News March 16, 2024
திருமண மண்டபம் உரிமையாளர்களுக்கு எச்சரிக்கை
பாராளுமன்ற தேர்தல் நடைபெற உள்ளதையொட்டி ராமநாதபுரம் மாவட்டத்தில் திருமண மண்டப உரிமையாளர்கள் தேர்தல் மாதிரி நடத்தை விதிகளை முழுமையாக கடைபிடிக்க வேண்டும். மண்டபங்களை வாடகைக்கு விடும்போது எச்சரிக்கையாக இருக்க வேண்டும். அரசியல் கட்சிகளின் பிரச்சாரம், கூட்டங்கள் நடத்துவதற்கு அனுமதிக்க கூடாது. அரசியல் கட்சிகள் தங்குவதற்கும் அனுமதிக்க கூடாது என மாவட்ட கலெக்டர் விஷ்ணு சந்திர எச்சரித்துள்ளார்.
Similar News
News October 23, 2025
ராமநாதபுரத்தில் ரூ.2.68 கோடி கல்விக்கடன் உதவி
ராமநாதபுரத்தில் மாவட்ட அளவிலான கல்விக்கடன் வழங்கும் விழா முன்னோடி வங்கி சார்பில் நேறறு (அக் 22) நடந்தது. இதில் 218 மாணவ, மாணவியருக்கு ரூ.2.68 கோடிக்கான கல்விக்கடன் உதவி காசோலைகளை கலெக்டர் சிம்ரன் ஜீத் சிங் காலோன் வழங்கினார். சமூக பாதுகாப்பு திட்ட தனித் துணை ஆட்சியர் கிருஷ்ணகுமாரி, முன்னோடி வங்கி மேலாளர் கார்த்திக்கேயன், உதவி மேலாளர் அசோக் உட்பட பலர் கலந்து கொண்டனர்.
News October 23, 2025
ராமேஸ்வரம்: அக்.25 ல் நலம் காக்கும் ஸ்டாலின் முகாம்
மருத்துவம், மக்கள் நல்வாழ்வுத்துறை, பொது சுகாதாரம், நோய் தடுப்பு மருந்து துறை சார்பில் நலம் காக்கும் ஸ்டாலின் சிறப்பு மருத்துவ முகாம் ராமேஸ்வரம் விவேகானந்தா மெட்ரிக். பள்ளியில் அக்.25 காலை 8 மணி முதல் மாலை 5 மணி வரை நடைபெற உள்ளது. இதில் இருதயம், மகப்பேறு, மகளிர், நுரையீரல், நரம்பியல், குழந்தைகள் நலம், நீரிழிவு உள்பட பல்வேறு நோய் பாதித்தோருக்கு சிகிச்சை அளிக்கப்பட உள்ளது.
News October 22, 2025
மண்டபம் தென் கடலில் நாளை மீன்பிடிக்க தடை
இந்திய வானிலை மையம் எச்சரிக்கை படி மன்னார் வளைகுடா, அதனை ஒட்டிய பகுதிகளில் வளி மண்டல சுழற்சி உருவாகியுள்ளதால் மண்டபம் தென் கடல் விசைப்படகுகளுக்கு மீன்பிடி அனுமதிச்சீட்டு நாளை (அக்.23) வழங்கப்பட மாட்டாது. மறு உத்தரவு வரும் வரை நாட்டுப்படகு மீனவர்களும் கடலுக்கு செல்ல வேண்டாம் என அறிவுறுத்தப்படுகிறது என மண்டபம் மீன்வளம், மீனவர் நலத்துறை உதவி இயக்குனர் சிவக்குமார் தெரிவித்துள்ளார்.