News August 18, 2024
சதுர்த்தசியில் வழிபட வேண்டிய தெய்வம்!
ஆவணி சதுர்த்தசியில் (இன்று) ஆதிசக்தி அம்சமாகிய ஸ்ரீ அதர்வண பத்ரகாளிக்கு விரதமிருப்பது மிகவும் சிறப்பு வாய்ந்ததாகக் கருதப்படுகிறது. அசுரகுரு சுக்ராச்சாரியார் வழிபட்ட சேலம் உக்ரபிரத்தியங்கிரா கோயிலுக்கு விரதமிருந்துச் சென்று, மிளகாய் அபிஷேகம் செய்து, ரோஜாப்பூ மாலையிட்டு, பூசணி விளக்கேற்றி, வெண்பொங்கல் படையலிட்டு, 108 சக்தி போற்றி சொல்லி வணங்கினால் வேண்டிய வரங்கள் யாவும் கிட்டும் என்பது ஐதீகம்.
Similar News
News January 22, 2026
என்கவுன்டரில் 15 நக்சல்கள் சுட்டுக் கொலை
ஜார்க்கண்ட், சாரண்டா வனப்பகுதியில் நக்சல் தீவிரவாதிகளுக்கும், பாதுகாப்பு படையினருக்கு இடையே துப்பாக்கிச் சண்டை நடந்தது. இந்த மோதலில் 15 நக்சல்கள் சுட்டுக் கொல்லப்பட்டனர். இறந்தவர்களில் ஒருவர் ₹1 கோடி சன்மானம் அறிவிக்கப்பட்டிருந்த முக்கிய தலைவர் பதி ராம் மஞ்சி என்பதும் தெரியவந்துள்ளது. மேலும், அவர்களிடம் இருந்து ஏராளமான நவீன ரக துப்பாக்கிகளும் பறிமுதல் செய்யப்பட்டன.
News January 22, 2026
BREAKING: அதிமுக கூட்டணியில் புதிய கட்சி இணைந்தது
சென்னையில் பாஜக தேர்தல் பொறுப்பாளர் பியூஷ் கோயலை தமமுக தலைவர் ஜான் பாண்டியன் சந்தித்து ஆலோசித்துள்ளார். கடைசி நேரத்தில் கூட கூட்டணி கணக்கு மாறக்கூடும் என சமீபத்தில் அவர் கூறியிருந்ததால், தமமுக அணி மாறலாம் என எதிர்பார்க்கப்பட்டது. இந்நிலையில் பியூஷ் கோயலை சந்தித்து, அதிகாரப்பூர்வமாக NDA கூட்டணியில் இணைந்துள்ளார். அவருக்கு தென் மாவட்டங்களில் ஒரு தொகுதி ஒதுக்கப்பட வாய்ப்புள்ளதாக கூறப்படுகிறது.
News January 22, 2026
நகைக் கடன்.. வந்தாச்சு மகிழ்ச்சியான செய்தி
விவசாயிகளுக்கு குறைந்த வட்டியில் நகைக் கடன் வழங்கப்படுவதாக கூட்டுறவு சங்கங்கள் தெரிவித்துள்ளன. சொந்த நிலத்தில் விவசாயம் செய்பவர்கள், பட்டா ஆவணத்தையும், குத்தகை நிலத்தில் விவசாயம் செய்பவர்கள், உரிய குத்தகை ஒப்பந்த ஆவணத்தையும் வழங்க வேண்டும். இதனுடன் அடையாள ஆவணங்கள், நகை விவரங்களையும் சமர்ப்பித்தால், தாமதமின்றி உடனே விவசாய நகைக்கடன் வழங்கப்படும் என தெரிவிக்கப்பட்டுள்ளது.