News October 24, 2024
சொத்துன்னு வந்துட்டா சொந்தம் என்ன பந்தம் என்ன..!
குடும்ப சொத்தை பிரிப்பதில் ஜெகன் மோகன் ரெட்டிக்கும் அவரது சகோதரி ஷர்மிளாவுக்கும் இடையே மோதல் வெடித்துள்ளது. சரஸ்வதி பவர் நிறுவனத்தில் இருந்த தனக்கு சொந்தமான பங்குகளை ஷர்மிளா சட்டவிரோதமாக அவரது பெயருக்கு மாற்றியதாக ஜெகன், தேசிய நிறுவன சட்ட தீர்ப்பாயத்தில் மனுதாக்கல் செய்துள்ளார். அண்ணன் -தங்கை உறவு சிதைந்து விட்டதாகவும், இனி அவருடன் எந்த தொடர்பும் இல்லை எனவும் ஜெகன் மனுவில் குறிப்பிட்டுள்ளார்.
Similar News
News October 25, 2025
FLASH: அதிமுக MP தம்பிதுரை ஹாஸ்பிடலில் அனுமதி
அதிமுக மூத்த தலைவரும், ராஜ்யசபா எம்பியுமான தம்பிதுரை(78) உடல் நலக்குறைவால் சென்னை அப்போலோ ஹாஸ்பிடலில் அனுமதிக்கப்பட்டுள்ளார். இன்று காலை திடீரென அவரது உடல்நிலை பாதிக்கப்பட்ட நிலையில், குடும்பத்தினர் ஹாஸ்பிடலில் சேர்த்துள்ளனர். டாக்டர்கள் அவருக்கு தொடர் சிகிச்சை அளித்து வரும் நிலையில், சிகிச்சைகள் தொடர்பாக விரைவில் மருத்துவ அறிக்கை வெளியாகும் என எதிர்பார்க்கப்படுகிறது.
News October 25, 2025
தேவர் ஜெயந்தி விழாவில் துணை ஜனாதிபதி?
அக்.30-ல் தேவர் ஜெயந்தி விழா நடைபெறவுள்ளது. இதில் துணை ஜனாதிபதி CP ராதாகிருஷ்ணன் கலந்துகொள்ளவுள்ளதாக தகவல் வெளியாகியுள்ளது. அக்.28-ல் தமிழகம் வரும் அவர், கோவையில் சில நிகழ்ச்சிகளில் பங்கேற்கிறார். அக்.29-ல் மதுரை மீனாட்சி அம்மனை தரிசிக்கும் அவர், 30-ம் தேதி மதுரையிலிருந்து ஹெலிகாப்டர் மூலமாக பசும்பொன் செல்லவுள்ளதாக தகவல்கள் தெரிவிக்கின்றன. இதனால் அங்கு பாதுகாப்பு பலப்படுத்தப்பட்டுள்ளது.
News October 25, 2025
காற்றழுத்த தாழ்வு மண்டலமாக வலுப்பெற்றது: IMD
தென்கிழக்கு வங்கக்கடலில் நிலவும் காற்றழுத்த தாழ்வு பகுதி, காற்றழுத்த தாழ்வு மண்டலமாக வலுப்பெற்றுள்ளது. இது நாளைக்குள் ஆழ்ந்த காற்றழுத்த தாழ்வு மண்டலமாக தீவிரமடையும் என்றும், நாளை மறுநாள் புயலாக மாறும் என்றும் IMD அறிவித்துள்ளது. இந்நிலையில், சென்னை, திருவள்ளூர், காஞ்சிபுரம், செங்கல்பட்டு, தூத்துக்குடி, நெல்லை, குமரி, தென்காசி ஆகிய 8 மாவட்டங்களுக்கு கனமழை எச்சரிக்கை விடுக்கப்பட்டுள்ளது.