News October 19, 2024
கல்வி உதவித்தொகை பெற விண்ணப்பிக்கலாம்
இளம் சாதனையாளர்களுக்கான பிரதம மந்திரியின் கல்வி உதவித்தொகை திட்டத்தின் கீழ் கல்வி உதவித்தொகை பெற தேசிய கல்வி உதவித்தொகை இணையதளத்தில் (National Scholarship Portal) வரும் அக்.31க்குள் விண்ணப்பிக்கலாம் என மதுரை ஆட்சியர் சங்கீதா தெரிவித்துள்ளார். இத்திட்டத்தின் கீழ் நடப்பாண்டில் புதியதாக விண்ணப்பிக்க விரும்பும் 9 மற்றும் 11ம் வகுப்புகளில் பெற்ற மதிப்பெண்களின் அடிப்படையிலேயே தேர்வு செய்யப்படுவர்.
Similar News
News November 20, 2024
மதுரையில் 2018-24 வரை 542 விபத்துக்கள்
சமயநல்லூர் பகுதியில் அடிக்கடி விபத்துக்கள் நடப்பதை தடுக்க கோரி தொடரப்பட்ட வழக்கில் மதுரை, திண்டுக்கல், சமயநல்லுார் சாலையில் கடந்த 2018 முதல் 2024 தற்போது வரை மொத்தம் 542 விபத்துக்கள் நடைபெற்றதாகவும் அதில் 137 பேர் இறந்துள்ளதாகவும் 405 பேர் காயமடைந்ததாக காவல் துறை சார்பில் உயர் நீதிமன்ற மதுரைக் கிளையில் இன்று (நவ.20) அறிக்கை தாக்கல் செய்யப்பட்டது.
News November 20, 2024
மதுரையில் 2 டன் ரேஷன் அரிசி பறிமுதல்
மதுரையிலிருந்து கேரளாவிற்கு ரேஷன் அரிசி கடத்தப்படுவதாக குடிமை பொருள் வழங்கல் குற்றப்பிரிவு போலீசாருக்கு கிடைத்த தகவலின் பேரில் நேற்று முன்தினம் காலை போலீசார் வாகன சோதனையில் ஈடுபட்டனர். அப்போது, பார்சல் சர்வீஸ் லாரி ஒன்று வேகமாக சென்றது. போலீசார் அந்த லாரியை மடக்கி பிடித்து சோதனை செய்ததில் 2 டன் ரேஷன் அரிசி பறிமுதல் செய்யப்பட்டது. வாடிப்பட்டியைச் சேர்ந்த டிரைவர் மகேந்திரனை போலீசார் கைது செய்தனர்.
News November 20, 2024
உசிலம்பட்டி நகராட்சியில் 1200 கிலோ நெகிழி பறிமுதல்
உசிலம்பட்டி நகராட்சிக்குட்பட்ட பகுதிகளில் உள்ள கடைகள், வணிக வளாகங்களில் நெகிழி பயன்பாட்டை தடுக்கும் நோக்கில் கடந்த ஒரு வார காலமாக உசிலம்பட்டி நகராட்சி சுகாதார ஆய்வாளர் சிவக்குமார் தலைமையிலான குழுவினர் அதிரடி சோதனையில் ஈடுபட்டு வருகின்றனர். இந்த சோதனையில் இன்று (நவ.20) வரை சுமார் 1 லட்சம் வரை அபராதமும், 1200 கிலோ நெகிழி பைகள் மற்றும் பொருட்கள் பறிமுதல் செய்து நடவடிக்கை எடுக்கப்பட்டுள்ளதாக தகவல்.