News August 25, 2024
சாதிவாரி கணக்கெடுப்பிற்கு ஆதரவு ஏன்? சிராக் பதில்
சாதிவாரி கணக்கெடுப்பை இந்தியாவில் அவசியம் நடத்த வேண்டும் என மத்திய அமைச்சர் சிராக் பாஸ்வான் வலியுறுத்தியுள்ளார். மத்திய, மாநில அரசுகள் சாதியை மனதில் வைத்து திட்டங்கள் கொண்டு வரும் போதும், அதற்கான புள்ளி விவரங்கள் அரசிடம் இருக்க வேண்டியது அவசியம் என்றார். அரசின் திட்டங்கள் அனைத்து தரப்பு மக்களிடமும் கொண்டு செல்வதற்கு, சாதிவாரி கணக்கெடுப்பு மையமாக இருக்கும் எனவும் தெரிவித்தார்.
Similar News
News September 1, 2025
இந்திய பேட்டிங்கின் அச்சாரம் புஜாரா: மோடி புகழாரம்
அனைத்து வகையான கிரிக்கெட்டில் இருந்தும் ஓய்வு பெறுவதாக புஜாரா அறிவித்தார். இந்நிலையில், இந்திய பேட்டிங் வரிசையின் அச்சாரமாக புஜாரா திகழ்ந்ததாக PM மோடி பாராட்டியுள்ளார். இதுதொடர்பாக அவர் எழுதிய கடிதத்தில், ஆஸி., மண்ணில் இந்தியாவின் வரலாற்று சிறப்புமிக்க வெற்றியை பதிவு செய்ததை யாரும் மறந்திட மாட்டார்கள் என்றும் குறிப்பிட்டுள்ளார். இந்த பாராட்டு கடிதத்தால் தான் பெருமைப்படுவதாக புஜாரா கூறியுள்ளார்.
News September 1, 2025
3 குழந்தைகள்.. வினோத காரணம் கூறும் ஜான்வி கபூர்
தனக்கு 3 குழந்தைகளை பெற்றுக்கொள்ள ஆசை என்று ஜான்வி கபூர் கூறியுள்ளார். 2 குழந்தைகள் இருந்தால் சண்டையிடுவார்கள், 3-வதாக ஒரு குழந்தை இருந்தால் அவர்களை சமாதானம் செய்ய உதவியாக இருக்கும் என்றும் அவர் விளக்கம் கொடுத்துள்ளார். அத்துடன் தனது அதிர்ஷ்ட எண் 3 என்பதால், 3 குழந்தைகள் பெற வேண்டும் என்ற ஆசை ஏற்பட்டதாகவும் தெரிவித்துள்ளார். இதை கேட்ட நெட்டிசன்கள், ‘இப்படி ஒரு காரணமா’ என கேட்டு வருகின்றனர்.
News September 1, 2025
ஹமாஸ் முக்கிய தலைவர் கொல்லப்பட்டார்
பேச்சுவார்த்தைகள் ஒருபுறம் இருக்க, இஸ்ரேல் – ஹமாஸ் இடையே போர் தொடர்ந்து வருகிறது. இந்நிலையில், தாக்குதலில் ஹமாஸ் ஆயுதப் படையின் செய்தித் தொடர்பாளர் அபு ஒபெய்டா கொல்லப்பட்டதாக, இஸ்ரேலின் பாதுகாப்புத் துறை அமைச்சர் இஸ்ரேல் காட்ஸ் தெரிவித்துள்ளார். இதனை ஹமாஸ் அமைப்பு உறுதி செய்யாத நிலையில், ஹமாஸ் ராணுவத் தலைவர் முகமது சின்வார் கொல்லப்பட்டதை, அந்த அமைப்பு உறுதி செய்துள்ளது.