News March 17, 2024
இயக்குநர்கள் சங்கத்துக்கு புதிய தலைவர் தேர்வு
தமிழ்நாடு திரைப்பட இயக்குநர்கள் சங்க புதியத் தலைவராக ஆர்.வி. உதயகுமார் தேர்வு செய்யப்பட்டுள்ளார். 2024-26ஆம் ஆண்டுக்கான தலைவர், துணைத் தலைவர் உள்ளிட்ட 27 பதவிகளுக்கு சென்னை வடபழனியில் தேர்தல் நடைபெற்றது. தற்போதைய தலைவரான ஆர்.கே. செல்வமணி மீண்டும் போட்டியிடவில்லை. இதனால் தலைவராக ஆர்.வி. உதயகுமார், துணைத் தலைவர்களாக அரவிந்த்ராஜ், கே.எஸ். ரவிக்குமார் போட்டியின்றி தேர்வாகினர்.
Similar News
News November 20, 2024
13 மாவட்டங்களுக்கு கனமழை ALERT
டெல்டா மற்றும் தென் மாவட்டங்களில் காலையில் இருந்து மழை வெளுத்து வாங்கி வருவதால், அடுத்த 2 மணி நேரத்திற்கு 13 மாவட்டங்களில் மழை எச்சரிக்கை விடுக்கப்பட்டுள்ளது. நாகை, தஞ்சை, திருவாரூர், நெல்லை, தூத்துக்குடி ஆகிய மாவட்டங்களில் மிக கனமழையும், மயிலாடுதுறை, புதுக்கோட்டை, ராமநாதபுரம், சிவகங்கை, விருதுநகர், மதுரை, தென்காசி, குமரி ஆகிய மாவட்டங்களில் கனமழையும் பெய்யக்கூடும் என வானிலை மையம் கணித்துள்ளது.
News November 20, 2024
சக்திகாந்த தாஸ் பதவிக்காலம் நீட்டிப்பு?
RBI கவர்னர் சக்திகாந்த தாஸின் பதவிக்காலத்தை 2ஆவது முறையாக நீட்டிக்க மத்திய அரசு திட்டமிட்டுள்ளது. 25ஆவது கவர்னராக 2018ஆம் ஆண்டு அவர் நியமிக்கப்பட்டார். 3 ஆண்டுகளில் பதவிக்காலம் நிறைவடைந்தாலும், கொரோனா பரவல் உச்சத்தில் இருந்ததால் அவரது பதவிக்காலம் நீட்டிக்கப்பட்டது. நீட்டிக்கப்பட்ட பதவிக்காலம் அடுத்த மாதம் நிறைவடைகிறது. இந்நிலையில், அவரது பதவிக்காலம் மீண்டும் நீட்டிக்கப்படும் எனக் கூறப்படுகிறது.
News November 20, 2024
‘பலவீனமான அத்தியாயம்’: AR ரஹ்மான் உருக்கம்
ஏ.ஆர். ரஹ்மான் தனது எக்ஸ் பக்கத்தில் உருக்கமான பதிவு ஒன்றை வெளியிட்டுள்ளார். 30-வது ஆண்டில் அடியெடுத்து வைக்க இருந்தோம். ஆனால், எதிர்பார்க்காத முடிவு வந்துள்ளது. உடைந்த இதயங்களின் எடையால், இறைவனின் அரியணையே நடுநடுங்கிவிடும். சிதறிய துண்டுகள் சேராது என்ற போதிலும், அர்த்தம் காண விழைகிறோம். பலவீனமான அத்தியாயத்தில் நடைபோடும் எங்களின் தனியுரிமைக்கு மதிப்பளிப்பவர்களுக்கு நன்றி” எனத் தெரிவித்துள்ளார்.