News August 17, 2024
எதுக்குங்க குண்டர் சட்டம் போடுறீங்க?
குண்டர் சட்டம் குறித்து சென்னை ஐகோர்ட் முக்கிய அறிவுறுத்தலை வழங்கியுள்ளது. வங்கிகளில் ரூ.3.30 கோடி வாங்கி மோசடி செய்ததாக செல்வராஜ் என்பவரை குண்டர் சட்டத்தின் கீழ் போலீஸார் கைது செய்தனர். இதுதொடர்பான வழக்கை இன்று விசாரித்த ஐகோர்ட், “முதலில் குண்டர்கள் யார் என்று தமிழக அரசு தீவிரமாக சிந்திக்க வேண்டும். சர்வ சாதாரணமாக குண்டர் சட்டத்தை பயன்படுத்தக் கூடாது” என நீதிபதிகள் உத்தரவிட்டனர்.
Similar News
News January 18, 2026
டிரம்ப் குற்றவாளி: கொமேனி
ஈரானின் உச்ச தலைவர் கொமேனி, அரசாங்கத்திற்கு எதிரான போராட்டங்களைத் தூண்டியதாக அமெரிக்க அதிபர் டிரம்பை குற்றவாளி என்று கூறியுள்ளார். போராட்டங்களின் போது, இஸ்ரேல் மற்றும் அமெரிக்காவுடன் தொடர்புடையவர்கள்தான் பெரும் சேதங்களை ஏற்படுத்தி, பல ஆயிரம் பேரைக் கொன்றனர் என்றும் குற்றம் சாட்டியுள்ளார். மேலும், இதற்குப் பொறுப்பானவர்கள் விளைவுகளைச் சந்திக்க நேரிடும் என்று கொமேனி எச்சரித்துள்ளார்.
News January 18, 2026
இந்திய அரசியலமைப்பு திருத்தம் வரலாறு தெரியுமா?
இந்திய அரசியலமைப்பு சட்டமே உலகிலேயே அதிக திருத்தங்களுக்கு உள்ளான அரசியலமைப்பு சட்டமாகும். நவம்பர் 26, 1949 அன்று அரசியலமைப்பு சபையால் அங்கீகரிக்கப்பட்டு ஜனவரி 26, 1950 அன்று நடைமுறைக்கு வந்ததிலிருந்து, இதுவரை 106 முறை திருத்தப்பட்டுள்ளது. கடைசியாக செப்டம்பர் 2023-ல் திருத்தப்பட்டது. இந்தத் திருத்தம், மக்களவை மற்றும் மாநில சட்டமன்றங்களில் பெண்களுக்கு 33% இடஒதுக்கீட்டை கட்டாயமாக்கியது.
News January 18, 2026
₹16 லட்சம் கோடியை எட்டும் சில்லறை ஆடை வணிகம்
நாட்டில் சில்லறை ஆடை வணிகம் 2030-ம் ஆண்டுக்குள் ₹16 லட்சம் கோடியாக விரிவடையும் என்று ‘CareEdge’ தெரிவித்துள்ளது. தற்போது, சில்லறை வணிகம் ₹9.3 லட்சம் கோடியுடன் சந்தையில் 41% பங்கைக் கொண்டுள்ளது. பிராண்டட் ஆடைகளின் முக்கியத்துவம் அதிகரித்து வருவதால், இது மேலும் 13% வளரும் என்று கணிக்கப்பட்டுள்ளது. 2 & 3 அடுக்கு நகரங்களில் ஜூடியோ, மேக்ஸ், ரிலையன்ஸ் உள்ளிட்டவை வணிகத்தை விரிவுபடுத்தி வருகின்றன.