News March 19, 2024
அதிமுக கூட்டணிக்கு ஆதரவு
மக்களவைத் தேர்தலில் அதிமுகவுக்கு ஆதரவு அளிப்பதாக மூவேந்தர் புலிப்படை அமைப்பு, மாவீரன் சுந்தரலிங்கனார் மக்கள் இயக்கம் நேற்று இரவு அறிவித்துள்ளன. இபிஎஸ்ஸை நேரில் சந்தித்து இரு அமைப்பின் தலைவர்களும் ஆதரவு கடிதத்தை அளித்தனர். தற்போது அதிமுக கூட்டணியில் புதிய தமிழகம், புரட்சி பாரதம், SDPI, அகில இந்திய ஃபார்வாட் பிளாக் உள்ளிட்ட கட்சிகள் இடம்பெற்றுள்ளன. தேமுதிகவும் இக்கூட்டணியில் இணைய வாய்ப்புள்ளது.
Similar News
News October 21, 2025
BREAKING: தங்கம் விலை சவரனுக்கு ₹2,080 உயர்ந்தது
ஆபரணத் தங்கத்தின் விலை இன்று(அக்.21) ஒரே நாளில் சவரனுக்கு ₹2,080 அதிகரித்துள்ளது. இதனால், 22 கேரட் தங்கம் 1 கிராமுக்கு ₹260 உயர்ந்து ₹12,180-க்கும், சவரன் ₹97,440-க்கும் விற்பனையாகிறது. கடந்த சில நாள்களில் சவரனுக்கு ₹2,240 குறைந்திருந்த நிலையில், <<18060775>>சர்வதேச சந்தையில்<<>> தங்கம் ஜெட் வேகத்தில் அதிகரித்து வருவதால், இந்தியாவிலும் அதன் தாக்கம் மீண்டும் எதிரொலித்துள்ளது.
News October 21, 2025
மீனவர்கள் கடலுக்கு செல்ல வேண்டாம் என எச்சரிக்கை
தென்மேற்கு வங்கக்கடலில் குறைந்த காற்றழுத்த தாழ்வுப் பகுதி உருவாகியுள்ளது. இந்நிலையில், குமரி, நாகை, ராமநாதபுரம், கடலூர் மாவட்ட மீனவர்கள், கடலுக்கு மீன் பிடிக்கச் செல்ல வேண்டாமென்று அறிவுறுத்தப்பட்டுள்ளது. மேலும், மீன் பிடிக்க சென்றவர்களும் விரைவில் கரை திரும்ப வேண்டும் என்றும் வலியுறுத்தப்பட்டுள்ளது. இதுதொடர்பாக மீன்வளத் துறையினர், போலீஸார் ஒலிபெருக்கி மூலம் அறிவிப்பும் செய்கின்றனர்.
News October 21, 2025
மூலிகை: முடவாட்டுக்கால் கிழங்கின் மருத்துவ குணங்கள்!
சித்த மருத்துவர்களின் அறிவுரையின்படி, முடவாட்டுக்கால் கிழங்கு மூட்டு வலி, முடக்குவாதம், எலும்பு அடர்த்தி குறைபாடு உள்ளவர்களுக்கு சிறந்த மருந்தாகும் *வயிற்று உப்புசம் & மலச்சிக்கலையும் குறைக்கிறது *இது பாறைகளில் இருந்து இரும்பு, கால்சியம், தாமிரம், தங்கம் மற்றும் சிலிக்கா போன்ற கனிமச்சத்துக்களை உறிஞ்சி வளருவதால், ஊட்டச்சத்து நிறைந்ததாக கூறப்படுகிறது. இப்பயனுள்ள தகவலை அனைவருக்கும் பகிரவும்.