 8940235542 மற்றும் உதவி தோட்டக்கலை அலுவலர் சுரேஷ் 9994611566 அவர்களை தொடர்பு கொண்டு பெற்றுக் கொள்ளலாம் என்று தோட்டக்கலை அதிகாரிகள் கூறுகின்றனர்.