News October 28, 2024
கோவையில் அலைமோதிய கூட்டம்
தீபாவளி பண்டிகை வரும், 31ம் தேதி கொண்டாடப்படுகிறது. இதை முன்னிட்டு, வடமாநிலத் தொழிலாளர்கள் பலரும், தங்களது சொந்த ஊர் செல்ல, நேற்று கோவை ரயில்வே ஸ்டேஷனுக்கு அதிகளவில் வந்தனர். மதியம், 12:30 மணிக்கு வந்த தன்பாத் எக்ஸ்பிரஸ் ரயிலில், முண்டியடித்துக் கொண்டு உடமைகளுடன் ஏறினர். இதனால் கோவை ரயில் நிலையங்களில் கூட்டம் அலைமோதியது. தொடர்ந்து வரும் நாட்களிலும் கூட்டம் இருக்கும் என எதிர்பார்க்கப்படுகிறது.
Similar News
News February 19, 2026
கோவையில் ரயில் மோதி ஒருவர் உயிரிழப்பு
கோவை – பீளமேடு ரயில்வே தண்டவாள பகுதியில் நேற்று சுமார் 35 வயது மதிக்கத்தக்க நபர் ரயில் மோதி உயிரிழந்தார். கருப்பு நிற பனியன் மற்றும் காவி நிற வேட்டி அணிந்திருந்த அவரிடம் அடையாள ஆவணங்கள் ஏதும் இல்லாததால், அவர் யார், எந்த ஊரை சேர்ந்தவர் என்பது தெரியவில்லை. இது குறித்து தகவலறிந்த ரயில்வே போலீசார், உடலை கைப்பற்றி பிரேத பரிசோதனைக்காக கோவை அரசு மருத்துவமனைக்கு அனுப்பி வைத்து விசாரணை நடத்தி வருகின்றனர்.
News February 19, 2026
“காந்திபுரம்” – மயில்சாமி அண்ணாதுரை நெகிழ்ச்சி!
கோவையில் செய்தியாளர்களை சந்தித்த இஸ்ரோ முன்னாள் விஞ்ஞானி மயில்சாமி அண்ணாதுரை, நான் இந்த காந்திபுரம் பேருந்து நிலையத்தில் இருந்து தான் பெங்களூர் சென்றேன். தற்போது இதே காந்திபுரம் பேருந்து நிலையத்தில் சந்திரயான் மாதிரியை திறந்து வைத்துள்ளேன். பெருமையாக உள்ளது. கோவையில் இருந்தும் சந்திரயானுக்கு உபகரணங்கள் எடுத்துச் செல்லப்பட்டது எனக்கு தெரியும். அறிவியலில் கோவை மாவட்டம் நல்லிடத்தில் உள்ளது” என்றார்.
News February 19, 2026
கோவை: எஸ்பிஐ வங்கியில் 2,050 பணியிடங்கள்!
கோவை மக்களே SBI வங்கியில் 2,050 வட்டார அளவிலான அதிகாரிகள் (CBO) பணியிடங்களுக்கான அறிவிப்பை வெளியிட்டுள்ளது. இதற்கு ஏதேனும் ஒரு டிகிரி முடித்தவர்கள் விண்ணப்பிக்கலாம்.தேர்வு செய்யப்படுபவர்களுக்கு ஊதியமாக ரூ.48,480/- வழங்கப்படும். தகுதியுள்ள விண்ணப்பதாரர்கள் வரும் பிப்ரவரி 25-ஆம் தேதிக்குள் https://sbi.co.in/ என்ற இணையதளத்தில் ஆன்லைன் மூலம் விண்ணப்பிக்க வேண்டும். அருமையான வாய்ப்பு ஷேர் பண்ணுங்க