News September 28, 2024
கார் பந்தய அணியை தொடங்கிய அஜித்
‘அஜித் கார் ரேஸிங்’ என்ற கார் பந்தய அணியை நடிகர் அஜித்குமார் தொடங்கியுள்ளார். இந்த அணியின் ரேஸிங் ஓட்டுநராக பெல்ஜியமைச் சேர்ந்த ஃபேபியன் டஃபியூ என்பவர் செயல்படுவார் என்றும் ஐரோப்பாவில் நடக்கும் 24H பந்தயத்தில் போர்ஷே 992 GD3 CUP பிரிவில் இவ்வணி பங்கேற்கும் எனவும் அஜித்தின் மேலாளர் கூறியுள்ளார். இந்த தகவலை அறிந்து அஜித் ரசிகர்களும், குறிப்பாக கார் ரேஸிங் ரசிகர்களும் உற்சாகம் அடைந்துள்ளனர்.
Similar News
News November 13, 2025
தங்கம் விலை ஒரேநாளில் தடாலடியாக மாறியது
ஆபரணத் தங்கத்தின் விலை இன்று மட்டும் ₹2,400 அதிகரித்து அதிர்ச்சியை கொடுத்துள்ளது. அதாவது, காலையில் சவரனுக்கு ₹1,600 அதிகரித்த நிலையில், மதியம் மேலும் ₹800 உயர்ந்துள்ளது. சென்னையில் தற்போது 22 கேரட் தங்கம் 1 கிராம் ₹11,900-க்கும், 1 சவரன் ₹95,200-க்கும் விற்பனை செய்யப்பட்டு வருகிறது. கடந்த சில தினங்களாக தங்கத்தின் விலை தொடர்ந்து உயர்ந்து கொண்டே செல்வது குறிப்பிடத்தக்கது.
News November 13, 2025
ரஜினி, கமல் படத்தில் இருந்து சுந்தர் சி விலகினார்
ரஜினி நடிப்பில் கமல் தயாரிக்க இருந்த படத்தில் இருந்து விலகுவதாக சுந்தர் சி அதிகாரப்பூர்வமாக அறிவித்துள்ளார். தவிர்க்க இயலாத காரணத்தால் படத்தில் இருந்து வெளியேறுவதாக தனது அறிக்கையில் அவர் குறிப்பிட்டுள்ளார். இருவர் மீதும் தனக்கு அளவில்லாத மரியாதை இருப்பதாகவும், ஆனால் இணைந்து பணியாற்றக் கூடிய சூழல் இப்போது இல்லை எனவும் கூறியுள்ளார். நல்ல படங்கள் மூலம் தொடர்ந்து மகிழ்விப்பேன் என்றும் தெரிவித்தார்.
News November 13, 2025
அதிமுகவில் இணையவில்லை… அதிகாரப்பூர்வமாக அறிவிப்பு
OPS ஆதரவாளரான வைத்திலிங்கம், அதிமுகவில் இணையவுள்ளதாக காட்டுத்தீ போல் தகவல் பரவி வருகிறது. இதனை வைத்திலிங்கம் மறுத்துள்ளார். தான் அதிமுகவில் சேரவிருப்பதாக வெளியான செய்தி பொய்யானது என வைத்திலிங்கம் விளக்கம் அளித்துள்ளார். அண்மையில், OPS ஆதரவாளர் மனோஜ் பாண்டியன் திமுகவில் இணைந்ததை அடுத்து, வைத்திலிங்கமும் OPS அணியில் இருந்து வெளியேறுவார் என தகவல் பரவியது குறிப்பிடத்தக்கது.