News September 17, 2024

ஜெயக்குமார் தனசிங் வழக்கில் 3 பெண்களிடம் விசாரணை

நெல்லை கிழக்கு மாவட்ட காங்கிரஸ் தலைவர் ஜெயக்குமார் தனசிங்(60) கடந்த மே மாதம் 4ம் தேதி வீட்டு தோட்டத்தில் பாதி உடல் எரிந்த நிலையில், இறந்து கிடந்தார். அவர் இறப்புக்கான காரணம் குறித்து சிபிசிஐடி போலீஸ் தொடர்ந்து விசாரணை நடத்தி வருகின்றனர். இந்நிலையில், நேற்று 3 பெண்களிடம் சிபிசிஐடி போலீசார் விசாரணை நடத்தினர். மேலும், இவ்வழக்கில் இதுவரை 140 பேர் வாக்குமூலம் அளித்துள்ளனர் என்பது குறிப்பிடத்தக்கது.