News August 25, 2024
ஓட்டுக்கு பணம் வாங்குவதுதான் பெரிய பிரச்னை: TTV
ஓட்டு போடுவதற்கு பணம் வாங்குவதுதான் பெரிய பிரச்னை என்று டிடிவி தினகரன் வேதனை தெரிவித்தார். இதுகுறித்து பேசிய அவர், “ஏழைகளின் வாக்குகளை கவர பல கட்சிகள் பணம் கொடுக்கின்றன. ஓட்டுக்கு பணம் கொடுத்தவன், பதவிக்கு வந்ததும் செலவிட்ட பணத்தை எடுக்க, மக்கள் வரிப்பணத்தை தான் கொள்ளையடிக்கிறான். இப்படி ஓட்டுக்கு பணம் வாங்குவதால் தான், லஞ்சத்தை உங்களால் தட்டிக் கேட்க முடியவில்லை.” எனக் கூறினார்.
Similar News
News March 5, 2026
ராஜ்யசபா வேட்பாளராக அன்புமணி போட்டி
ராஜ்யசபா தேர்தலில் அதிமுக கூட்டணியில் பாமகவுக்கு 1 சீட் ஒதுக்கப்பட்டது. இந்நிலையில், பாமக வேட்பாளராக அன்புமணி போட்டியிடுவதாக அறிவிக்கப்பட்டுள்ளது. இன்றே வேட்புமனுத் தாக்கலுக்கான கடைசி நாள் என்பதால், காலை 10.30 மணிக்கு அவர் வேட்புமனுவை தாக்கல் செய்யவுள்ளார். ஏற்கெனவே, அதிமுக கூட்டணியில் அன்புமணி ராஜ்யசபா MP-யாக இருந்துள்ளார். 2004-ல் திமுக கூட்டணியில் MP & மத்திய அமைச்சராகவும் பணியாற்றியுள்ளார்.
News March 5, 2026
தவெகவுடன் கூட கூட்டணி வைப்போம்: மன்சூர் அலிகான்
விஜய்யுடன் கூட கூட்டணி அமைப்போம் என்று இந்திய ஜனநாயக புலிகள் கட்சி தலைவர் மன்சூர் அலிகான் அறிவித்துள்ளார். விஜய்க்கு வரும் கூட்டத்தை தான் பார்க்கிறேன் என்ற அவர், தவெகவுக்கு தான் ஆதரவளிப்பேன் என்றும் திட்டவட்டமாக தெரிவித்துள்ளார். இதனையடுத்து விரைவில் விஜய்யை சந்தித்து கூட்டணி நிலைப்பாட்டை மன்சூர் அறிவிப்பார் என்று கூறப்படுகிறது. மன்சூர், 2024 தேர்தலில் வேலூரில் சுயேட்சையாக போட்டியிட்டார்.
News March 5, 2026
இதை கூட EPS-யால் சொல்ல முடியவில்லை: கோவி.செழியன்
தேர்தல் கூட்டணி பற்றி பேச EPS டெல்லிக்கு சென்றார்; அதனால்தான் 2026-ல் டெல்லிக்கும் தமிழ்நாட்டுக்கும் போட்டி என ஸ்டாலின் கூறியதாக அமைச்சர் கோவி.செழியன் தெரிவித்துள்ளார். திமுகவுக்கும், அதிமுகவுக்கும் தான் போட்டி என வெளிப்படையாக கூற முடியாத கோழையாக EPS உள்ளதாகவும் விமர்சித்தார். மேலும், வலுவான கூட்டணி அமைத்துள்ள திமுக, 2026-ல் 200 தொகுதிகளுக்கு மேல் வெற்றிபெற்று ஆட்சியமைக்கும் என்றார்.