News September 28, 2024
‘தேவரா – 1’ ₹172 கோடி பாக்ஸ் ஆஃபிஸ் கலெக்ஷன்
‘தேவரா – 1’ திரைப்படம் உலகம் முழுவதும் ₹172 கோடி வசூல் செய்துள்ளதாக படக்குழு அறிவித்துள்ளது. கொரட்டலா சிவா இயக்கத்தில், ஜூனியர் என்டிஆர் நடிப்பில் உருவான இப்படம், தெலுங்கு, தமிழ், ஹிந்தி, மலையாளம், கன்னடம் ஆகிய மொழிகளில் வெளியானது. இப்படத்தில் ஜூனியர் என்டிஆருக்கு ஜோடியாக ஜான்வி கபூர் நடித்திருந்தார். எதிர்பார்ப்புகளுடன் வெளியான இப்படத்திற்கு பெரும் வரவேற்பு கிடைத்துள்ளது.
Similar News
News January 2, 2026
திருவாரூர் மாவட்ட அட்சியர் முக்கிய அறிவிப்பு
திருவாரூர் மாவட்டத்தில் அனைத்து வாக்குச்சாவடி மையங்களிலும் வருகிற 4 மற்றும் 5-ம் தேதிகளில் வாக்காளர் பெயர் சேர்த்தல், நீக்குதல் தொடர்பான முகாம் நடைபெற உள்ளது. இதில் 18 வயதுடையோர் பெயர் சேர்க்க படிவம் 6; பெயரை நீக்கம் செய்ய படிவம் 7; திருத்தம் செய்ய படிவம் 8 ஆகிய படிவங்களை பெற்று பூர்த்தி செய்து வாக்குச்சாவடி நிலைய அலுவலரிடம் அளித்து பயன்பெறுமாறு ஆட்சியர் மோகனச்சந்திரன் அறிவித்துள்ளார்.
News January 2, 2026
தமிழகமே எதிர்பார்க்கும் அறிவிப்பு வெளியாகிறது
அரசு ஊழியர்கள், ஆசிரியர்களின் பல ஆண்டுகால போராட்டத்திற்கு நாளை விடிவுகாலம் பிறக்க இருப்பதாக கூறப்படுகிறது. பழைய ஓய்வூதிய திட்டத்தை (OPS) அமல்படுத்த கோரி ஜாக்டோ-ஜியோ அமைப்பினர் ஜன.6 முதல் ஸ்டிரைக்கில் ஈடுபடுவதாக அறிவித்த நிலையில், அவர்களுடன் அமைச்சர்கள் இன்று பேச்சுவார்த்தை நடத்தினர். அதில், தமிழகமே வியக்கும் வகையில், நாளை OPS குறித்த அறிவிப்பை CM ஸ்டாலின் வெளியிடுவார் என உறுதியளிக்கப்பட்டுள்ளது.
News January 2, 2026
வைகோ நடைபயணத்தை தொடங்கி வைத்தார் ஸ்டாலின்
திருச்சியில் வைகோவின் சமத்துவ நடைபயணத்தை முதல்வர் ஸ்டாலின் தொடங்கி வைத்தார். அப்போது அவர் பேசுகையில், 2026-ம் ஆண்டில் தான் பங்கேற்கும் முதல் நிகழ்ச்சி இதுதான் என்பது மிகவும் மகிழ்ச்சி என்றார். அரசியல் தலைவர்கள் மக்களிடம் சென்று தங்களது கருத்துகளை கூற, நடைபயணம் உதவும் என்றும், நடைபயணத்தின் நியாயம் குறித்து மக்கள் அப்போதுதான் பேசுவார்கள் எனவும் தெரிவித்தார்.